ഗവർണർ കേന്ദ്രത്തിൻ്റെ ഏജൻ്റിനെ പോലെ, പ്രശംസയും സ്നേഹവും വാരിക്കോരി നൽകിയത് ആർഎസ്എസിന്: തിരിച്ചടിച്ച് മുഖ്യമന്ത്രി

ആരോഗ്യനിലയില്‍ പുരോഗതി, കോടിയേരി തിരിച്ചുവരുന്നു; ആശുപത്രിയില്‍ നിന്നുള്ള ചിത്രങ്ങള്‍ വൈറല്‍

കേന്ദ്രത്തിൻ്റെ ഏജൻ്റിനെ പോലെ ഗവർണർ പെരുമാറുകയാണ്. മുമ്പും വിവിധ സംസ്ഥാനങ്ങളിലെ ഗവർണർമാർ ഇത്തരത്തിൽ പെരുമാറിയിട്ടുണ്ട്. ഗവണർ സജീവ രാഷ്ട്രീയത്തിൽ ഇടപെടരുതെന്നും ഭരണപാർട്ടിയിൽ അംഗമല്ലാത്ത ആളാകണമെന്നും കേന്ദ്ര സംസ്ഥാന ബന്ധങ്ങളെ കുറിച്ച് പഠിച്ച സർക്കാരിയ കമ്മീഷൻ റിപ്പോർട്ടിൽ പറയുന്നുണ്ട്. ഗവർണർ കേന്ദ്ര സർക്കാർ ഏജൻ്റല്ലെന്ന് സുപ്രീംകോടതി വ്യക്തമാക്കിയിട്ടുണ്ട്. എന്നാൽ ഇത്തരം കോടതിവിധികളടക്കം കാറ്റിൽ പറത്തുന്ന അനുഭവം ഭീകരമാണെന്നും മുഖ്യമന്ത്രി പറഞ്ഞു.

ഗവർണർ വാർത്താസമ്മേളനത്തിൽ പ്രശംസയും സ്നേഹവും വാരിക്കോരി നൽകിയത് ആർഎസ്എസിനാണ്. ഗവർണർ സംഘടനകളിൽ നിന്നും അകലം പാലിക്കേണ്ട ഭരണഘടനാപദവിയാണ്. അത്തരമൊരു പദവിയിൽ ഇരുന്നുകൊണ്ട് താൻ ആർഎസ്എസിൻ്റെ പിന്തുണയുള്ള ആളാണെന്ന് ഊറ്റം കൊള്ളുന്നത് ശരിയാണോയെന്ന് വ്യക്തമാക്കേണ്ടതാണ്. ഗവർണറുടെ ഓഫീസിനെ രാഷ്ട്രീയ ഉപജാപക കേന്ദ്രമാക്കുകയാണന്ന ആക്ഷേപം ഗൗരവമുള്ള വിഷയമാണെന്നും മുഖ്യമന്ത്രി ചൂണ്ടിക്കാട്ടി.

നസ്ലെന്റെ പേരിൽ ആ കമന്റിട്ടത് യുഎഇയിൽ നിന്ന്; വിവാദം അറിഞ്ഞത് സുഹൃത്തുക്കൾ വഴി, അക്കൗണ്ട് പൂട്ടി

1986 മുതൽ തന്നെ തനിക്ക് ആർഎസ്എസ് ബന്ധമുണ്ടെന്നാണ് ഗവർണർ പറഞ്ഞത്. 1990 ൽ ആരിഫ് മുഹമ്മദ് ഖാൻ മന്ത്രിയായിരുന്ന വി പി സിങ് സർക്കാരിനെ താഴെയിറക്കിയത് ബിജെപിയും കോൺഗ്രസ് ചേർന്നാണ്. മണ്ഡൽ കമ്മീഷൻ അടക്കം ഉയർത്തിയാണ് ആർഎസ്എസ് വി പി സിങ് സർക്കാരിനെ അട്ടിമറിച്ചത്. താൻ മന്ത്രിയായിരിക്കുന്ന സർക്കാരിനെ വലിച്ച് താഴെയിട്ട ആർഎസ്എസുമായി അടുത്ത ബന്ധം പുലർത്തിയ വ്യക്തിയാണ് അദ്ദേഹം എന്നല്ലേ ഇതിലൂടെ വ്യക്തമാകുന്നതെന്നും മുഖ്യമന്ത്രി ചോദിച്ചു.

