‘പാകിസ്ഥാൻ നേരിടേണ്ടിവരുക ശക്തമായ തിരിച്ചടി’: ഡ്രോൺ ഉപയോഗിച്ചുള്ള ആക്രമണങ്ങൾക്ക് മറുപടി നൽകുമെന്ന് ജനറൽ റാവത്ത്

ന്യൂഡൽഹി: ഡ്രോൺ ഉപയോഗിച്ചുള്ള ആക്രമണം രാജ്യത്ത് റിപ്പോർട്ട് ചെയ്ത സാഹചര്യത്തിൽ പാകിസ്ഥാന് മുന്നറിയിപ്പ് നൽകി ചീഫ് ഓഫ് ഡിഫൻസ് സ്റ്റാഫ് ജനറൽ ബിപിൻ റാവത്ത്. ഇന്ത്യൻ പൗരന്മാർക്കെതിരെയോ സൈനിക താവങ്ങൾക്ക് എതിരെയോ പാകിസ്ഥാൻ്റെ ഭാഗത്ത് നിന്നും ആധൂനിക രീതിയിലുള്ള നീക്കമുണ്ടായാൽ ശക്തമായി തിരിച്ചടിക്കുമെന്ന് അദ്ദേഹം പറഞ്ഞു.



പാകിസ്ഥാനിലെ ഇന്ത്യൻ ഹൈക്കമ്മീഷനുള്ളിൽ ഡ്രോൺ കണ്ടെത്തി; ആശങ്ക അറിയിച്ച് ഇന്ത്യ

പാകിസ്ഥാൻ്റെ ഭാഗത്ത് നിന്നും പ്രകോപനം തുടർന്നാൽ ശക്തിയായി തിരിച്ചടിക്കും. തിരിച്ചടി നൽകാനുള്ള എല്ലാവിധ സംവിധാനങ്ങളും സൈന്യത്തിനുണ്ട്. ഇതിനായുള്ള സ്ഥലവും സമയവും സേന തീരുമാനിക്കുമെന്നും അദ്ദേഹം പറഞ്ഞു. ജമ്മു വിമാനത്താവളത്തിലെ വ്യോമസേനാ താവളത്തിൽ ഡ്രോൺ ഉപയോഗിച്ചുള്ള ഭീകരാക്രമണത്തിൽ അന്വേഷണം തുടരുന്നതിനിടെയാണ് ബിപിൻ റാവത്ത് പാകിസ്ഥാന് മുന്നറിയിപ്പ് നൽകിയത്.

എന്താണ് ‘പൊഗോണോട്രോഫി’? മോദിയുടെ താടിയുമായി എന്ത് ബന്ധം, പ്രധാനമന്ത്രിയെ ട്രോളി തരൂർ

ജമ്മു വിമാനത്താവളത്തിലെ വ്യോമസേനാ ഹെലികോപ്ടറുകളെ ലക്ഷ്യമാക്കിയാണ് ഭീകരാക്രമണം നടന്നതെന്ന് എയർ ചീഫ് മാർഷൽ ആർ കെ എസ് ഭൗരിയ വ്യക്തമാക്കി. ഡ്രോൺ ഉപയോഗിച്ചുള്ള ആക്രമണം വെല്ലുവിളി നിറഞ്ഞതാണ്. ഈ നീക്കത്തെ പ്രതിരോധിക്കാനുള്ള നടപടികൾ സ്വീകരിച്ചു. എതിരാളികളുടെ ഡ്രോണുകളുടെ നിയന്ത്രണം തെറ്റിക്കാനുള്ള കഴിയുന്ന ജാമറുകൾ സേനയ്ക്കുണ്ടെങ്കിലും ജമ്മു വിമാനത്താവളത്തിൽ ഇവ സ്ഥാപിച്ചിരുന്നില്ലെന്നും അദ്ദേഹം പറഞ്ഞു.

ഇസ്ലാമബാദിലെ ഇന്ത്യൻ ഹൈക്കമ്മീഷൻ ഓഫീസിനുള്ളിൽ ഞായറാഴ്ച രാത്രി ഡ്രോൺ കണ്ടെത്തിയിരുന്നു. വിഷയത്തിൽ സുരക്ഷാ ലംഘനം സംബന്ധിച്ച് ഇന്ത്യ പാകിസ്ഥാനെ പ്രതിഷേധം അറിയിക്കുകയും ചെയ്തുവെന്ന് അധികൃതർ അറിയിച്ചു. ബോളിവുഡ് നൈറ്റ് എന്ന പരിപാടി ഹൈക്കമ്മീഷൻ വളപ്പിൽ നടന്നുകൊണ്ടിരിക്കെയാണ് ഡ്രോൺ കണ്ടെത്തിയത്. ഇത്തരത്തിൽ ഒരു സംഭവം ഇതാദ്യമായാണ് നടക്കുന്നതെന്നും വിദേശമന്ത്രാലയങ്ങളെ ഉദ്ധരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.

ഇനി ഗർഭിണികൾക്കും വാക്സിനെടുക്കാം; ചെയ്യേണ്ടതെന്ത്? നിലപാടറിയിച്ച് കേന്ദ്രം

സംഭവത്തിൽ ഭീകര സംഘടനകളെയാണ് ഇന്ത്യ സംശയിക്കുന്നത്. ജയ്ഷെ മുഹമ്മദ്, ലഷ്കറെ തയിബ എന്നീ ഭീകര സംഘടനകളാണ് പ്രധാനമായും സംശയിക്കപ്പെടുന്നത്. പാക്ക് സൈന്യത്തിന്റെയോ ചാരസംഘടനയായ ഐഎസ്ഐയുടേയോ പിന്തുണയോടെയാണ് ജമ്മുവിൽ വ്യോമാക്രമണം നടത്തിയത് എന്നാണ് സംശയിക്കുന്നത്.