ഹൈലൈറ്റ്:
- കുവൈറ്റിൽ വിദേശികള്‍ക്കുള്ള യാത്രാ നിയന്ത്രണങ്ങളില്‍ ഇളവ് വേണമെന്ന് ആവശ്യം.
- ഫെഡറേഷന്‍ ഓഫ് ടൂറിസം ആൻ്റ് ട്രാവല്‍ ഓഫീസസ് ആണ് രംഗത്തെത്തിയത്.
- കര്‍ക്കശമായ നിയന്ത്രണങ്ങളാണെന്നും കുറ്റപ്പെടുത്തൽ.
പ്രതിഷേധ പ്രകടനത്തില്‍ പങ്കെടുക്കുന്ന പ്രവാസികളെ ഉടന്‍ നാടുകടത്തും: കുവൈറ്റ്
നിലവില്‍ കൂടുതല്‍ രാജ്യങ്ങളിലേക്ക് വിമാന സര്‍വീസുകള്‍ തുടങ്ങിയിട്ടുണ്ടെങ്കിലും ഒരു ദിവസം 3500 പേര്‍ക്ക് മാത്രമേ വിമാനത്താവളം വഴി യാത്ര ചെയ്യാന്‍ അനുമതിയുള്ളൂ എന്നതിനാല്‍ അതിൻ്റെ ഗുണഫലം പൂര്‍ണാര്‍ഥത്തില്‍ ലഭിക്കുന്നില്ല. എന്നു മാത്രമല്ല, കൂടുതല്‍ യാത്രക്കാരെ കയറ്റാന്‍ പറ്റാത്തത് കാരണം എയര്‍ലൈന്‍സുകള്‍ ടിക്കറ്റ് നിരക്ക് കുത്തനെ കൂട്ടിയിരിക്കുകയുമാണ്. ഈ പ്രശ്‌നം പരിഹരിക്കുന്നതിന് വിമാനത്താവളത്തിലേക്ക് വരാവുന്ന പ്രതിദിന യാത്രക്കാരുടെ എണ്ണം വര്‍ധിപ്പിക്കണമെന്നും ഫെഡറേഷന്‍ പ്രസ്താവനയില്‍ ആവശ്യപ്പെട്ടു.
കുവൈറ്റ്: 8000 പ്രവാസികളെ താമസ സ്ഥലത്തു നിന്ന് പുറത്താക്കി
ഓഗസ്‌റ്റോടെ കൂടുതല്‍ പ്രവാസികള്‍ ഉള്‍പ്പെടെയുള്ളവര്‍ക്ക് യാത്രാനുമതി നല്‍കിയ പശ്ചാത്തലത്തില്‍ അത് ഫലവത്താവണമെങ്കില്‍ ആരോഗ്യ നിയന്ത്രണങ്ങള്‍ ലഘൂകരിക്കണം. ഇതിന്റെ ഭാഗമായി അഞ്ചു കാര്യങ്ങളാണ് ഫെഡറേഷന്‍ സര്‍ക്കാര്‍ മുമ്പാകെ സമര്‍പ്പിച്ചിരിക്കുന്നത്. വിമാനത്താവളത്തിലെത്തുന്ന യാത്രക്കാരുടെ എണ്ണത്തിലുള്ള പരിധി വര്‍ധിപ്പിക്കണമെന്നതാണ് അതില്‍ പ്രധാനം. പൂര്‍ണമായും വാക്‌സിനെടുത്തവരെ പിസിആര്‍ നെഗറ്റീവ് സര്‍ട്ടിഫിക്കറ്റെന്ന നിബന്ധനയില്‍ നിന്ന് ഒഴിവാക്കണം. കുവൈറ്റ് മുസാഫിര്‍ ആപ്പില്‍ രജിസ്റ്റര്‍ ചെയ്യണമെന്ന നിബന്ധനയും വേണ്ടെന്നു വയ്ക്കണം. ഫ്ലൈറ്റുകള്‍ മുന്നറിയിപ്പില്ലാതെ കാന്‍സല്‍ ചെയ്യുന്നത് ഒഴിവാക്കുകയും ടിക്കറ്റ് നിരക്ക് ഗണ്യമായി കുറയ്ക്കാന്‍ നടപടി സ്വീകരിക്കുകയും ചെയ്യണമെന്നതാണ് മറ്റ് ആവശ്യങ്ങള്‍.
കുവൈറ്റിലെ എട്ട് പ്രദേശങ്ങളില്‍ രേഖപ്പെടുത്തിയത് ലോകത്തിലെ ഏറ്റവും ഉയര്‍ന്ന താപനില
അതേസമയം വിമാനത്താവളത്തിലെത്തുന്ന പ്രതിദിന യാത്രക്കാരുടെ എണ്ണം 3500ല്‍ നിന്ന് 5000 ആക്കി ഉയര്‍ത്തുന്നതിനുള്ള നടപടികള്‍ പുരോഗമിക്കുകയാണെന്ന് കുവൈറ്റ് അന്താരാഷ്ട്ര വിമാനത്താവളം ഡെപ്യൂട്ടി ഡയരക്ടര്‍ ജനറല്‍ സഅദ് അല്‍ ഉതൈബി പറഞ്ഞു.
മലബാറില്‍ വലിയ വികസന കുതിപ്പ്, വയനാട്ടിലേക്ക് തുരങ്കപാത സമയബന്ധിതമായി പൂർത്തിയാക്കും
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : federation of tourism and travel offices in kuwait demand for relaxation in travel restrictions for foreigners
Malayalam News from malayalam.samayam.com, TIL Network