‘കേരളത്തിലെ രാഷ്ട്രീയ കൊലപാതകങ്ങളിൽ വേവലാതി കൊള്ളുന്ന ഗവർണർ എക്കാലത്തും കേരളത്തിൻ്റെ രാഷ്ട്രീയക്കൊലപാതകങ്ങളിലും സംഘട്ടനങ്ങളിലും ഒരു വശത്ത് നിലകൊണ്ട ആർഎസിഎസിനെ പ്രകീർത്തിക്കുകയാണെന്നും മുഖ്യമന്ത്രി കുറ്റപ്പെടുത്തി. 1963 ലെ റിപ്പബ്ലിക് പരേഡിൽ അന്നത്തെ പ്രധാനമന്ത്രി ജവഹർലാൽ നെഹ്റു നേരിട്ടു പങ്കെടുപ്പിച്ചുവെന്നാണ് അദ്ദേഹത്തിൻ്റെ വാദം. ആർഎസ്എസ് റിപ്പബ്ലിക് ദിന പരേഡിൽ പങ്കെടുത്തതിൻ്റെ രേഖകൾ ലഭ്യമല്ലെന്നാണ് വിവരാവകാശ അപേക്ഷയിൽ കേന്ദ്ര ആഭ്യന്തര മന്ത്രാലയം മറുപടി നൽകിയത്. സംഘപരിവാറിൻ്റെ വാട്സാപ്പ് ഗ്രൂപ്പുകളിൽ നിന്ന് ശേഖരിക്കുന്നതാണോ ഇത്തരം കാര്യങ്ങളെന്ന് സംശയിക്കേണ്ടിയിരിക്കുന്നു.’

ആർഎസ്എസിന്റെ ഒടിസി ക്യാമ്പുകളിൽ പങ്കെടുത്തവരെയാണ് പല കൊലപാതക കേസുകളിലും ശിക്ഷിച്ചിരിക്കുന്നത്. ഈ ക്യാമ്പുകളിൽ ആറുതവണ മുഖ്യാതിഥിയായി പങ്കെടുക്കാൻ കഴിഞ്ഞെന്ന് ചൂണ്ടിക്കാട്ടി ഗവർണർ ഊറ്റം കൊണ്ടു. എന്തിനാണ് അദ്ദേഹം ശ്രമിക്കുന്നതെന്ന് മനസിലാക്കാൻ ഇതിൽപരം തെളിവുകൾ വേണ്ടതുണ്ടോയെന്ന് മുഖ്യമന്ത്രി അഭിപ്രായപ്പെട്ടു. ഭരണഘടന സംരക്ഷിക്കാൻ ബാധ്യതയുള്ള വ്യക്തി അതിനു വിരുദ്ധമായി സംസാരിച്ചപ്പോഴാണ് ചരിത്ര കോൺഗ്രസിൽ പ്രതികരണമുണ്ടായതെന്നും മുഖ്യമന്ത്രി കൂട്ടിച്ചേർത്തു.

ഗവർണർ ബിജെപിയുടെ കൂലിപ്പടയാളിയെന്ന് ദേശാഭിമാനി, മനോനില തെറ്റിയ പോലെയാണ് പെരുമാറുന്നതെന്ന് ജനയുഗം; വിമർശിച്ച് സിപിഎം – സിപിഐ മുഖപത്രങ്ങൾ

Read Latest Kerala News and Malayalam News