ഹൈലൈറ്റ്:
- ഫലപ്രമായി രോഗാവ്യാപനം തടയാൻ പുതിയ രീതി
- കുറ്റമറ്റ സമ്പർക്കപ്പട്ടിക തയ്യാറാക്കാൻ അബൂദാബി
- പുറത്തുള്ളവരിൽ നിന്ന് ചാറ്റ് വിവരങ്ങൾ രഹസ്യമായി സൂക്ഷിക്കും
യുഎഇയിലേക്ക് ജൂലൈ 21 വരെ സര്‍വീസില്ലെന്ന് എയര്‍ ഇന്ത്യയും; ടിക്കറ്റെടുത്തവര്‍ക്ക് ഇഷ്ടമുള്ള തീയതിയിലേക്ക് മാറ്റാം
അബൂദാബിയില്‍ ഇനി ഒരാള്‍ കൊവിഡ് പോസിറ്റീവ് ആയാല്‍ ടെസ്റ്റ് ഫലം അറിയിക്കുന്ന എസ്എംഎസ് സന്ദേശത്തോടൊപ്പം ഒരു ലിങ്ക് കൂടി ലഭിക്കും. രോഗി ഇതില്‍ ക്ലിക്ക് ചെയ്യുന്നതോടെ ആരോഗ്യ പ്രവര്‍ത്തകരുമായി വെര്‍ച്വല്‍ ചാറ്റിംഗ് നടത്താനാവും. ഇംഗ്ലീഷിലും അറബിയിലും ചാറ്റ് നടത്താന്‍ സൗകര്യമുണ്ടാവും. എമിറേറ്റ്‌സ് ഐഡി വിവരങ്ങള്‍ പരിശോധിച്ച ശേഷം രോഗിയോട് ചില ചോദ്യങ്ങള്‍ ചാറ്റിലൂടെ ആരായും. വിദേശത്ത് നിന്ന് വന്നവര്‍, അടുത്ത് സമ്പര്‍ക്കം പുലര്‍ത്തിയവര്‍, കഴിഞ്ഞ 48 മണിക്കൂറിനിടെ കണ്ടുമുട്ടിയവര്‍, യാത്രാ വിവരങ്ങള്‍ തുടങ്ങിയ കാര്യങ്ങള്‍ ചാറ്റിലൂടെ ശേഖരിക്കും. ഈ വിവരങ്ങള്‍ അന്വേഷണസംഘത്തിന് പുറത്തുള്ളവരില്‍ നിന്ന് അതീവ രഹസ്യമായി സൂക്ഷിക്കും.
ദുബായ് എക്‌സ്‌പോ ടിക്കറ്റ് നിരക്കുകള്‍ പ്രഖ്യാപിച്ചു; ആഗോളതല വില്‍പ്പന ജൂലൈ 18 മുതല്‍
രോഗിയുമായുള്ള ചാറ്റില്‍ നിന്ന് ലഭിക്കുന്ന വിവരങ്ങളുടെ അടിസ്ഥാനത്തില്‍ രോഗവ്യാപനം തടയാനുള്ള നടപടികള്‍ ആവിഷ്‌കരിക്കാന്‍ ഈ സാങ്കേതികവിദ്യ സൗകര്യമൊരുക്കും. വെര്‍ച്വല്‍ ചാറ്റിലൂടെ ലഭിച്ച വിവരങ്ങളില്‍ എന്തെങ്കിലും പൊരുത്തക്കേടുകളോ അവ്യക്തതകളോ ഉണ്ടെങ്കില്‍ രോഗിയെ ആരോഗ്യ പ്രവര്‍ത്തകര്‍ നേരിട്ടു വിളിച്ച് വിവരങ്ങള്‍ ആരായും. അബൂദാബി പൊതുജനാരോഗ്യകേന്ദ്രവും ആരോഗ്യവകുപ്പും സംയുക്തമായാണ് ഈ സാങ്കേതിക സംവിധാനം വികസിപ്പിച്ചത്. ഗള്‍ഫ് മേഖലയില്‍ ആദ്യമായാണ് കൊവിഡ് സമ്പര്‍ക്കം കണ്ടെത്താന്‍ ഇത്തരമൊരു സാങ്കേതിക സംവിധാനമെന്ന് അധികൃതര്‍ അവകാശപ്പെട്ടു. കൊവിഡിന്റെ വ്യാപനം തടയുന്നതിനുള്ള ഫലപ്രദമായ സംവിധാനമായി ഇതിനെ ഉപയോഗിക്കാനാവും. അതോടൊപ്പം കൊവിഡ് പോസിറ്റീവായ ആളുടെ രോഗലക്ഷണങ്ങള്‍ എന്തൊക്കെയാണെന്നും വെര്‍ച്വല്‍ ചാറ്റ് വഴി ശേഖരിക്കുമെന്നും അധികൃതര്‍ അറിയിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : abudhabi implements virtual chatting with covid affected to make contact tracing more effective
Malayalam News from malayalam.samayam.com, TIL Network
