വാരാന്ത്യ ലോക്ക് ഡൗൺ പിൻവലിച്ച് ക‍ര്‍ണ്ണാടക; കൂടുതൽ ഇളവുകൾ

ബെംഗളുരു: കൊവിഡ് വ്യാപനം കുറഞ്ഞതിന്റെ പശ്ചാത്തലത്തിൽ വാരാന്ത്യ ലോക്ക് ഡൗൺ പിൻവലിച്ച് കർണ്ണാടക. എന്നാൽ രാത്രി ഒമ്പത് മുതൽ പുലർച്ചെ അഞ്ച് വരെ നീണ്ടു നിൽക്കുന്ന രാത്രികാല കർഫ്യൂ തുടരും. പൊതുഗതാഗതത്തിൽ വാഹനത്തിലെ ഇരിപ്പിടത്തിന് അനുസൃതമായ ആളുകളെ കയറ്റാമെന്നും ഉത്തരവിൽ പറയുന്നു.

ഇന്ത്യയിലെ മുസ്ലീം സമൂഹം രാജ്യത്തെയോർത്ത് അഭിമാനിക്കുന്നുണ്ടോ? പ്യൂ സർവേ പറയുന്നത് ഇങ്ങനെ

കണ്ടെയ്ൻമെന്റ് സോണിനു പുറത്ത് കൂടുതൽ ഇളവ് പ്രഖ്യാപിച്ചിട്ടുണ്ട്. ആരാധനാലയങ്ങൾ ദർശനത്തിനു മാത്രമായി തുറക്കാമെന്നും നിർദ്ദേശമുണ്ട്. മാളുകൾ, സിനിമാ തിയേറ്ററുകൾ, റെസ്റ്റോറന്റുകൾ, ഓഫീസുകൾ, മറ്റ് കടകൾ എന്നിവ കണ്ടെയ്ൻമെന്റ് സോണിനു പുറത്ത് തുറക്കാം.

അതേസമയം വിദ്യാഭ്യാസ സ്ഥാപനങ്ങളും കോച്ചിങ് സെന്ററുകൾക്കും പ്രവർത്തനാനുമതിയില്ല. സ്വിമ്മിങ് പൂളുകളിൽ പരിശീലന ആവശ്യങ്ങൾക്കായി പ്രവേശനമുണ്ട്. സ്പോർട്സ് കോംപ്ലക്സുകളും സ്റ്റേഡിയവും പരിശീലന ആവശ്യത്തിനായി തുറക്കാം. എന്നാൽ കാഴ്ചക്കാർക്ക് പ്രവേശനമില്ല. കൊവിഡ് മാനദണ്ഡങ്ങൾ കൃത്യമായി പാലിക്കണം.

സൗജന്യ റേഷൻ വിതരണം ചെയ്യുന്നിടത്ത് മോദിയുടെ ചിത്രം വേണം; സഞ്ചികളിൽ താമര ചിഹ്നവും; നിർദ്ദേശവുമായി ബിജെപി

സാമൂഹിക-രാഷ്ട്രീയ-സാംസ്കാരിക പരിപാടികൾക്ക് കണ്ടെയ്ൻമെന്റ് സോണിനു പുറത്ത് അനുമതിയുണ്ട്. വിവാഹ ചടങ്ങുകൾക്ക് നൂറ് പേർക്കും മരണാനന്തര ചടങ്ങുകൾക്ക് 20 പേർക്കും പങ്കെടുക്കാനും അനുമതിയുണ്ട്.