Sumayya P | Samayam Malayalam | Updated: 04 Jul 2021, 09:43:13 AM
ദോഹയിലെത്തിയ ശേഷം വിമാനത്താവളത്തിലെ ഇമിഗ്രേഷന്‍ വിഭാഗത്തില്‍ പേപ്പര്‍ സര്‍ട്ടിഫിക്കറ്റുകള്‍ക്ക് പകരം മൊബൈല്‍ ആപ്പിലെ ഈ രേഖകള്‍ കാണിച്ചാണ് പ്രവേശന നടപടികള്‍ പൂര്‍ത്തിയാക്കുക.
ആദ്യഘട്ടം ഖത്തര്‍ എയര്‍വെയ്‌സ് ജീവനക്കാരില്‍
ലോകത്ത് ആദ്യമായാണ് കൊവിഡ് നെഗറ്റീവ് സര്‍ട്ടിഫിക്കറ്റിനൊപ്പം യാത്രക്കാരന്‍ വാക്സിന് സ്വീകരിച്ചു എന്നുറപ്പുവരുത്താുന്നതിനുള്ള സര്‍ട്ടിഫിക്കറ്റ് കൂടി ഉള്‍പ്പെടുത്തി ‘ഡിജിറ്റല്‍ രേഖ’ സംവിധാനം ഒരു എയര്‍ലൈന്‍സ് ഒരുക്കുന്നത്. ജൂലൈയില്‍ ആരംഭിച്ച പരീക്ഷണ ഘട്ടത്തില്‍ ഖത്തര്‍ എയര്‍വെയ്‌സ് ജീവനക്കാരിലാണ് ഈ സംവിധാനം നടപ്പിലാക്കുന്നത്. കുവൈറ്റ്, ലണ്ടന്‍, ലോസ് ആഞ്ചലസ്, ന്യൂയോര്‍ക്ക്, പാരിസ്, സിഡ്നി എന്നിവിടങ്ങളില്‍ നിന്നു ദോഹയിലേക്കുവരുന്ന ഖത്തര്‍ എയര്‍വെയ്‌സ് കാബിന്‍ ക്രൂ അംഗങ്ങള്‍ക്ക് കൊവിഡ് വാക്സിനേഷന് സര്‍ട്ടിഫിക്കറ്റും കൊവിഡ് പരിശോധനയിലെ നെഗറ്റീവ് സര്‍ട്ടിഫിക്കറ്റും ‘ഡിജിറ്റല്‍ പാസ്പോര്ട്ടില്’ അപ്ലോഡ് ചെയ്ത് സൂക്ഷിക്കും. ദോഹയിലെത്തിയ ശേഷം വിമാനത്താവളത്തിലെ ഇമിഗ്രേഷന്‍ വിഭാഗത്തില്‍ പേപ്പര്‍ സര്‍ട്ടിഫിക്കറ്റുകള്‍ക്ക് പകരം മൊബൈല്‍ ആപ്പിലെ ഈ രേഖകള്‍ കാണിച്ചാണ് പ്രവേശന നടപടികള്‍ പൂര്‍ത്തിയാക്കുക.
യാത്ര സുരക്ഷിതവും എളുപ്പവുമാക്കും
വ്യോമയാന രംഗത്ത് കൊവിഡ് സൃഷ്ടിച്ച വലിയ വെല്ലുവിളികള്‍ക്കിടയിലും യാത്രക്കാര്‍ക്ക് സുരക്ഷിത യാത്ര ഉറപ്പുവരുത്തുന്നതിനായി പുതിയ സാങ്കേതികവിദ്യയുടെ ഉപയോഗത്തിലൂടെയും നവീനമായ കണ്ടെത്തലുകളിലൂടെയും മുന്നില്‍ നിന്ന് നയിക്കാന്‍ ഖത്തര്‍ എയര്‍വെയ്‌സിന് സാധിച്ചതായി കമ്പനി സിഇഒ അക്ബര്‍ അല്‍ ബാക്കിര്‍ അഭിപ്രായപ്പെട്ടു. ഡിജിറ്റല്‍ പാസ്പോര്ട്ടില് വാക്സിന് ഒതന്റിക്കേഷന്‍ പരീക്ഷണം നടത്തുന്ന ആദ്യ വിമാനക്കമ്പനിയായി മാറാന്‍ ഖത്തര്‍ എയര്‍വെയ്‌സിന് സാധിച്ചതില്‍ വലിയ അഭിമാനമുണ്ടെന്നും അദ്ദേഹം പറഞ്ഞു. സ്വന്തം ജീവനക്കാരില്‍ നടത്തുന്ന പരീക്ഷണം വിജയകരമായാല്‍ യാത്രക്കാര്‍ക്കും ഈ സൗകര്യമൊരുക്കും. പേപ്പറുകളുടെ ഉപയോഗം കുറക്കുക, കൊവിഡ് കാലത്ത് പരസ്പരം ഇടപഴകാനുള്ള സാഹചര്യം ഒഴിവാക്കുക, യാത്രാ നടപടിക്രമങ്ങള്‍ കൂടുതല്‍ എളുപ്പമാക്കുക എന്നിവയാണ് ഇതുവഴിയുള്ള പ്രധാന നേട്ടങ്ങള്‍.
വാക്സിന് സര്‍ട്ടിഫിക്കറ്റ് പരീക്ഷണം ആദ്യം
ലോകത്തെ എഴുപതോളം എയര്‍ലൈന്‍സുകള്‍ ഇതിനകം കൊവിഡ് നെഗറ്റീവ് ടെസ്റ്റ് ഫലം ഡിജിറ്റല്‍ പാസ്പോര്ട്ടില് ഉള്‍പ്പെടുത്തി പരീക്ഷണം നടത്തുന്നുണ്ടെങ്കിലും വാക്സിന് സര്‍ട്ടിഫിക്കറ്റ് ആദ്യമായാണ് ഇതുമായി ബന്ധിപ്പിക്കുന്നതെന്ന് അയാട്ട ഡയരക്ടര്‍ ജനറല്‍ വില്ലി വാല്‍ഷ് പറഞ്ഞു. കൊവിഡ് കാലത്ത് വിമാന യാത്രയ്ക്കാവശ്യമായ എല്ലാ രേഖകളും ഡിജിറ്റല്‍ രൂപത്തില്‍ ലഭ്യമാക്കുകയും അതുവഴി യാത്രക്കാരുടെ ആത്മവിശ്വാസം ഉയര്‍ത്തുകയും ചെയ്യുകയെന്ന ലക്ഷ്യത്തോടെയാണ് ഡിജിറ്റല്‍ പാസ്പോര്ട്ട് സംവിധാനം ഏര്‍പ്പെടുത്തിയിരിക്കുന്നത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar airways begins covid19 vaccine authentication via iatas digital passport app
Malayalam News from malayalam.samayam.com, TIL Network
