ഹൈലൈറ്റ്:
- മുഖ്യമന്ത്രിയ്ക്കെതിരെ വി മുരളീധരൻ
- കൊവിഡ് മൃതസംസ്കാരം സംബന്ധിച്ച ഉപദേശം അപഹാസ്യം
- പ്രോട്ടോകോളിന് വിമര്‍ശനം
കൊവിഡ് 19 ബാധിച്ചു മരിച്ച പ്രിയപ്പെട്ടവരുടെ മൃതദേഹങ്ങള്‍ അടുത്തു കാണാൻ പോലും കുടുംബാംഗങ്ങള്‍ക്ക് സാധിക്കാത്ത സാഹചര്യം കേരളത്തിലുണ്ടെന്നും ഈ സാഹചര്യത്തിൽ കൊവിഡ് ബാധിതരുടെ മൃതദേഹങ്ങള്‍ ഒരു മണിക്കൂര്‍ വീട്ടിൽ സൂക്ഷിക്കാൻ അനുവദിക്കുമെന്നുമായിരുന്നു മുഖ്യമന്ത്രി പിണറായി വിജയൻ വാര്‍ത്താ സമ്മേളനത്തിൽ അറിയിച്ചത്. എന്നാൽ ഇത്തരത്തിൽ കേരള സര്‍ക്കാരിന് ലഭിച്ച ഉപദേശം അപഹാസ്യമാണെന്നാണ് വി മുരളീധരൻ്റെ പ്രതികരണം.
Also Read: രേഷ്മയോടു ചാറ്റ് ചെയ്തത് കാമുകനല്ല; വ്യാജ അക്കൗണ്ടിനു പിന്നിൽ ആത്മഹത്യ ചെയ്ത യുവതികൾ: പോലീസ്
കഴിഞ്ഞ ദിവസം കൊവിഡ് ബാധിതരുടെ മൃതദേഹങ്ങള്‍ ചടങ്ങുകള്‍ പൂര്‍ത്തിയാക്കാനായി ഒരു മണിക്കൂര്‍ ബന്ധുക്കള്‍ക്ക് വീടുകളിൽ കൊണ്ടുപോകാമെന്ന് മുഖ്യമന്ത്രി പ്രഖ്യാപിച്ചു. ഒരു മണിക്കൂര്‍ നേരത്തേയ്ക്ക് മൃതദേഹത്തിൽ കൊവിഡ് ബാധയുണ്ടാകില്ലെന്ന് ആരാണ് മുഖ്യമന്ത്രിയ്ക്ക് ഉപദേശംനല്‍കിയത്. ഒരു മണിക്കൂര്‍ കഴിഞ്ഞാൽ പിന്നെ എന്തിനാണ് തിരിച്ചു കൊണ്ടുപോകുന്നതെന്നും അവിടെ തന്നെ ചടങ്ങുകള്‍ പൂര്‍ത്തിയാക്കിക്കൂടേ എന്നും മുരളീധരൻ ചോദിച്ചു.
സംസ്ഥാനത്തെ കൊവിഡ് മരണങ്ങള്‍ റിപ്പോര്‍ട്ട് ചെയ്യുന്ന രീതി സംബന്ധിച്ച് പ്രതിപക്ഷം ഉയര്‍ത്തുന്ന ആരോപണങ്ങളെയും അദ്ദേഹം പിന്തുണച്ചു. രോഗിയെ പരിശോധിക്കകുയോ രോഗിയെ നേരിട്ടു കാണുകയോ ചെയ്യാത്ത ഒരു ആരോഗ്യവിദഗ്ധൻ എങ്ങനെയാണ് ഇത് കൊവിഡ് മരണമാണെന്നു തീരുമാനിക്കുന്നതെന്നും ഇക്കാര്യമാണ് ആരോഗ്യമേഖലയിൽ പ്രവര്‍ത്തിക്കുന്ന ഡോക്ടര്‍മാര്‍ ഉള്‍പ്പെടെയുള്ളവര്‍ ചൂണ്ടിക്കാണിക്കുന്നതെന്നും മുരളീധരൻ ചോദിച്ചു. ജില്ലകളിൽ നിന്നു ലഭിക്കുന്ന കൊവിഡ് മരണം സംബന്ധിച്ച കണക്കുകള്‍ സംസ്ഥാന തലത്തിൽ പരിശോധിച്ച് നിശ്ചയിക്കുന്നതിലെ അശാസ്ത്രീയത ജനങ്ങള്‍ക്ക് ബോധ്യപ്പെട്ടിട്ടുണ്ടെന്നും അദ്ദേഹം കൂട്ടിച്ചേര്‍ത്തു.
മെമ്പർക്ക് സന്ദേശമയച്ച് ഷെബിൻ ഒടുവിൽ വൈദ്യുതി ലഭിച്ചത് 2 കുടുംബങ്ങൾക്ക്!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : union minister v muraleedharan against new kerala covid 19 death funeral protocol
Malayalam News from malayalam.samayam.com, TIL Network
