കോഴപ്പണ ആരോപണം; സികെ ശശീന്ദ്രന്റെയും ഭാര്യയുടേയും മൊഴിയെടുത്തു

കൊച്ചി: കോഴപ്പണ ആരോപണവുമായി ബന്ധപ്പെട്ട് കൽപ്പറ്റ മുൻ എംഎൽഎ സികെ ശശീന്ദ്രന്റെയും ഭാര്യയുടേയും മൊഴിയെടുത്തു. ശശീന്ദ്രന്റെ കൽപ്പറ്റയിലെ വീട്ടിലെത്തിയാണ് അന്വേഷണ സംഘം മൊഴി രേഖപ്പെടുത്തിയതെന്ന് ട്വന്റിഫോർ ന്യൂസ് റിപ്പോർട്ട് ചെയ്തു.



ജാനു വാങ്ങിയ കോഴപ്പണത്തിൽ ഒരു പങ്ക് സികെ ശശീന്ദ്രന്റെ ഭാര്യയ്ക്ക് കൈമാറിയെന്നായിരുന്നു ആരോപണം. ജാനുവിൽ നിന്നും പണം വാങ്ങിയതിന്റെ വിശദാംശങ്ങളാണ് അന്വേഷണ സംഘം തേടിയത്. എന്നാൽ മുൻപ് വാങ്ങിയ പണം തിരികെ നൽകുകയായിരുന്നെന്നാണ് ക്രൈം ബ്രാഞ്ചിന്റെ കണ്ടെത്തൽ. ഇടപാട് ബാങ്ക് മുഖേനയാണെന്നും ക്രൈം ബ്രാഞ്ച് കണ്ടെത്തി.

ജാനു തന്നത് കാറ് വാങ്ങാൻ കടം വാങ്ങിയ പണം; ഇടപാട് ബാങ്ക് വഴി: സി കെ ശശീന്ദ്രൻ

അതേസമയം, സികെ ജാനു കടം വാങ്ങിയ പണമാണ് തിരികെ തന്നതെന്ന് സികെ ശശീന്ദ്രൻ നേരത്തെ വ്യക്തമാക്കിയിരുന്നു. 2019 ൽ കാറ് വാങ്ങാൻ സികെ ജാനു മൂന്ന് ലക്ഷം രൂപ കടം വാങ്ങിയിരുന്നുവെന്നും പണം വാങ്ങിയത് അക്കൗണ്ട് വഴിയാണെന്നും അക്കൗണ്ട് വഴി തന്നെയാണ് ജാനു പണം തിരികെ തന്നതെന്നും അദ്ദേഹം പറഞ്ഞു.

പണത്തിന്റെ ഒരു ഭാഗം നേരത്തെ തന്നിരുന്നു. ബാക്കിയുള്ളത് കഴിഞ്ഞ മാ‍ര്‍ച്ചിലാണ് തന്നതെന്നും അദ്ദേഹം വ്യക്തമാക്കി. വാഹനം വാങ്ങുന്നതുമായി ബന്ധപ്പെട്ട് സാമ്പത്തിക സഹായം ചെയ്യാമോയെന്ന് ജാനു ചോദിച്ചു. ആദ്യം താൻ അവരെ ഡ്രൈവേഴ്സ് സൊസൈറ്റിക്കാരുടെ അടുത്തേക്ക് പറഞ്ഞുവിട്ടു. എന്തുകൊണ്ടോ അവിടെ നിന്നും ലോൺ ലഭിച്ചില്ല.

വാരാന്ത്യ ലോക്ക് ഡൗൺ പിൻവലിച്ച് ക‍ര്‍ണ്ണാടക; കൂടുതൽ ഇളവുകൾ

2019 ഒക്ടോബറിൽ മൂന്ന് ലക്ഷം രൂപ അക്കൗണ്ട് മാ‍ര്‍ഗം നൽകി. 2020ൽ അക്കൗണ്ട് മുഖേന ഒന്നര ലക്ഷം തിരികെ നൽകി. ശേഷിച്ച തുക 2021 മാര്‍ച്ചിലാണ് നൽകിയത്. വ്യക്തിപരമായ സാമ്പത്തിക സഹായം എന്ന നിലയ്ക്കാണ് പണം നൽകിയതെന്നും ശശീന്ദ്രൻ കൂട്ടിച്ചേര്‍ത്തു.