ക്ഷേത്രത്തിന് സമീപത്തു വെച്ച് മാംസാഹാരം കഴിച്ചെന്നാരോപിച്ച് യുവാവിനെ തല്ലിക്കൊന്നു; യുവാവ് കഴിച്ചത് സോയാ ബീന്‍

ലഖ്നൗ: ക്ഷേത്രത്തിന് സമീപത്ത് വെച്ച് മാംസാഹാരം കഴിച്ചെന്നാരോപിച്ച് ഉത്തർപ്രദേശിൽ യുവാവിനെ തല്ലിക്കൊന്നു. പ്രവീൺ സൈനി (22) എന്ന യുവാവാണ് കൊല്ലപ്പെട്ടത്. സംഭവവുമായി ബന്ധപ്പെട്ട് മൂന്നംഗസംഘത്തെ പോലീസ് അറസ്റ്റ് ചെയ്തു.



നവജാത ശിശുവിനെ ജനൽക്കമ്പിയിൽ തൂക്കികൊന്നു; സിസി ടിവി ദൃശ്യങ്ങള്‍ പുറത്ത്

യുപിയിലെ ഗാസിയാബാദിലാണ് ഞെട്ടിക്കുന്ന സംഭവം. സൈനികനായ നിതിൻ, ആകാശ്, അശ്വനി എന്നിവരാണ് അറസ്റ്റിലായത്. കേസിൽ അന്വേഷണം ആരംഭിച്ചെന്നും പ്രവീണും സുഹൃത്തുക്കളും കഴിച്ചത് സോയാ ബീനും റൊട്ടിയുമാണെന്നും പോലീസ് പറഞ്ഞു. മദ്യലഹരിയിൽ എത്തിയ പ്രതികൾ ഇക്കാര്യമറിയാതെ തെറ്റിദ്ധരിച്ച് ആക്രമണം നടത്തുകയായിരുന്നു.

ഗംഗ്നഹർ ഘട്ടിനടുത്തെ ക്ഷേത്രത്തിന് സമീപത്ത് വെച്ച് സുഹൃത്തുക്കൾക്കൊപ്പം ഭക്ഷണം കഴിക്കുന്നതിനിടെയാണ് നിതിനും സംഘവും സ്ഥലത്ത് എത്തിയത്. ക്ഷേത്രത്തിന് സമീപത്ത് വെച്ച് മാംസാഹാരം കഴിച്ചെന്ന് ആരോപിച്ച് ചോദ്യം ചെയ്യുകയും തുടർന്ന് യുവാക്കളെ മർദ്ദിക്കുകയായിരുന്നു. കല്ല്, വടി എന്നിവ ഉപയോഗിച്ചായിരുന്നു ആക്രമണം. പ്രവീണിനൊപ്പം ഉണ്ടായിരുന്ന രണ്ട് സുഹൃത്തുക്കളെയും പ്രതികൾ ആക്രമിച്ചു.

പുറത്തു പറഞ്ഞാൽ അച്ഛനെ കൊല്ലുമെന്ന് ഭീഷണി; 14കാരിയെ രണ്ട് കൊല്ലത്തോളം പീഡിപ്പിച്ച് നാലുപേര്‍

സംഭവശേഷം പ്രതികൾ ബൈക്കിൽ രക്ഷപ്പെട്ടു. ഗുരുതരമായി പരിക്കേ പ്രവീണിനെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. സംഭവം നടന്ന സ്ഥലത്തെ ക്ഷേത്രത്തിലെയും സമീപത്തെ കടകളിലെയും ശുചീകരണ തൊഴിലാളിയായി ജോലി ചെയ്യുന്ന വ്യക്തിയായിരുന്നു പ്രവീണ്‍. കേസിലെ മുഖ്യ പ്രതിയായ നിതിൻ അവധിക്ക് എത്തിയതാണ്.