എങ്കിലും സസ്യഹാരം അടിസ്ഥാനാക്കിയുള്ള ഈ പുതിയ ഡയറ്റിന് വലിയൊരു വിഭാഗം ആളുകളില്‍ നിന്ന് ഇപ്പോള്‍ പിന്തുണ ലഭിക്കുന്നുണ്ട്. ആരോഗ്യമുള്ള ശരീരം സൃഷ്ടിക്കുന്നതിന് ആവശ്യമായ പോഷകസമൃദ്ധമായ കാര്യങ്ങള്‍ വീഗന്‍ ഭക്ഷണക്രമ രീതികളിലൂടെ ലഭിക്കുന്നുണ്ടോയെന്നതിനെ സംബന്ധിച്ചും ഒക്കെ ഒട്ടേറെ ധാരണകള്‍ പരക്കുന്നുണ്ട്. അതിനാല്‍, വീഗന്‍ ഡയറ്റിനെക്കുറിച്ചുള്ള ചില മിഥ്യാധാരണകള്‍ അവയുടെ വസ്തുകളും വിശദമാക്കുന്നു:
അമിതമായ പ്രോട്ടീന്‍ ഭക്ഷണം നിങ്ങള്‍ക്ക് ‘സമ്മാനിക്കുക’ ഈ ഗുരുതര അവസ്ഥകളാവും
മിഥ്യധാരണ: വീഗന്‍ ഡയറ്റുകള്‍ക്ക് ഉയര്‍ന്ന ചിലവാണ്
വസ്തുത: വീഗന്‍ ഡയറ്റുകളുടെ കാര്യത്തില്‍, അത് സമ്പന്നര്‍ക്ക് മാത്രമുള്ള ഒരു ഉയര്‍ന്ന ഭക്ഷണ ശീലമാണെന്ന് ഒരു മിഥ്യധാരണയുണ്ട്. ഒരു സാധാരണ വെജ് ഡയറ്റില്‍ പച്ചക്കറികള്‍, പഴങ്ങള്‍, അരി, ധാന്യങ്ങള്‍, പയറുവര്‍ഗ്ഗങ്ങള്‍ എന്നിവ ഉള്‍പ്പെടുന്നു. ഈ ഭക്ഷണങ്ങള്‍ എവിടെയും എളുപ്പത്തില്‍ ലഭ്യമാണ്. നോണ്‍വെജിറ്റേറിയന്‍ ഉല്‍പ്പന്നങ്ങളുമായി താരതമ്യപ്പെടുത്തുമ്പോള്‍ സസ്യഹാരങ്ങള്‍ക്ക് വിലകുറവാണ്.
പക്ഷെ ഇതില്‍ മറ്റൊരു കാര്യം ശ്രദ്ധിക്കണം, റെഡി-ടു-ഈറ്റ് അല്ലെങ്കില്‍ ഒരു പ്രത്യേക സസ്യാഹാര വീഗന്‍ ബ്രാന്‍ഡ് ഭക്ഷണം വാങ്ങുകയാണെങ്കില്‍, ആ ഭക്ഷണത്തിന് കൂടുതല്‍ പണം നല്‍കേണ്ടി വരും.
മിഥ്യധാരണ: വീഗന്‍ ഡയറ്റുകളില്‍ ആരോഗ്യകരമായ പോഷകങ്ങള്‍ അടങ്ങിയിട്ടില്ല
വസ്തുത: നോണ്‍വെജിറ്റേറിയന്‍ ഉല്‍പന്നങ്ങളില്‍ നിന്ന് മാത്രമാണ് പ്രോട്ടീന്‍ ലഭിക്കുന്നതെന്ന് പലരും കരുതുന്നു. എന്നാല്‍ ബ്രോക്കോളി, ചീര, പയര്‍, ഓട്സ്, പരിപ്പ്, ക്വിനോവ, വിത്തുകള്‍, ടോഫു, ബീന്‍സ് തുടങ്ങിയ സസ്യാധിഷ്ഠിത വിഭവങ്ങളില്‍ ആരോഗ്യമുള്ള മനുഷ്യശരീരത്തിന് ആവശ്യമായ പ്രോട്ടീന്‍ ഉണ്ട്.
