പോപ്പുലർ ഫ്രണ്ട് ഓഫ് ഇന്ത്യ പിരിച്ചുവിട്ടു, പ്രവർത്തനങ്ങൾ നിർത്താൻ നേതൃത്വത്തിൻ്റെ നിർദേശം

Authored by Samayam Desk | Samayam Malayalam | Updated: Sep 28, 2022, 4:09 PM

Popular Front Of India Dissolved: പോപ്പുലർ ഫ്രണ്ട് ഓഫ് ഇന്ത്യ പിരിച്ചുവിടുന്നതായി സംസ്ഥാന ജനറൽ സെക്രട്ടറി എ അബ്ദുൽ സത്താർ. പോപ്പുലർ ഫ്രണ്ട് ഓഫ് ഇന്ത്യയുടെ പ്രവർത്തനങ്ങൾ നിർത്താൻ എല്ലാ അംഗങ്ങൾക്കും നിർദേശം.

ഹൈലൈറ്റ്:

പോപ്പുലർ ഫ്രണ്ട് ഓഫ് ഇന്ത്യ പിരിച്ചുവിട്ടു.
ആഭ്യന്തര മന്ത്രാലയത്തിൻ്റെ തീരുമാനം അംഗീകരിക്കുന്നുവെന്ന് സംസ്ഥാന ജനറൽ സെക്രട്ടറി.
പ്രവർത്തനങ്ങൾ നിർത്താൻ അംഗങ്ങൾക്കു നിർദേശം.

തിരുവനന്തപുരം: നിരോധനത്തിനു പിന്നാലെ പോപ്പുലർ ഫ്രണ്ട് ഓഫ് ഇന്ത്യ പിരിച്ചുവിട്ടതായി സംസ്ഥാന ജനറൽ സെക്രട്ടറി എ അബ്ദുൽ സത്താർ. ആഭ്യന്തര മന്ത്രാലയത്തിൻ്റെ തീരുമാനം അംഗീകരിക്കുന്നുവെന്നും പോപ്പുലർ ഫ്രണ്ട് ഓഫ് ഇന്ത്യയുടെ പ്രവർത്തനങ്ങൾ നിർത്താൻ അംഗങ്ങളോട് അഭ്യർഥിക്കുന്നുവെന്നും അബ്ദുൽ സത്താർ പ്രസ്താവനയിലൂടെ അറിയിച്ചു.

ആലുവയിൽ കേന്ദ്ര സേന ഇറങ്ങി; ആർഎസ്എസ് നേതാക്കൾക്ക് വൈ കാറ്റഗറി സുരക്ഷ, കാര്യാലയത്തിനും സുരക്ഷയൊരുക്കി

പോപ്പുലർ ഫ്രണ്ട് ഓഫ് ഇന്ത്യയെ നിയമവിരുദ്ധമാക്കുന്നതുമായി ബന്ധപ്പെട്ട് ഇന്ത്യൻ ഗവൺമെൻ്റിൻ്റെ ആഭ്യന്തര മന്ത്രാലയം ഒരു വിജ്ഞാപനം പുറത്തിറക്കിയതായി അറിയിക്കുന്നു. കഴിഞ്ഞ മൂന്നു പതിറ്റാണ്ടുകളായി സമൂഹത്തിലെ നിരാലംബരും അധസ്ഥിതരും പാർശ്വവൽക്കരിക്കപ്പെട്ടവരുമായ വിഭാഗങ്ങളുടെ സാമൂഹിക-സാമ്പത്തിക-സാംസ്കാരിക ശാക്തീകരണത്തിനായി വ്യക്തമായ കാഴ്ചപ്പാടോടെ പരിശ്രമിക്കുന്ന ഒരു സംഘടനയാണ് പോപ്പുലർ ഫ്രണ്ട്. എല്ലാ ഇന്ത്യൻ പൗരന്മാരും തുല്യ സ്വാതന്ത്ര്യവും നീതിയും സുരക്ഷിതത്വവും ആസ്വദിക്കുന്ന സമത്വ സമൂഹത്തിന് വേണ്ടിയാണിത്. പക്ഷേ, മഹത്തായ നമ്മുടെ രാജ്യത്തിന്റെ നിയമം അനുസരിക്കുന്ന പൗരന്മാർ എന്ന നിലയിൽ, സംഘടന ആഭ്യന്തര മന്ത്രാലയത്തിൻ്റെ തീരുമാനം അംഗീകരിക്കുന്നു- അദ്ദേഹം വ്യക്തമാക്കി.

പിഎഫ്ഐ നിരോധനത്തെ നിയമപരമായി നേരിടുമെന്ന് സംസ്ഥാന ജനറൽ സെക്രട്ടറി, പിന്നാലെ പിടികൂടി എൻഐഎയും പോലീസും

സംസ്ഥാന ജനറൽ സെക്രട്ടറി എ അബ്ദുൽ സത്താറിൻ്റെ പ്രസ്താവന.

പോപ്പുലർ ഫ്രണ്ട് ഓഫ് ഇന്ത്യ പിരിച്ചുവിട്ടതായി അംഗങ്ങളെയും പൊതുജനങ്ങളെയും അറിയിക്കുന്നു. നിയമവിരുദ്ധമെന്ന വിജ്ഞാപനം പ്രസിദ്ധീകരിച്ചതു മുതൽ പോപ്പുലർ ഫ്രണ്ട് ഓഫ് ഇന്ത്യയുടെ പ്രവർത്തനങ്ങൾ നിർത്താൻ എല്ലാ അംഗങ്ങളോടും അഭ്യർഥിക്കുന്നുവെന്നും എ അബ്ദുൽ സത്താർ പ്രസ്താവനയിൽ പറഞ്ഞു.

പോപ്പുലർ ഫ്രണ്ട് ഓഫ് ഇന്ത്യ: രൂപം കൊണ്ടത് 2006 ൽ, 18 സംസ്ഥാനങ്ങളിൽ സാന്നിധ്യം, 4 ലക്ഷത്തോളം സജീവ പ്രവർത്തകർ

Read Latest Kerala News and Malayalam News