മദ്യപിച്ചെത്തി പതിവായി ഉപദ്രവം; എറണാകുളത്ത് അച്ഛൻ മകനെ കുത്തിക്കൊന്നു

കൊച്ചി: എറണാകുളത്ത് പിതാവ് മകനെ കുത്തിക്കൊന്നു. ഉദയംപേരൂരിലെ എംഎൽഎ റോഡിലെ താമസക്കാരനായ ഞാറ്റയിൽ സന്തോഷാണ് (42) കൊല്ലപ്പെട്ടത്. ഇയാളുടെ അച്ഛനായ മണി (75) ആണ് കൊലപാതകം നടത്തിയത്.



പ്രണയാഭ്യര്‍ത്ഥന നിരസിച്ചതിന് പെൺകുട്ടിയുടെ വീട്ടിൽ പെട്രോള്‍ കുപ്പിയുമായി 18കാരൻ; പോലീസ് എത്തിയപ്പോള്‍ ഞരമ്പ് മുറിക്കുമെന്ന് ഭീഷണി

രാത്രി ഒരു മണിയോടെയാണ് കൊലപാതകം നടന്നതെന്നാണ് റിപ്പോർട്ട്. സംഭവം നടക്കുമ്പോൾ വീട്ടിൽ മറ്റാരും ഉണ്ടായിരുന്നില്ല. സന്തോഷ് മദ്യപിച്ചെത്തി വീട്ടിൽ ബഹളം വെക്കുകയും ഉപദ്രവിക്കുകയും ചെയ്യുന്നത് പതിവായിരുന്നുവെന്ന് സമീപവാസികൾ വ്യക്തമാക്കി.

ഉപദ്രവം സഹിക്കാൻ കഴിയാതെ വന്നതോടെ മണി മകനെ കൊലപ്പെടുത്തുകയായിരുന്നുവെന്നാണ് പ്രാഥമിക നിഗമനം.

വീട്ടിൽ വഴക്ക് പതിവായിരുന്നതിനാൽ സമീപവാസികൾ ശ്രദ്ധിച്ചില്ല.

11കാരനെതിരെ ഷെൽറ്റ‍ര്‍ ഹോമിൽ ലൈംഗികാതിക്രമം; പ്രായപൂർത്തിയാകാത്ത രണ്ട് പേർ പിടിയിൽ

വെള്ളിയാഴ്ച ഉച്ചയോടെ മദ്യപിച്ച് എത്തിയ സന്തോഷ് മർദ്ദിച്ചതായി മണി പോലീസിനോട് പറഞ്ഞു. സംഭവസ്ഥലത്തെത്തി തെളിവെടുപ്പ് നടത്തിയ പോലീസ് കൂടുതൽ വിവരങ്ങൾ പുറത്തുവിട്ടിട്ടില്ല. വീട്ടിൽ സൂക്ഷിച്ചിരുന്ന കത്തി ഉപയോഗിച്ചാണ് മണി കുത്തിയതെന്നാണ് റിപ്പോർട്ട്.