Jibin George | Samayam MalayalamUpdated: Aug 31, 2022, 9:37 AM
ഒമ്പതാം ക്ലാസിലെ സയൻസ് പ്രായോഗിക പരീക്ഷയ്ക്ക് മാർക്ക് കുറഞ്ഞെന്ന് ആരോപിച്ചാണ് വിദ്യാർഥികൾ അധ്യാപകൻ സുമൻ കുമാറിനെയും ക്ലർക്ക് സോനെറാം ചൗരെയെയും ആക്രമിച്ചത്.
ഹൈലൈറ്റ്:
- അധ്യാപകനെ വിദ്യാർഥികൾ മരത്തിൽ കെട്ടിയിട്ട് മർദിച്ചു.
- ജാർഖണ്ഡിലെ ദുംക ജില്ലയിലെ പട്ടികവർഗ റെഡിഡൻഷ്യൽ സ്കൂളിൽ തിങ്കളാഴ്ചയാണ് സംഭവം.
- മാർക്ക് കുറഞ്ഞെന്ന കാരണത്തിലാണ് മർദനം.
ട്രാൻസ്ജെൻഡർ ദമ്പതികൾക്ക് നേരെ ആക്രമണം; മർദിച്ചത് ബന്ധുക്കളടക്കമുള്ളവർ, കേസെടുത്ത് പോലീസ്ഒമ്പതാം ക്ലാസിലെ സയൻസ് പ്രായോഗിക പരീക്ഷയ്ക്ക് മാർക്ക് കുറഞ്ഞെന്ന് ആരോപിച്ചാണ് വിദ്യാർഥികൾ അധ്യാപകൻ സുമൻ കുമാറിനെയും ക്ലർക്ക് സോനെറാം ചൗരെയെയും ആക്രമിച്ചത്. പരീക്ഷ എഴുതിയ 32 വിദ്യാർഥികളിൽ പതിനൊന്ന് പേർക്ക് ഡി.ഡി ഗ്രേഡാണ് ലഭിച്ചത്. തോൽവിക്ക് തുല്യമാണ് ഈ മാർക്ക് എന്ന് ആരോപിച്ചായിരുന്നു വിദ്യാർഥികൾ അധ്യാപകനെ ആക്രമിച്ച് സ്കൂളിന് സമീപത്തെ മാവിൽ കെട്ടിയിട്ട് തല്ലിയത്.
മാർക്ക് കുറച്ച് നൽകിയതാണ് തോൽവിക്ക് കാരണമായതെന്നാണ് വിദ്യാർഥികളുടെ ആരോപണം. മാർക്ക് ജെഎസിയുടെ വെബ്സൈറ്റിൽ അപ്‌ലോഡ് ചെയ്തതിനാണ് ക്ലാർക്കിനെ കുട്ടികൾ മർദിച്ചത്. സാരമായി പരിക്കേറ്റ ഇയാൾ ചികിത്സ തേടി. അധ്യാപകനെയും ജീവനക്കാരനെയും മർദിച്ച വിദ്യാർഥികൾക്കെതിരെ അച്ചടക്ക നടപടി സ്വീകരിച്ചതായും സ്കൂളിൽ നിന്നും പുറത്താക്കിയതായും അധികൃതർ അറിയിച്ചു. കുട്ടികളുടെ ഭാവി കണക്കിലെടുത്ത് വിദ്യാർഥികൾക്കെതിരെ പോലീസിൽ പരാതി നൽകുന്നില്ലെന്ന് സ്കൂൾ അധികൃതർ വ്യക്തമാക്കി.
മുൻ സോവിയറ്റ് യൂണിയൻ പ്രസിഡന്‍റ് മിഖായേൽ ഗോർബച്ചേവ് അന്തരിച്ചു
വിദ്യാർഥികൾക്കെതിരെ അധ്യാപകനും ജീവനക്കാരനും രേഖാമൂലം പരാതി നൽകിയിട്ടില്ല. സംഭവത്തിൽ പരാതി ലഭിക്കാത്തതിനാൽ കേസെടുത്തിട്ടില്ലെന്ന് ഗോപികന്ദർ പോലീസ് സ്റ്റേഷൻ്റെ ചുമതലയുള്ള ഉദ്യോഗസ്ഥനായ നിത്യാനന്ദ് ഭോക്ത പറഞ്ഞു. വിദ്യാർഥികൾക്കെതിരെ നടപടിയെടുത്ത സാഹചര്യത്തിൽ കൂടുതൽ പ്രശ്നങ്ങൾക്ക് സാധ്യതയുള്ളതിനാൽ ഒമ്പത്, പത്ത് ക്ലാസുകളിലെ അധ്യയനം രണ്ട് ദിവസത്തേക്ക് നിർത്തിവച്ചു. സ്കൂളിൽ 200 കുട്ടികളാണ് പഠിക്കുന്നതെന്നും ഇവരിൽ ഭൂരിഭാഗം പേർക്കും തിങ്കളാഴ്ചത്തെ സംഭവത്തിൽ പങ്കുണ്ടെന്നും ഗോപികന്ദർ ബ്ലോക്ക് ഡെവലപ്മെന്റ് ഓഫീസർ അനന്ത് ഝാ പറഞ്ഞു.
‘പപ്പടത്തല്ല്’ വൈറലായി … പപ്പടക്കാരുടെ ജീവിതമോ?
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
