നവജാത ശിശുവിനെ ജനൽക്കമ്പിയിൽ തൂക്കികൊന്നു; സിസി ടിവി ദൃശ്യങ്ങള്‍ പുറത്ത്

ബംഗളൂരു: നവജാതശിശുവിനെ ആശുപത്രിയുടെ ജനൽകമ്പിയിൽ തൂക്കി കൊന്ന നിലയിൽ കണ്ടെത്തി. കർണാടകയിലെ ചിക്കബല്ലാപൂർ ജില്ലയിലെ ചിന്താമണി സർക്കാർ ആശുപത്രിയിലാണ് ഇത്തരത്തിൽ ഞെട്ടിക്കുന്ന സംഭവമുണ്ടായത്. ആശുപത്രി ശുചിമുറിയുടെ ജനൽ കമ്പിയാണ് തൂക്കി കൊന്ന നിലയിൽ കണ്ടെത്തുകയായിരുന്നു.



Also Read : മഹാമാരിക്കാലത്ത് സംസ്ഥാനത്തേക്ക് തിരികെ എത്തിയത് 15 ലക്ഷം പ്രവാസികള്‍; 10.4 ലക്ഷം ആളുകള്‍ക്കും ജോലി നഷ്ടപ്പെട്ടു

ശനിയാഴ്ച പുലര്‍ച്ചെയോടെയാണ് കൃത്യം നടന്നത് എന്നാണ് കരുതുന്നത്. ഗ്രൂപ്പ് ഡി ജോലിക്കാരൻ മൃതദേഹം ശ്രദ്ധിക്കുകയും വിവരം അറിയിക്കുയുമായിരുന്നു. പെൺകുട്ടിയുടെ മൃതദേഹമാണ് കണ്ടെത്തിയത്.

വിൻഡോ ഗ്രില്ലിൽ നിന്ന് തൂങ്ങിമരിക്കുന്നതിനുമുമ്പ് കുഞ്ഞിനെ കൊലപ്പെടുത്തിയെന്നാണ് കരുതുന്നത്. സംഭവത്തിൽ പോലീസ് സമഗ്ര അന്വേഷണം ആരംഭിച്ചിട്ടുണ്ടെന്ന് അറിയിച്ചു. പ്രതികൾക്ക് കർശന ശിക്ഷ നൽകുമെന്നും പോലീസ് ഉറപ്പ് നൽകി.

കൃത്യം നടക്കുന്നതിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. ചുരിദാര്‍ ധരിച്ച ഒരു സ്ത്രീ കുഞ്ഞുമായി ശുചിമുറിയിലേക്ക് കേറിപോകുന്നതിന്റെ ദൃശ്യങ്ങള്‍ സിസി ക്യാമറയിൽ പതിഞ്ഞിട്ടുണ്ട്. ഇവര്‍ തന്നെയാകും കുഞ്ഞിനെ കൊലപ്പെടുത്തിയത് എന്നാണ് സംശയിക്കുന്നത്. ഇവര്‍ കൊല നടത്തി ശുചിമുറിയിൽ ഉപേക്ഷിച്ചതാകാമെന്നാണ് സംശയിക്കുന്നത്.

സംഭവത്തിൽ ഐപിസി 302 പ്രകാരം കേസ് രജിസ്റ്റർ ചെയ്തു. യുവതിയെ എത്രയും വേഗം പിടികൂടുമെന്നും ഇവരെ കുറിച്ച് സൂചന ലഭിച്ചതായും പോലീസ് അറിയിച്ചിട്ടുണ്ട്.

Also Read : 24 മണിക്കൂറിനിടെ 43,000 പുതിയ കൊവിഡ് കേസുകൾ; സജീവ രോഗികള്‍ ഏറ്റവും താഴ്ന്ന നിലയിൽ



വെള്ളിയാഴ്ച ആശുപത്രിയിൽ ആറ് പ്രസവങ്ങൾ നടത്തിയെന്നും എല്ലാ അമ്മമാരും കുഞ്ഞുങ്ങളും സുരക്ഷിതരാണെന്നും ചിന്താമണി സർക്കാർ ആശുപത്രിയിലെ അഡ്മിനിസ്‌ട്രേറ്റീവ് മെഡിക്കൽ ഓഫീസർ ഡോ. സന്തോഷ് പറഞ്ഞു. ചിലപ്പോൾ പൊക്കിൾകൊടി മുറിക്കാത്തതിനാൽ കുഞ്ഞിനെ വീട്ടിൽ പ്രസവിച്ചിരിക്കാമെന്നും അദ്ദേഹം കൂട്ടിച്ചേര്‍ത്തു.