ഉത്തർപ്രദേശ്: ക്രിക്കറ്റ് താരം സുരേഷ് റെയ്നയുടെ ബന്ധുക്കളെ കൊലപ്പെടുത്തിയ കേസിൽ 2 പ്രതികളെ കൂടി ഉത്തർപ്രദേശ് പോലീസ് അറസ്റ്റ് ചെയ്തു. താലിബ്, ഷാജഹാൻ എന്നിവരാണ് അറസ്റ്റിലായിരിക്കുന്നത്. രണ്ട് വർഷം മുമ്പാണ് കേസിനാസ്പദമായ സംഭവം പഞ്ചാബിലെ പത്താൻകോട്ടുള്ള സുരേഷ് റെയ്നയുടെ അമ്മാവന്റെ വീട്ടിൽ കവർച്ച നടത്താനായി അതിക്രമിച്ച് കയറുകയായിരുന്നു. മോഷണ ശ്രമം തടയുന്നതിനിടെ സുരേഷ് റെയ്നയുടെ അമ്മാവൻ അശോക് കുമാറും മകനും ഉൾപ്പെടെ 3 പേരെയാണ് സംഘം കൊലപ്പെടുത്തിയത്.
മുസാഫർ നഗറിലെ ഒരു കവർച്ചാ സംഘത്തിനൊപ്പം പ്രവർത്തിച്ച് വരികയായിരുന്നു പ്രതികൾ. എറെക്കാലമായി അന്വേഷണ സംഘം ഇവപെ നിരീക്ഷിച്ച്പോ വരികയായിരുന്നു. പോലീസിന് നേരെ വെടിയുതിർത്ത് രക്ഷപെടാൻ പ്രതികൾ ശ്രമം നടത്തി. ഇതിനിടെ പോലീസ് ഇവരുടെ കാലിന് നേരെ വെടിയുതിർത്ത് പിടികൂടുകയായിരുന്നു. പരുക്കേറ്റ പ്രതികൾ നിലവിൽ ആശുപത്രിയിൽ ചികിത്സയിലാണ്. പ്രതികളിൽ നിന്നും 2 തോക്കുകളും പിടിച്ചെടുത്തിട്ടുണ്ട്.
Read Latest National News and Malayalam News
ബോംബൈ ഐഐടി ഹോസ്റ്റലിലും കുളിമുറി ദൃശ്യങ്ങൾ പകർത്താൻ ശ്രമം; കാന്റീൻ ജീവനക്കാരൻ അറസ്റ്റിൽ
2020 ഓഗസ്റ്റ് 19നാണ് കേസിനാസ്പദമായ സംഭവം നടക്കുന്നത്. സുരേഷ് റെയ്നയുടെ അമ്മാവനായ അശോക് കുമാറിന്റെ വീട്ടിൽ പ്രതികൾ അർധരാത്രി അതിക്രമിച്ച് കയറുകയായിരുന്നു. കവർച്ചാ ശ്രമത്തിനിടെ ഉണർന്ന അശോക് കുമാറിനെയും മകൻ കൗശലിനെയും പ്രതികൾ കൊലപ്പെടുത്തുകയായിരുന്നു. അശോക് കുമാർ സംഭവ സ്ഥലത്ത് വെച്ചുതന്നെയും കൗശൽ 10 ദിവസങ്ങൾക്ക് ശേഷം ആശുപത്രിയിലും വെച്ച് മരണത്തിന് കീഴടങ്ങുകയായിരുന്നു. അശോക് കുമാറന്റെ ഭാര്യ ആഷാ റാണിക്ക് ഗുരുതരമായി പരുക്കേൽക്കുകയും ചെയ്തു. ആക്രകമണത്തിന്റെ മുഖ്യസൂത്രധാരനെ 2021 ജൂലൈയിൽ പോലീസ് അറസ്റ്റ് ചെയ്തിരുന്നു. സമാനമായ നിരവധി കേസുകളിലെ പ്രതികളാണ് ഇപ്പോൾ പിടിയിലായ ഷാജഹാനും താലിബും.
ഓട്ടോയാത്രക്കാരിക്ക് നേരെ സദാചാര ആക്രമണം
