ലോകം കൊവിഡ് മാഹാമാരിയുടെ പിടിയിലകപ്പെട്ടതിന് പിന്നാലെ എല്ലാവരുടെയും ജീവിത രീതിയിലും മാറ്റം വന്നിരുന്നു. ഓഫീസുകളിൽ പോയുള്ള ജോലിയിൽ നിന്ന് വർക്ക് ഫ്രം ഹോമിലേക്ക് പല തൊഴിലിടങ്ങളും മാറി. വിദ്യാഭ്യാസം ഓൺലൈൻ രീതിയിലേക്കും എത്തി. ഇതിനിടെ തന്നെ ഓൺലൈൻ ക്ലാസുകൾക്കിടയിലും മീറ്റിങ്ങുകൾക്കിടയിലും സംഭവിച്ച പല അബദ്ധങ്ങളും വാർത്തയായിരുന്നു. മീറ്റിങ്ങ് നടക്കുന്നതിനിടയിൽ അപ്രതീക്ഷിതമായി ചിലർ കയറി വരുന്നതും മൈക്ക് ഓഫ് ചെയ്യാതെ സ്വകാര്യ നിമിഷങ്ങളെക്കുറിച്ച് സംസാരിക്കുന്നതും മറ്റുമായിരുന്നു അവ. ഇപ്പോഴിതാ വിയറ്റ്നാമിലെ ഒരു വിദ്യാർഥിക്ക് സംഭവിച്ച അബദ്ധമാണ് സോഷ്യൽ മീഡിയയിലും അന്താരാഷ്ട്ര മാധ്യമങ്ങളിലും ചർച്ചയാകുന്നത്. ഓൺലൈൻ ക്ലാസ് നടക്കവേ ക്യാമറ ഓഫ് ചെയ്യാതെ ലൈംഗിക ബന്ധത്തിലേർപ്പെട്ടതാണ് വിദ്യാർഥിക്ക് വിനയായി തീർന്നത്.

​അബദ്ധം സംഭവിച്ചത് യൂണിവേഴ്സിറ്റി വിദ്യാർഥിക്ക്

(representative image)

ഓൺലൈൻ ക്ലാസ് നടക്കുന്നതിനിടെ വിയറ്റ്നാമിലെ ഹോ ചി മിനിലെ ഒരു വിദ്യാർഥിയാണ് പങ്കാളിയുമായി ലൈംഗിക ബന്ധത്തിൽ ഏർപ്പെട്ടത്. ക്ലാസ് നടക്കുകയാണെന്ന് അറിയാമായിരുന്നെങ്കിലും തന്‍റെ ക്യാമറ ഓൺ ആണെന്ന് ഇയാൾക്ക് അറിയില്ലായിരുന്നു. ഇതാണ് വിനയായി മാറിയതും. ഓൺലൈൻ ക്ലാസിനിടയിലെ വിദ്യാർഥിയുടെ ദൃശ്യങ്ങൾ ആരോ റെക്കോർഡ് ചെയ്യുകയും സോഷ്യൽ മീഡിയയിൽ പ്രചരിപ്പിക്കുകയും ചെയ്തതോടെയാണ് സംഭവം ചർച്ചയാകുന്നത്.

​ക്ലാസ് റൂമിലും വിദ്യാർഥി ഇങ്ങനെ തന്നെയെന്ന് അധ്യാപകൻ

(representative image)

ഓൺലൈൻ ക്ലാസിനിടയിൽ വിദ്യാർഥി ലൈംഗിക ബന്ധത്തിൽ ഏർപ്പെടുന്ന കാഴ്ച കണ്ട് താൻ ഞെട്ടിപ്പോയെന്നാണ് ലക്ചറർ പറയുന്നത്. യഥാർഥ ക്ലാസ് മുറിയിൽ വെച്ച് വിദ്യാർഥി കാമുകിയുമായി അടുത്തിടപഴകുമായിരുന്നു. ഇപ്പോൾ ഓൺലൈൻ ക്ലാസിൽ അയാൾ ലൈംഗിക ബന്ധത്തിൽ ഏർപ്പെടുകയും ചെയ്തു. അധ്യാപകൻ പറഞ്ഞതായി ഇംഗ്ലീഷ് വാർത്താ ചാനലായ ന്യൂസ്18 റിപ്പോർട്ട് ചെയ്തു.

​ക്യാമറ ഓൺ ആണെന്ന് അറിഞ്ഞത് അധ്യാപകൻ ഇടപെട്ടപ്പോൾ

(representative image)

തന്‍റെ ക്യാമറ ഓൺ ആണെന്നതിനെക്കുറിച്ച് യാതൊരു ബോധവുമില്ലാതെയായിരുന്നു വിദ്യാർഥി പങ്കാളിക്കൊപ്പം കഴിഞ്ഞത്. കാഴ്ച കണ്ട പ്രൊഫസർ ഷൗട്ട് ചെയ്തപ്പോഴാണ് ഇയാൾ അബദ്ധം മനസിലാക്കിയത്. ഉടൻ തന്നെ വസ്ത്രം ധരിച്ച്, ഇയാൾ ക്യാമറ സ്വിച്ച് ഓഫ് ആക്കുകയും ചെയ്തു. സംഭവത്തിന് പിന്നാലെ തന്നെ തനിക്ക് തെറ്റ് പറ്റിയെന്ന് അധ്യപകനോടും സഹപാഠികളോടും ഏറ്റുപറഞ്ഞ് ഇയാൾ ക്ഷമാപണം നടത്തിയിരുന്നെന്നാണ് പ്രാദേശിക പത്രത്തെ ഉദ്ധരിച്ചുള്ള റിപ്പോർട്ട് പറയുന്നത്.

​സംഭവം സ്ഥിരീകരിച്ച് യൂണിവേഴ്സിറ്റിയും

(representative image)

ഓൺലൈൻ ക്ലാസിനിടെ വിദ്യാർഥിക്ക് പറ്റിയ അബദ്ധത്തെക്കുറിച്ചുള്ള വാർത്ത യൂണിവേഴ്സിറ്റി അധികൃതരും സ്ഥിരീകരിച്ചിട്ടുണ്ട്. ഓൺലൈൻ ക്ലാസുകളിൽ പങ്കെടുക്കുമ്പോൾ അച്ചടക്കവും ഉചിതമായ പെരുമാറ്റവും പാലിക്കണമെന്ന് വിദ്യാർഥികളെ അധികൃതർ ഓർമ്മിപ്പിക്കുകയും ചെയ്തു. വീഡിയോ കൂടുതൽ ആൾക്കാർക്ക് പങ്കിടരുതെന്ന് അധികൃതർ അഭ്യർഥിച്ചിട്ടുമുണ്ട്. കഴിഞ്ഞവർഷം ഓൺലൈൻ ക്ലാസിനിടെ ഒരു വിദ്യാർഥി തന്‍റെ സുഹൃത്തിന്‍റെ സ്വകാര്യ നിമിഷങ്ങൾ മറ്റൊരാളുമായി പങ്കുവെച്ചതിന് സമാനമായ അബദ്ധമെന്നാണ് സോഷ്യൽ മീഡിയ ഇതിനെ വിശേഷിപ്പിക്കുന്നത്.