Sumayya P | Samayam Malayalam | Updated: 05 Jul 2021, 11:31:55 AM
സൗദി പൗരന്മാരായ യുവതീയുവാക്കൾക്കായി ഈ തൊഴിലുകളിൽ വലിയൊരു പങ്ക് സംവരണം ചെയ്യുംസൗദി അറേബ്യയിൽ ആറ് തൊഴിൽ മേഖലകളിൽ കൂടി സ്വദേശിവത്കരണം വരുന്നു.സൗദി പൗരന്മാരായ യുവതീയുവാക്കൾക്കായി ഈ തൊഴിലുകളിൽ വലിയൊരു പങ്ക് സംവരണം ചെയ്യും
പ്രവാസികള്‍ക്ക് തിരിച്ചടിയാവും
ആറ് പുതിയ മേഖലകളിലെ ജോലികള്‍ കൂടി സ്വദേശിവല്‍ക്കരിക്കുന്നതിലൂടെ സൗദി ഉദ്യോഗാര്‍ഥികളായ 40,000 പേര്‍ക്ക് ഈ മേഖലകളില്‍ തൊഴിലുകള്‍ ലഭ്യമാക്കുകയാണ് ലക്ഷ്യമിടുന്നതെന്നും മന്ത്രി അറിയിച്ചു. ഇത് നിലവില്‍ വരുന്നതോടെ നിലവില്‍ ഈ മേഖലകളില്‍ ജോലി ചെയ്യുന്ന പ്രവാസികള്‍ക്ക് ജോലി നഷ്ടമാവുമെന്നാണ് വിലയിരുത്തപ്പെടുന്നത്. കൊവിഡ് പ്രതിസന്ധി കാരണം ഇപ്പോള്‍ തന്നെ പതിനായിരക്കണക്കിന് പ്രവാസികള്‍ക്കാണ് തൊഴിലുകള്‍ നഷ്ടമായത്. പുതിയ തീരുമാനം കൂടി നടപ്പിലാവുന്നതോടെ ഇത് പ്രവാസികളെ കൂടുതല്‍ പ്രതിസന്ധിയിലാഴ്ത്തും. ഐടി, കമ്മ്യൂണിക്കേഷന്‍, ആപ്ലിക്കേഷന്‍ ഡെവലപ്‌മെന്റ്, പ്രോഗ്രാമിംഗ് ആന്റ് അനാലിസിസ്, ടെക്‌നിക്കല്‍ സപ്പോര്‍ട്ട് എന്നീ മേഖലകളിലെ 25 ശതമാനം ജോലികള്‍ സൗദികള്‍ക്ക് മാത്രമാക്കാനുള്ള തീരുമാനം കഴിഞ്ഞ മാസം നിലവില്‍ വന്നിരുന്നു. ഇതുകാരണം നിരവധി പ്രവാസികള്‍ക്ക് തൊഴില്‍ നഷ്ടമായിരുന്നു.
സൗദികള്‍ക്കിടയിലെ തൊഴിലില്ലായ്മ നിരക്ക് കുറഞ്ഞു
ഏതാനും വര്‍ഷങ്ങളായി സൗദി അറേബ്യ നടപ്പിലാക്കി വരുന്ന സ്വദേശിവല്‍ക്കരണത്തിലൂടെ രാജ്യത്തെ തൊഴിലില്ലായ്മ നിരക്ക് കുറഞ്ഞതായി ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്സ് പുറത്ത് വിട്ട കണക്കുകള്‍ വ്യക്തമാക്കുന്നു. 2020ന്റെ നാലാം പാദത്തില്‍ രാജ്യത്തെ തൊഴിലില്ലായ്മ നിരക്ക് 12.6 ശതമാനമായിരുന്നത് ഈ വര്‍ഷത്തിന്റെ ആദ്യ പാദത്തില്‍ 11.7 ശതമാനമായി കുറഞ്ഞു. ഈ കാലയളവില്‍ സ്വദേശി യുവാക്കളിലെ തൊഴിലില്ലായ്മ നിരക്ക് നാലു ശതമാനത്തില്‍ നിന്ന് 3.7 ശതമാനമായും യുവതികള്‍ക്കിടയിലെ തൊഴിലില്ലായ്മ നിരക്ക് 20.2 ശതമാനത്തില്‍ നിന്ന് 16.1 ശതമാനമായും കുറഞ്ഞിട്ടുണ്ട്. മാളുകള്‍, റെസ്റ്റോറന്റുകള്‍, കഫേകള്‍, സെന്‍ട്രല്‍ കാറ്ററിംഗ് മാര്‍ക്കറ്റുകള്‍, വിദ്യാഭ്യാസ സ്ഥാപനങ്ങള്‍ തുടങ്ങിയ സ്വകാര്യ മേഖലകളില്‍ ഈ വര്‍ഷം ആദ്യത്തില്‍ സ്വദേശിവല്‍ക്കരണം നടപ്പിലാക്കിയതിനെ തുടര്‍ന്നാണിത്.
ഈ വര്‍ഷം ജോലി ലഭിച്ചത് നാല് ലക്ഷം സൗദികള്‍ക്ക്
സൗദിയില്‍ 2021ല്‍ ഇതുവരെയായി നാലു ലക്ഷത്തിലധികം സ്വദേശികള്‍ക്ക് ജോലി നല്‍കിയതായി മന്ത്രി അറിയിച്ചു. സര്‍ക്കാര്‍, സ്വകാര്യ മേഖലകളിലാണ് ഇത്രയും പേര്‍ക്ക് തൊഴില്‍ ലഭ്യമാക്കിയത്. ജനുവരി മുതല്‍ മെയ് വരെയുള്ള കാലയളവിലാണ് ഏറ്റവും കൂടുതല്‍ പേര്‍ക്ക് ജോലി ലഭിച്ചത്. സ്വദേശിവല്‍ക്കരണ തീരുമാനങ്ങള്‍ക്കൊപ്പം കൊവിഡ് പശ്ചാത്തലത്തില്‍ പ്രവാസികളില്‍ ഒരു വിഭാഗം നാട്ടിലേക്ക് തിരിച്ചതും ഇതിന് സഹായകമായതായാണ് വിലയിരുത്തപ്പെടുന്നത്. പഠനവും പരിശീലനവും പൂര്‍ത്തിയാക്കിയ രണ്ട് ലക്ഷം സ്വദേശി യുവതീ യുവാക്കള്‍ തൊഴില്‍ വിപണിയില്‍ ജോലിക്കായി ഇനിയും കാത്തിരിക്കുന്നുണ്ടെന്നും മാനവ വിഭവശേഷി സാമൂഹിക വികസന മന്ത്രി അഹമ്മദ് അല്‍ റാജിഹി പറഞ്ഞു. രാജ്യത്തെ കാമ്പസുകളില്‍ നിന്നും തൊഴിലധിഷ്ടിത സ്ഥാപനങ്ങളില്‍ നിന്നും പഠനവും പരിശീലനവും പൂര്‍ത്തിയാക്കി ഇറങ്ങിയവരാണ് ഇവര്‍. എഞ്ചിനീയറിംഗ് മേഖലയില്‍ നടപ്പിലാക്കിയ സ്വദേശിവല്‍ക്കരണം വഴി 13000ലധികം സ്വദേശികള്‍ക്ക് പ്രയോജനം ലഭിച്ചതായും മന്ത്രി പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : saudi arabia to localise six major sectors including real estate
Malayalam News from malayalam.samayam.com, TIL Network
