ഹൈലൈറ്റ്:
- ഗ്ലാസ്സുകളെല്ലാം അടച്ചിരുന്നതിനാല്‍ കുട്ടിയുടെ ശബ്ദവും പുറത്തേക്ക് കേട്ടിരിക്കാനിടയില്ല
- കുട്ടികള്‍ എപ്പോഴും തങ്ങളുടെ കണ്‍വട്ടത്തുണ്ടെന്ന് രക്ഷിതാക്കള്‍ ഉറപ്പുവരുത്തണം.
ദുബായ്: ഷാര്‍ജയില്‍ കാണാതായ എട്ട് വയസ്സുള്ള ഇന്ത്യന്‍ ബാലന്റെ മൃതദേഹം അയല്‍വാസിയുടെ കാറില്‍ കണ്ടെത്തിയ സംഭവത്തില്‍ ദുരൂഹതയൊന്നും ഇല്ലെന്ന് ഷാര്‍ജ പോലീസ്. കഴിഞ്ഞ ദിവസം ഷാര്‍ജയിലെ അല്‍ നാസിറിയ്യയിലായിരുന്നു നാടിനെ നടക്കിയ സംഭവം. രാവിലെ വീട്ടു മുറ്റത്ത് കളിക്കുകയായിരുന്ന കുട്ടിയെ കാണാതായതായി രക്ഷിതാക്കള്‍ നല്‍കിയ പരാതിയുടെ അടിസ്ഥാനത്തില്‍ പോലീസ് വ്യാപകമായ തെരച്ചില്‍ നടത്തിയിരുന്നു.
അതിനിടയിലാണ് കുട്ടിയുടെ മൃതദേഹം അയല്‍വാസിയുടെ കാറില്‍ നിന്ന് കണ്ടെത്തിയത്. ഒരു സ്ത്രീയുടെ ഉടമസ്ഥതിയിലുള്ളതായിരുന്നു കാര്‍. കാറില്‍ ചലനമറ്റു കിടക്കുന്ന കുട്ടിയെ കണ്ട് ഉടമസ്ഥ തന്നെയാണ് പോലീസില്‍ വിവരം അറിയിച്ചത്. തുടര്‍ന്ന് നടത്തിയ അന്വേഷണത്തില്‍ കുട്ടി കളിച്ചു കൊണ്ടിരിക്കുന്നതിനിടയില്‍ ഡോര്‍ ലോക്ക് ചെയ്യാതെ നിര്‍ത്തിയിട്ടിരുന്ന കാറില്‍ കുട്ടി സ്വമേധയാ കയറുകയായിരുന്നുവെന്ന് കണ്ടത്തിയത്. ഡോര്‍ അകത്തു നിന്ന് അടച്ച കുട്ടിക്ക് പക്ഷെ അത് തുറക്കാനായില്ല. ഗ്ലാസ്സുകളെല്ലാം അടച്ചിരുന്നതിനാല്‍ കുട്ടിയുടെ ശബ്ദവും പുറത്തേക്ക് കേട്ടിരിക്കാനിടയില്ല. ശക്തമായ ചൂടില്‍ ശ്വാസം മുട്ടിയാണ് കുട്ടി മരിച്ചതെന്ന് വിദഗ്ധ പരിശോധനയ്ക്കു ശേഷം പോലീസ് അറിയിച്ചു.
Also Read: 
യാത്രാവിലക്കുള്ള യമനിൽ നിന്നെത്തി; രണ്ടു മലയാളികള്‍ ചെന്നൈയിൽ പിടിയിൽ
സംഭവത്തില്‍ ദുരൂഹതയൊന്നുമില്ലെന്നും ഷാര്‍ജയിലെ അല്‍ഗര്‍ബ് പോലീസ് നടത്തിയ അന്വേഷണത്തില്‍ വ്യക്തമായി. കുട്ടിയുടെ മാതാപിതാക്കളുടെ ദുഖത്തില്‍ പങ്കു ചേരരുന്നതായും പോലീസ് അറിയിച്ചു. അതേസമയം, കുട്ടികള്‍ എപ്പോഴും തങ്ങളുടെ കണ്‍വട്ടത്തുണ്ടെന്ന് രക്ഷിതാക്കള്‍ ഉറപ്പുവരുത്തണം. വാഹനത്തില്‍ നിന്ന് ആളുകള്‍ ഇറങ്ങിയാലുടന്‍ ഡോറുകള്‍ ലോക്ക് ചെയ്യണമെന്നും പോലീസ് അറിയിച്ചു.
ലോകസഭയിൽ പുതിയ പ്രതിപക്ഷ നേതാവ് വരുമോ ?
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : police find no foul play behind the death of 8 year old sharjah boy
Malayalam News from malayalam.samayam.com, TIL Network
