കാസര്‍കോട് 14കാരി പീഡനത്തിനിരയായി; പ്രദേശവാസികളായ 3 പേര്‍ അറസ്റ്റില്‍

കാസര്‍കോട് : കാസർകോട് ഉളിയത്തടുക്കയിൽ പതിനാലുകാരി പീഡനത്തിനിരയായി. കുട്ടിയെ ലൈംഗികമായി പീഡിപ്പിച്ചതുമായ് ബന്ധപ്പെട്ട് പ്രദേശവാസികളായ മൂന്ന് പേരെ പോലീസ് അറസ്റ്റ് ചെയ്തു. മറ്റൊരാളെ നിലവിൽ കസ്റ്റഡിയിലെടുക്കുകയും ചെയ്തിട്ടുണ്ട്. ഒരാഴ്ച മുന്‍പാണ് പീഡനം നടന്നതെന്ന് മലയാള മനോരമ റിപ്പോർട്ട് ചെയ്തു.



പ്രതികൾ പതിനാലുകാരിയെ പല സ്ഥലങ്ങളില്‍ കൊണ്ടുപോയി പീഡിപ്പിച്ചു എന്നാണ് പുറത്തുവരുന്ന റിപ്പോർട്ട്. ചൈൽഡ് ലൈൻ ഹെൽപ്പ് ലൈനിൽ വന്ന ഫോൺ കോളിന്‍റെ അടിസ്ഥാനത്തിൽ നടത്തിയ അന്വേഷണത്തിലാണ് പീഡന വിവരം പുറത്ത് വന്നത്.

Also Read : ആറുവയസുകാരിയെ കെട്ടിത്തൂക്കിയത്; മരണവാ‍ര്‍ത്ത അറിഞ്ഞ് പൊട്ടിക്കരഞ്ഞ് ‘കൊലയാളി’; കൊല പീഡനത്തിനിടെ



പെൺകുട്ടി പീഡനത്തിനിരയായതായി വൈദ്യപരിശോധനയില്‍ വ്യക്തമായെന്നാണ് റിപ്പോർട്ട്. കുട്ടിയുടെ രഹസ്യമൊഴിയും കേസിൽ രേഖപ്പെടുത്തിയിട്ടുണ്ട്. പീഡനവുമായി ബന്ധപ്പെട്ട് അഞ്ച് കേസുകൾ രജിസ്റ്റർ ചെയ്താണ് അന്വേഷണം നടത്തുന്നത്. പീഡനത്തിനിരയായ കുട്ടിയിപ്പോള്‍ ചൈല്‍ഡ് വെല്‍ഫയര്‍ കമ്മിറ്റിയുടെ സംരക്ഷണത്തിലാണ്.

Also Read : ‘രേഷ്മയോട് കള്ളപ്പേരിൽ ചാറ്റ് ചെയ്തത് ഗ്രീഷ്മ’; യുവാവിന്റെ രഹസ്യ മൊഴി രേഖപ്പെടുത്തും



ചൈല്‍ഡ് ലൈന്‍ പ്രവര്‍ത്തകര്‍ ഫോൺകോൾ വിവരങ്ങൾ പോലീസിന് കൈമാറിയതിന് പിന്നാലെയാണ് പീഡനക്കേസിൽ അന്വേഷണം ആരംഭിക്കുന്നത്. പ്രതികൾ പ്രദേശവാസികളാണെങ്കിലും അയല്‍ക്കാര്‍ക്കും ബന്ധുക്കള്‍ക്കും ഇത് സംബന്ധിച്ച് ഒരു വിവരവും ഉണ്ടായിരുന്നില്ലെന്നാണ് റിപ്പോർട്ടുകൾ.