ഓട്സ് പ്രയോഗം ഇനി മുടിയിലും; ഉപയോഗിക്കാം ഈ ഹെയർ മാസ്കുകൾ

ഫൈബർ, വിറ്റാമിനുകൾ, ധാതുക്കൾ എന്നിവയാൽ സമ്പന്നമായതിനാൽ ഓട്‌സ് ഒരു ആരോഗ്യകരമായ പ്രഭാതഭക്ഷണമാണ്. എന്നാൽ ഇത് മുടിക്ക് നല്ലതാണെന്ന് നിങ്ങൾക്കറിയാമോ? ശരീരത്തെ ആരോഗ്യകരമാക്കുന്ന ഓട്‌സിൽ അടങ്ങിയിരിക്കുന്ന അതേ പോഷകങ്ങൾ നിങ്ങളുടെ മുടിയേയും സഹായിക്കുന്നു. മുടിയുടെ വളർച്ച, പിളർപ്പ് തടയൽ മുതലായവ ഉൾപ്പെടെയുള്ള നിരവധി ഗുണങ്ങൾ ഓട്‌സ് നിങ്ങളുടെ മുടിക്ക് നൽകുമെന്ന് തെളിയിക്കപ്പെട്ടിട്ടുണ്ട്. നിങ്ങൾ ദുർബലമായ, ഉള്ള് കുറഞ്ഞ മുടിയുമായി മല്ലിടുകയും അതിനെ എങ്ങനെ ശക്തിപ്പെടുത്തണമെന്ന് ആലോചിച്ച് വിഷമിക്കുകയുമാണെങ്കിൽ, ഓട്‌സ് ഉപയോഗിച്ച് അതിന് പരിഹാരം കണ്ടെത്താം.



മുടി കൊഴിയുന്നത് കാണുന്നതിനേക്കാൾ വലിയ ടെൻഷൻ ഇല്ല പലർക്കും. ഇതിന് കാരണങ്ങൾ പലതാണെങ്കിലും നിരന്തരമായ ഡൈ ഉപയോഗം, ഹീറ്റ് സ്റ്റൈലിംഗ് ഉപകരണങ്ങളുടെ ഉപയോഗം, കെമിക്കൽ അടങ്ങിയ ഉൽപ്പന്നങ്ങളുടെ ഉപയോഗം, മോശം ഭക്ഷണം തുടങ്ങിയ കാര്യങ്ങളൊക്കെ മുടി കൊഴിച്ചിലിന് ആക്കം കൂട്ടുന്നു. കൊഴിയുന്നത് കൂടാതെ, മുടി പൊട്ടിപ്പോകുക, വരണ്ടു പോകുക തുടങ്ങിയ പ്രശ്നങ്ങളും നേരിടേണ്ടതായി വരാം. ഓട്സ് തലമുടിയിൽ എങ്ങനെ പ്രവർത്തിക്കുന്നു എന്ന് നോക്കാം.

എണ്ണമയമുള്ള ചർമ്മത്തെ പരിപാലിക്കുമ്പോൾ അറിയേണ്ടതെല്ലാം

മുടി വളരാൻ: ഓട്‌സ് മുടിക്ക് കൂടുതൽ ഇലാസ്തികത നൽകാൻ സഹായിക്കും, ഇത് കേടുപാടുകൾ തടയുന്നു. മുടിയെ ശക്തിപ്പെടുത്തുന്ന നിങ്ങളുടെ ദൈനംദിന കണ്ടീഷനിംഗ് ചികിത്സയിൽ ഓട്സ് ഒരു ഘടകമാണ്. ഓട്‌സിന്റെ ദൈനംദിന ഉപയോഗം മുടി വളരാനും ആരോഗ്യകരമായ നീളമുള്ള മുടി എന്ന ലക്ഷ്യത്തിലെത്താനും നിങ്ങളെ സഹായിക്കും.

തലയിലെ ചൊറിച്ചിൽ ഇല്ലാതാക്കാൻ: വരണ്ടതും ചൊറിച്ചിലുമുള്ള ചർമ്മത്തിന് ഓട്സ് ഉപയോഗിക്കാം. ഓട്‌സ് ഒരു പ്രകൃതിദത്ത മോയ്‌സ്ചുറൈസറാണ്. ഇതിന്റെ പതിവ് ഉപയോഗം വരണ്ടതും ചൊറിച്ചിലുമുള്ള ശിരോചർമ്മത്തെ ചികിത്സിക്കാൻ സഹായിക്കും. കൂടാതെ, നിങ്ങൾക്ക് താരൻ പ്രശ്നമുണ്ടെങ്കിൽ, നിങ്ങളുടെ കേശ സംരക്ഷണ വ്യവസ്ഥയിൽ ഉൾപ്പെടുത്തേണ്ട ഒരു പ്രധാന ഘടകമാണ് ഓട്‌സ്.

