ഒമാൻ-സൗദി റോഡ് നിർമാണം അന്തിമ ഘട്ടത്തിൽ വൈകാതെ തുറക്കാനാകും: അംബാസഡർ

Sumayya P | Samayam Malayalam | Updated: 04 Jul 2021, 03:26:00 PM

ഒമാനും സൗദി അറേബ്യയുമായുള്ള ബന്ധം ഉറപ്പിക്കാന്‍ ഇത് സഹായിക്കും എന്ന് അംബാസഡർ പറഞ്ഞു

ഒമാന്‍: ഒമാനെയും സൗദിയും ബന്ധിപ്പിച്ചിട്ടുള്ള ലോകത്തിലെ ഏറ്റവും വലിയ മണല്‍ക്കാടായ റുബുഉല്‍ ഖാലി വഴിയുള്ള 726 കിലോമീറ്റര്‍ റോഡി‍ൻറ നിർമാണം അന്തിമ ഘട്ടത്തിലാണെന്ന് ഒമാൻ അംബാസഡർ സയ്യിദ് ഫൈസൽ ബിൻ തുർക്കി അൽ സൈദ് പറഞ്ഞു. അടുത്ത് തന്നെ റോഡ് ഗതാഗതത്തിന് തുറന്നുകൊടുക്കാൻ കഴിയുമെന്നാണ് പ്രതീക്ഷയെന്നും അദ്ദേഹം പറഞ്ഞു. ഇതിന് ആവശ്യമായ നടപടികള്‍ രണ്ട് രാജ്യങ്ങളിലേയും ഉദ്യോഗസ്ഥർ സ്വീകരിച്ചതായി സയ്യിദ് ഫൈസൽ പ്രസ്താവനയിൽ പറഞ്ഞു.ഒമാനും സൗദി അറേബ്യയുമായുള്ള ബന്ധം ഉറപ്പിക്കാന്‍ ഇത് സഹായിക്കും. പരസ്പരമുള്ള ബഹുമാനം അടങ്ങിയതാണ് ഇരു രാജ്യങ്ങളും തമ്മിലുള്ള ബന്ധം. സാംസ്കാരികവും സാമൂഹികവും സാമ്പത്തികവുമായ ബന്ധങ്ങളില്‍ ഇത് പ്രതിഫലിക്കാന്‍ ആണ് ലക്ഷ്യമിടുന്നതെന്ന് അംബാസഡർ പറഞ്ഞു.

Also Read:

സൗദിയില്‍ അനധികൃത താമസക്കാര്‍ക്കായി വ്യാപക തെരച്ചില്‍; ഒരാഴ്ചയ്ക്കിടെ പിടിയിലായത് 20,000 പേര്‍

ഒമാൻ വിഷൻ 2040 പദ്ധതിക്കും സൗദി വിഷൻ 2030 പദ്ധതിക്കും പൊതുവായ ചില ലക്ഷ്യങ്ങള്‍ ഉണ്ട്. ഭരണതലത്തിത്തില്‍ ചില മാറ്റങ്ങള്‍ വരുത്തിയതിന്‍റെ ഭാഗമായി സൗദി ബിസനസുക്കാര്‍ക്ക് ഒമാനില്‍ നിക്ഷേപങ്ങൾ വർധിപ്പിക്കാൻ ആലോചനയുണ്ടെന്നും അംബാസഡർ പറഞ്ഞു. യമൻ വിഷയത്തിൽ എല്ലാവരെയും കൂട്ടിയോജിപ്പിച്ച് ഒരു പ്രശ്നപരിഹാരത്തിനുള്ള ശ്രമങ്ങൾ പുരോഗമിക്കുന്നതായി അദ്ദേഹം പറഞ്ഞു.

പ്രിയ താരത്തിന് കത്ത്; കുട്ടി ആരാധികയ്ക്ക് സമ്മാനങ്ങളുമായി റൊണാൾഡോ ഫാന്‍സ്

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : omani ambassador said oman-saudi road completed will be opened soon for public

Malayalam News from malayalam.samayam.com, TIL Network