പുതിയ ബൈഡന്‍ ഭരണകൂടത്തിന്റെ മേഖലയിലെ സൈനിക താല്‍പര്യങ്ങളിലുണ്ടായ മാറ്റമാണ് പുതിയ തീരുമാനത്തിനു പിന്നില്‍. സൗദി, ഇറാഖ്, കുവൈറ്റ് എന്നിവിടങ്ങളില്‍ വിന്യസിച്ചിരുന്ന പാട്രിയട്ട് മിസൈല്‍ ബാറ്ററികള്‍ ഉള്‍പ്പെടെയുള്ള സുപ്രധാന ആയുധങ്ങള്‍ കഴിഞ്ഞ മാസം അമേരിക്ക തിരിച്ചെടുത്തിരുന്നു.
ഖത്തര്‍ ഉദൈദ താവളം തുടരും
മേഖലയിലെ സൈനിക ആവശ്യങ്ങള്‍ക്കുള്ള ആയുധങ്ങള്‍ ഖത്തറിലെ ഈ ക്യാംപുകളിലായിരുന്നു സംഭരിച്ചിരുന്നത്. ടാങ്കുകള്‍, യുദ്ധ വിമാനങ്ങള്‍, വിവിധ ആയുധങ്ങള്‍ തുടങ്ങിയ സൂക്ഷിക്കുന്നതിനുള്ള 27 ആയുധപ്പുരകള്‍ ഇവിടെ ഉണ്ടായിരുന്നു. ഇവ ജോര്‍ദാനിലെ ഏരിയ സപ്പോര്‍ട്ട് ഗ്രൂപ്പിലേക്കാണ് മാറ്റിയതെന്ന് യുഎസ് സെന്‍ട്രല്‍ കമാന്റ് പ്രസ്താവനയില്‍ അറിയിച്ചു. എന്നാല്‍ ഖത്തറിലെ മറ്റൊരു പ്രധാന യുഎസ് സൈനിക താവളമായ അല്‍ ഉദൈദ് എയര്‍ ബെയ്‌സ് പ്രവര്‍ത്തനം തുടരും.
ബൈഡന്റെ മിഡിലീസ്റ്റ് നയത്തിന്റെ ഭാഗം
പുതിയ ബൈഡന്‍ ഭരണകൂടത്തിന്റെ മേഖലയിലെ സൈനിക താല്‍പര്യങ്ങളിലുണ്ടായ മാറ്റമാണ് പുതിയ തീരുമാനത്തിനു പിന്നില്‍. സൗദി, ഇറാഖ്, കുവൈറ്റ് എന്നിവിടങ്ങളില്‍ വിന്യസിച്ചിരുന്ന പാട്രിയട്ട് മിസൈല്‍ ബാറ്ററികള്‍ ഉള്‍പ്പെടെയുള്ള സുപ്രധാന ആയുധങ്ങള്‍ കഴിഞ്ഞ മാസം അമേരിക്ക തിരിച്ചെടുത്തിരുന്നു. ചൈനയ്‌ക്കെതിരായ പ്രതിരോധം ശക്തമാക്കുന്നതിന്റെ ഭാഗമായാണ് നടപടിയെന്നായിരുന്നു അന്ന് യുഎസ് സൈന്യം അറിയിച്ചിരുന്നത്. ഇതിനു പുറമെ, 20 വര്‍ഷത്തമായി അഫ്ഗാനിസ്താനില്‍ തുടരുന്ന യുഎസ് സൈനികരെയും അമേരിക്ക പിന്‍വലിച്ചിരുന്നു.
തീരുമാനത്തിന് പിന്നലെ ലക്ഷ്യം ഇറാന്
ഇറാന്റെ മിസൈല്‍ പരിധിയില്‍ നിന്ന് തങ്ങളുടെ യുദ്ധ വിമാനങ്ങള്‍ ഉള്‍പ്പെടെയുള്ള ആയുധങ്ങളെയും സൈനികരെയും മാറ്റുകയെന്ന ലക്ഷ്യത്തോടെയാണ് നടപടിയെന്നാണ് വിലയിരുത്തപ്പെടുന്നത്. കഴിഞ്ഞ വര്‍ഷം ഇറാഖിലെ യുഎസ് സൈനിക താവളത്തിനു നേരെ ഇറാന് നടത്തിയ മിസൈലാക്രമണത്തില്‍ 100ലേറെ സൈനികര്‍ക്ക് പരിക്കേറ്റിരുന്നു. ഇത്തരം സംഭവങ്ങള്‍ ആവര്‍ത്തിക്കാതെ നോക്കുകയെന്നതാണ് സൈനിക താവളം മാറ്റിയതിന്റെ കാരണങ്ങളിലൊന്ന്. ഇറാന് ആണവ പദ്ധതിയുമായി ബന്ധപ്പെട്ട് നടക്കുന്ന ചര്‍ച്ചയില്‍ ഇറാന് മുന്‍തൂക്കം ലഭിക്കുന്നത് തടയുകയെന്ന ലക്ഷ്യവും ക്യാംപുകള്‍ മാറ്റിയതിനു പിന്നിലുണ്ടെന്നാണ് സൂചന. തങ്ങളുടെ മിസൈല്‍ പരിധിക്കുള്ളില്‍ അമേരിക്കന്‍ സൈനിക താവളങ്ങളുണ്ടാവുകയെന്നത് ഇറാനെ സംബന്ധിച്ചിടത്തോളം വിലപേശാനുള്ള അവസരമാവുമെന്നാണ് അമേരിക്കയുടെ കണക്കുകൂട്ടല്‍.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : the us army evacuates 3 military bases in qatar
Malayalam News from malayalam.samayam.com, TIL Network
