ആർടിഐ ആക്ടിവിസ്റ്റ് അനിൽ ഗൽഗാലി വിവരാവകാശ നിയമപ്രകാരം നൽകിയ ചോദ്യത്തിന് ലഭിച്ച ഉത്തരത്തിൽ നിന്നാണ് ഈ കണക്കുകൾ പുറത്ത് വന്നിരിക്കുന്നത്. 16 മാസത്തെ റിപ്പോർട്ടാണിത്
ഉദ്ധവ് താക്കറെ. PHOTO: PTI
ഹൈലൈറ്റ്:
- മഹരാഷ്ട്ര സർക്കാർ പ്രചാരണത്തിനായി ചെലവിട്ടത് 155 കോടി
- കണക്കുകൾ കഴിഞ്ഞ 16 മാസത്തിലേത്
- പുറത്തുവന്നത് വിവരാവകാശ പ്രകാരമുള്ള കണക്കുകൾ
പ്രചാരണ പ്രവർത്തനങ്ങൾക്കായി 9.6 കോടി രൂപയാണ് മഹാവികാസ് അഖാഡി സർക്കാർ ഓരോ മാസവും ചെലവഴിക്കുന്നതെന്നാണ് കണക്കുകൾ വ്യക്തമാക്കുന്നത്. 2019 ഡിസംബർ 11 മുതൽ 2021 മാർച്ച് 12 വരെയുള്ള കണക്കുകളാണ് അനിൽ ഗൽഗാലി വിവരാവകാശത്തിലൂടെ നേടിയത്. 2019ൽ ഉദ്ധവ് സർക്കാർ 20.31 കോടി രൂപയാണ് ചെലവിട്ടത്.
Also Read : രാജ്യത്ത് പ്രതിദിന കൊവിഡ് കേസുകൾ 40,000ത്തിൽ താഴെ; മരണസംഖ്യയിലും കുറവ്
2020ൽ മാത്രം 26 വ്യത്യസ്ത വകുപ്പുകളുടെ പ്രചാരണത്തിനായി 104.55 കോടി രൂപയാണ് സർക്കാർ ചെലവഴിച്ചത്. വനിത ദിനവുമായി ബന്ധപ്പെട്ട ക്യാംപെയ്നുകളുടെ ഭാഗമായി 5.96 കോടി രൂപയാണ് ചെലവിട്ടത്. ദേശീയ ആരോഗ്യ മിഷനായി 19.92 കോടി രൂപ ചെലവിട്ടിട്ടുണ്ടെന്നുമാണ് വിവരാവകാശത്തിൽ പുറത്തുവന്ന കണക്കുകൾ.
Also Read : ശവപ്പെട്ടിയിൽ കിടന്ന കുഞ്ഞിൻ്റെ കൈ അനങ്ങി; മരിച്ചെന്നു പറഞ്ഞ് ബക്കറ്റിലാക്കി കൊടുത്തു വിട്ടത് ജീവനുള്ള ശിശുവിനെ
സോഷ്യൽ മീഡിയ ക്യാംപെയ്നുകൾക്കായി 1.15 കോടി രൂപയാണ് മഹാരാഷ്ട്ര സർക്കാർ 2020ൽ മാത്രം ചെലവാക്കിയത്. നഗര വികസനത്തിന്‍റെ മൂന്ന് ഘട്ടങ്ങൾക്കായി 6.49 കോടി രൂപയും വിനിയോഗിച്ചു. 2021 മാർച്ച് 12വരെ 12 ഡിപാർട്മെന്‍റുകൾക്കായി 29.79 കോടി രൂപയാണ് സർക്കാർ ചെലവാക്കിയിരിക്കുന്നത്. വിദ്യാഭ്യാസ വകുപ്പ് 15.94 കോടിയും ജൽ ജീവൻ മിഷൻ ക്യാംപെയ്നു വേണ്ടി 1.88 കോടി രൂപയുമാണ് സർക്കാർ ചെലവിട്ടിരിക്കുന്നതെന്നുമാണ് റിപ്പോർട്ട്.
ഈ പുഞ്ചിരി നിലനിൽക്കാൻ വേണ്ടത് 18 കോടി രൂപ!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : rti reveals uddhav thackeray’s government spent rs 155 crore on publicity campaigns in 16 months
Malayalam News from malayalam.samayam.com, TIL Network
