ഇടവേളയില്ലാതെ യാത്ര ചെയ്യുന്നത് രാഹുലിന്റെ ആരോഗ്യത്തെ ബാധിക്കുമോയെന്നും നേതാക്കൾ ഭയക്കുന്നുണ്ട്. ഹോട്ടലുകളിൽ താമസിക്കാൻ ആഗ്രഹിക്കുന്നില്ലെന്നും യാത്രയിൽ സ്ഥിരമായി പങ്കെടുക്കുന്നവർക്കൊപ്പം ലളിതമായ സൗകര്യങ്ങൾ മതിയെന്നുമാണ് രാഹുൽ വ്യക്തമാക്കിയിരിക്കുന്നത്.
മഴ കൂടുതൽ ശക്തമാകും, സ്കൂളുകൾക്ക് അവധി പ്രഖ്യാപിച്ചു; 50 വർഷത്തിനിടയിലെ ഏറ്റവും ശക്തമായ മഴയെന്ന് കർണാടക മുഖ്യമന്ത്രി ബസവരാജ് ബൊമ്മൈ
വിവിധ സംസ്ഥാനങ്ങളിലെ കാലാവസ്ഥ പലതായതിനാൽ അതിനു ചേരുന്ന സൗകര്യങ്ങളായിരിക്കും കണ്ടെയ്നറിൽ ഒരുക്കുക. 60 കണ്ടെയ്നറുകൾ യാത്രയ്ക്കായി ഒരുക്കിയിട്ടുണ്ട്. അവ കന്യാകുമാരിയിലേക്ക് എത്തിയിട്ടുണ്ട്. രാഹുലിനൊപ്പം യാത്രയിൽ പങ്കെടുക്കുന്നവരും ഇത്തരത്തിലുള്ള കണ്ടെയ്നറുകളിലാകും താമസിക്കുക.
രാവിലെ ഏഴ് മുതൽ പത്ത് വരെയും വൈകിട്ട് നാല് മുതൽ ഏഴര വരെയുമാണ് രാഹുൽ പദയാത്ര നടത്തുക. ദിവസം 25 കിലോമീറ്റർ നടക്കാനാണ് പദ്ധതി. പന്ത്രണ്ട് സംസ്ഥാനങ്ങളിലൂടെയും രണ്ട് കേന്ദ്രഭരണ പ്രദേശങ്ങളിലൂടെയും യാത്ര കടന്നുപോകും. 118 സ്ഥിരാംഗങ്ങൾക്കു പുറമേ ഓരോ സംസ്ഥാനങ്ങളിലേയും നൂറ് മുതൽ 125 അംഗങ്ങൾ യാത്രയിൽ പങ്കെടുക്കും. കൂടാതെ യാത്ര കടന്നുപോകാത്ത സംസ്ഥാനങ്ങളിലെ 100 പ്രതിനിധികളും യാത്രയുടെ ഭാഗമാകും.
മോദിയുടെ ജന്മദിനത്തില്‍ ദക്ഷിണാഫ്രിക്കയില്‍ നിന്നുള്ള ‘ചീറ്റപ്പുലികള്‍’ എത്തും; നിലവില്‍ ക്വാറന്‍റൈനില്‍
അതേസമയം ഭാരത് ജോഡോ യാത്രയുടെ പോസ്റ്ററിൽ കോൺഗ്രസ് ജനറൽ സെക്രട്ടറി പ്രിയങ്ക ഗാന്ധിയുടെ ഭ‍ർത്താവ് റോബർട്ട് വാദ്രയുടെ ചിത്രം ഉൾപ്പെടുത്തിയത് വിവാദമായി. “റോബർട്ട് വാദ്ര യാത്രയിൽ ചേരുന്നത് രസകരമാണെന്നും അഴിമതിക്കെതിരെ അദ്ദേഹം സംസാരിക്കുമോ” എന്നും ബിജെപി മുൻ മന്ത്രി രവിശങ്കർ പ്രസാദ് ചോദിച്ചു.
കോൺഗ്രസ് അധ്യക്ഷ സോണിയ ഗാന്ധി, മുൻ പ്രധാനമന്ത്രി രാജീവ് ഗാന്ധി, രാഹുൽ, പ്രിയങ്ക, എൻ എസ് യു നേതാവ് ജെ ബി അഭിജിത്ത് എന്നിവരുടെ ചിത്രത്തോടൊപ്പമാണ് റോബർട്ട് വാദ്രയുടെ ചിത്രവും ഉൾപ്പെടുത്തിയത്. ‘ഭാരത് ജോഡോ യാത്ര’ എന്ന പേരിൽ റോബർട്ട് തന്റെ ചിത്രം ഉൾപ്പെട്ട പോസ്റ്റർ ട്വീറ്റ് ചെയ്തിരുന്നു. ട്വീറ്റിനു പിന്നാലെ കോൺഗ്രസിൽ ചേർന്നോ എന്ന ചോദ്യവുമായി നിരവധിപ്പേർ രംഗത്തെത്തി.
മന്ത്രി വീണ ജോർജിനെതിരെ കടുത്ത വിമർശനം