മിഥ്യധാരണ: പാലുല്‍പ്പന്നങ്ങള്‍ക്ക് പകരം നില്‍ക്കാന്‍ വീഗന്‍ ഭക്ഷണത്തിനാവില്ല
വസ്തുത: പാലുല്‍പ്പന്നങ്ങള്‍ കാല്‍സ്യത്തിന്റെ വാഹകരാണ്, ഇത് അസ്ഥികളുടെ ബലം നല്‍കുന്നു. പേശികളുടെ സങ്കോചം, രക്തം കട്ടപിടിക്കല്‍, രക്തസമ്മര്‍ദ്ദം, ഞരമ്പുകളിലേക്ക് സിഗ്‌നലുകള്‍ അയയ്ക്കല്‍ തുടങ്ങിയ ആരോഗ്യകരമായ ശരീര പ്രവര്‍ത്തനങ്ങള്‍ക്കും കാല്‍സ്യം സഹായിക്കുന്നു. ഇത് ഓരോ സസ്യാഹാരിയും കാല്‍സ്യം ശരിയായി കഴിക്കേണ്ടത് അനിവാര്യമാണ്. പക്ഷെ പാലില്‍ മാത്രമല്ല കാല്‍സ്യം അടങ്ങിയിരിക്കുന്നത്.
വീഗന്‍ ഫുഡ് ഉല്‍പന്നങ്ങളിലും കാല്‍സ്യം അടങ്ങിയ വിഭവങ്ങളുണ്ട്. ചീര, സോയ അടിസ്ഥാനമാക്കിയുള്ള ഭക്ഷണങ്ങള്‍, അത്തിപ്പഴം, ബീന്‍സ്, ചിയ, പയറ്, കടല, എള്ള്, ബദാം, മധുരമുള്ളങ്കി തുടങ്ങിയവ കാല്‍സ്യം വര്‍ദ്ധിപ്പിക്കാന്‍ സഹായിക്കുന്ന ഭക്ഷണങ്ങളാണ്.
പകര്‍ച്ചപ്പനി ലക്ഷണങ്ങള്‍ അവഗണിക്കരുതേ.. ഹൃദയാഘാത സാധ്യത തള്ളിക്കളയാനാകില്ല
മിഥ്യധാരണ: വീഗന്‍ എന്നത് കര്‍ശനമായ ഭക്ഷണക്രമമാണ്
വസ്തുത: ഇതുവരെ ശീലിച്ച വളരെ സുഖകരമെന്ന കരുതുന്ന കാര്യങ്ങളില്‍ നിന്ന് മാറാന്‍ ശ്രമിക്കുന്നത്, അതായത് ഭക്ഷണശീലങ്ങള്‍ ഉപേക്ഷിക്കുന്നത് പോലുള്ള സ്വയം മാറുന്നത് വളരെ ബുദ്ധിമുട്ടുള്ള ഒന്നാണ്. പലര്‍ക്കും ചില ഭക്ഷണങ്ങളോട് വളരെ താല്‍പര്യം കാണും. അവര്‍ക്ക് ആ രുചികരമായ ഭക്ഷണങ്ങളില്‍ നിന്ന് സ്വയം മാറാന്‍ കഴിയില്ല. എന്നാല്‍ വീഗന്‍ ഭക്ഷണക്രമത്തിലേക്ക് എത്തിയാല്‍ സസ്യാഹാരത്തില്‍ നിന്നും അതേ രുചികള്‍ നേടാന്‍ സാധിക്കും.
വീഗന്‍ ഭക്ഷണം പിന്തുടരുന്നവരുടെ എണ്ണം കൂടുന്നതുക്കൊണ്ട് ഇപ്പോള്‍ നിരവധി പാചക ഓപ്ഷനുകള്‍ ഉയര്‍ന്നുവന്നിട്ടുണ്ട്. നോണ്‍വെജിറ്റേറിയന്‍ ഭക്ഷ്യ ഉല്‍പന്ന ഉപയോക്താക്കള്‍ക്ക് മുമ്പ് ഉണ്ടായിരുന്ന അതേ രുചി നഷ്ടപ്പെടാതെ സസ്യഭക്ഷണത്തിലേക്ക് മാറാന്‍ ഇത് അനുവദിച്ചു. വീഗന്‍ ഭക്ഷണക്രമത്തിന്റെ ഉദ്ദേശം ആരോഗ്യമുള്ള മനസ്സിനെയും ശരീരത്തെയും പോഷിപ്പിക്കാന്‍ സസ്യാധിഷ്ഠിത വിഭവങ്ങളില്‍ നിന്ന് സമീകൃത പോഷകാഹാരം നേടുക എന്നതാണ്.