മുടിക്ക് ആവശ്യമായ ഈർപ്പം പകരാൻ: ഓട്സിന് ഈർപ്പം പകരുന്ന മോയ്സ്ചറൈസിംഗ് ഗുണങ്ങളുണ്ട്. ഇതിൽ വിറ്റാമിൻ ബി അടങ്ങിയിരിക്കുന്നതിനാൽ ഈർപ്പം മുടിയിൽ തുളച്ചുകയറുന്നു. ഇതിൽ പോളിസാക്രറൈഡുകൾ അടങ്ങിയിട്ടുണ്ട്, ഇത് മുടിയെ മൃദുവാക്കുന്നു. ചുരുണ്ട മുടിക്കും മോയ്‌സ്ചറൈസിംഗ് ചികിത്സ ആവശ്യമാണ്.

മുടിക്ക് സ്വാഭാവിക തിളക്കം ലഭിക്കാൻ: മുടിക്ക് തിളക്കം ലഭിക്കാൻ ഓട്‌സ് സഹായിക്കും. ഓട്‌സ് പ്രയോഗിക്കുന്നതിലൂടെ മുടി തിളങ്ങുന്നതായി നിങ്ങൾക്ക് കാണാം.

അത്ഭുതകരമായ ഫലങ്ങൾ നൽകാൻ കഴിയുന്ന ഓട്‌സ് ഹെയർ മാസ്കുകൾ

ഓട്‌സ് + പാൽ ഹെയർ മാസ്ക്



തലയിൽ അമിത എണ്ണമയം, താരൻ, ചൊറിച്ചിൽ എന്നിവയുള്ളവർക്ക് ഇത് ഏറ്റവും അനുയോജ്യമാണ്. ഓട്‌സ്, പാൽ, ബദാം ഓയിൽ അല്ലെങ്കിൽ ഒലിവ് ഓയിൽ എന്നിവ ചേർത്ത് ഒരു പേസ്റ്റ് ഉണ്ടാക്കുക. ഈ മാസ്ക് പ്രയോഗിക്കുന്നതിന് മുമ്പ് മുടി നന്നായി ചീകുക, ശേഷം മാസ്ക് സൗമ്യമായി പ്രയോഗിക്കുക. ഇത് 30 മിനിറ്റ് വിടുക, എന്നിട്ട് ഇളം ചൂടുള്ള വെള്ളത്തിൽ കഴുകുക.

ഐസ് ക്യൂബ് മസ്സാജ് ചർമ്മത്തിന് നൽകും ഈ ഗുണങ്ങൾ

ഓട്‌സ് + അവോക്കാഡോ ഹെയർ മാസ്ക്

ഓട്‌സ് അതിന്റെ പാചക നിർദ്ദേശമനുസരിച്ച് തയ്യാറാക്കി മുറിയുടെ ഊഷ്മാവിൽ തണുപ്പിക്കുക. മിനുസമാർന്ന പേസ്റ്റ് ഉണ്ടാക്കാൻ അവോക്കാഡോ ഉപയോഗിച്ച് മിശ്രിതമാക്കുക. മുടിയുടെ വേര് മുതൽ അറ്റം വരെ ഇത് പുരട്ടി അല്പനേരത്തിന് ശേഷം കഴുകി കളയാം.

ഓട്സ് + വെളിച്ചെണ്ണ ഹെയർ മാസ്ക്



പാൽ ഒരു പാത്രത്തിൽ എടുത്ത്, അതിൽ ഓട്സ് ചേർക്കുക. മിനുസമാർന്ന പേസ്റ്റായി മാറുന്നതുവരെ അവയെ നന്നായി യോജിപ്പിക്കുക. ഈ പേസ്റ്റിലേക്ക് തേനും വെളിച്ചെണ്ണയും ചേർത്ത് യോജിപ്പിക്കുക. ഈ മിശ്രിതം ഒരു പാത്രത്തിൽ വയ്ക്കുക, നിങ്ങളുടെ ബ്രഷ് ഇതിൽ മുക്കി വരണ്ട മുടിയിൽ പുരട്ടുക.