ഹൈലൈറ്റ്:
- പിടിയിലായത് മലയാളികള്‍ ഉള്‍പ്പെടെ 20,000ത്തോളം പേര്‍
- ഈ വര്‍ഷം 36,454 നിയമലംഘകരെ യാത്രാ രേഖകള്‍ ശരിയാക്കുന്നതിനാല്‍ ബന്ധപ്പെട്ട നയതന്ത്ര ഓഫീസുകള്‍ക്ക് കൈമാറി
റെസിഡന്‍സി നിയമങ്ങള്‍, തൊഴില്‍ നിയമങ്ങള്‍, അതിര്‍ത്തി സുരക്ഷാ നിയമങ്ങള്‍ തുടങ്ങിയവ ലംഘിച്ച് രാജ്യത്ത് താമിക്കുന്നവരെയാണ് സുരക്ഷാ ഉദ്യോഗസ്ഥര്‍ അറസ്റ്റ് ചെയ്തത്. ജൂണ്‍ 24 മുതല്‍ ജൂണ്‍ 30 വരെയുള്ള ഒരാഴ്ചയ്ക്കിടയില്‍ വിവിധ ഏജന്‍സികളും വകുപ്പുകളും ചേര്‍ന്ന് നടത്തിയ സംയുക്തമപരിശോധനകളില്‍ 19,812 നിയമ ലംഘകരമാണ് പിടിയിലായത്. ഇവരില്‍ 8570 പേര്‍ റെസിഡന്‍സി നിയമങ്ങള്‍ ലംഘിച്ചവരാണ്. 947 പേര്‍ തൊഴില്‍ നിയമ ലംഘനങ്ങള്‍ക്കും 10,295 പേര്‍ അതിര്‍ത്തി സുരക്ഷാ നിയമങ്ങള്‍ ലംഘിച്ചതിനുമാണ് പിടിയിലായത്.
Also Read: 
ഇന്ത്യ സര്‍വീസ് വിലക്ക് ജൂലൈ 15 വരെയെന്ന് എമിറേറ്റ്‌സ്
അനധികൃതമായി അതിര്‍ത്തി മുറിച്ചുകടക്കാന്‍ ശ്രമിക്കുന്നതിനിടയില്‍ അതിര്‍ത്തി രക്ഷാ സേനയുടെ കൈകളില്‍ അകപ്പെട്ടവരില്‍ 47 ശതമാനം പേര്‍ എത്യോപ്യക്കാരും 43 ശതമാനം പേര്‍ യമനികളും അഞ്ചു ശതമാനം പേര്‍ സോമാലിയക്കാരും ബാക്കിയുള്ള അഞ്ച് ശതമാനം മറ്റ് രാജ്യങ്ങളില്‍ നിന്നുള്ളവരുമാണ്. ഇതിനു പുറമെ, അനധികൃതമായി രാജ്യത്തിന് പുറത്ത് കടക്കാന്‍ ശ്രമിച്ച 47 പേരെയും അതിര്‍ത്തി രക്ഷാ സേന അറസ്റ്റ് ചെയ്തു. അനധികൃത താമസക്കാര്‍ക്ക് അഭയം നല്‍കുകയും യാത്രാസൗകര്യം ഒരുക്കുകയും ചെയ്ത അഞ്ചു പേരെയും സുരക്ഷാ ഉദ്യോഗസ്ഥര്‍ പിടികൂടി.
ഈ വര്‍ഷം 36,454 നിയമലംഘകരെ യാത്രാ രേഖകള്‍ ശരിയാക്കുന്നതിനാല്‍ ബന്ധപ്പെട്ട നയതന്ത്ര ഓഫീസുകള്‍ക്ക് കൈമാറിയിട്ടുണ്ടെന്നും മന്ത്രാലയം വ്യക്തമാക്കി. 14,863 പേരുടെ യാത്രാ നടപടിക്രമങ്ങള്‍ പുരോഗമിക്കുകയാണ്. 16,294 പേരെ ഇതിനകം ബന്ധപ്പെട്ട രാജ്യങ്ങളിലേക്ക് നാടുകടത്തി. രാജ്യത്ത് നിയമങ്ങള്‍ ലംഘിച്ച് താമസിക്കുന്നവരെ കുറിച്ച് അറിയുന്നവര്‍ വിവരം മക്ക, റിയാദ് റീജിയനുകളില്‍ 911 എന്ന ടോള്‍ഫ്രീ നമ്പറിലും മറ്റ് പ്രദേശങ്ങളില്‍ 999, 996 നമ്പറുകളില്‍ അറിയിക്കണമെന്നും ആഭ്യന്തര മന്ത്രാലയം അറിയിച്ചു.
പ്രിയ താരത്തിന് കത്ത്; കുട്ടി ആരാധികയ്ക്ക് സമ്മാനങ്ങളുമായി റൊണാൾഡോ ഫാന്‍സ്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 20000 people arrested for residency labor border violations across saudi arabia
Malayalam News from malayalam.samayam.com, TIL Network
