കേള്‍ക്കുമ്പോള്‍ നമുക്ക് അയ്യേ എന്നു തോന്നാം. രാവിലെ വായ കഴുകാതെ, പല്ലു തേയ്ക്കാതെ ഒന്നും കുടിയ്ക്കരുത് എന്നതാണ് നമ്മുടെ വൃത്തിയുടെ ഒരു പാഠം. എന്നാല്‍ പലതും നാം കരുതുന്ന പോലെയല്ല. പല്ലു തേയ്ക്കും മുന്‍പ് ഒരു ഗ്ലാസ് വെള്ളം (water)കുടിയ്ക്കുന്നത് പല ആരോഗ്യ ഗുണങ്ങളും നല്‍കുന്ന ഒന്നാണ്. എന്തു കൊണ്ടാണ് പല്ലു തേയ്ക്കും മുന്‍പ് വെള്ളം കുടിയ്ക്കുന്നതെന്ന് പറയൂ.

​മെറ്റബോളിസം​

ഇത് ശരീരത്തിന് പ്രതിരോധ ശേഷി വര്‍ദ്ധിപ്പിയ്ക്കാന്‍ ഏറെ നല്ലതാണ്. വായിലെ സലൈവ രാവിലെ തന്നെ കുടലില്‍ വെള്ളത്തോടെ എത്തുന്നു. ഇത് ചീത്ത ബാക്ടീരിയകളെ നശിപ്പിയ്ക്കുന്നു. കുടല്‍ ആരോഗ്യത്തിന് ഇതേറെ മികച്ചതാണ്. ഗ്യാസ്, അസിഡിറ്റി എന്ന പ്രശ്‌നങ്ങള്‍ ഇല്ലാതാക്കുന്നു. ഇതു പോലെ കുടല്‍ വൃത്തിയാകുന്നു. ഇതിലൂടെ വയറിനെ ബാധിയ്ക്കുന്ന പല രോഗങ്ങളും അകലുന്നു. ഇത് മെറ്റബോളിസം അഥവാ ഉപാപചയ പ്രക്രിയ ശക്തിപ്പെടുത്തുന്നു. ഇത് തടി കുറയ്ക്കാന്‍ സഹായിക്കുന്നു. ഇതു പോലെ ഭക്ഷണത്തിനോടുള്ള കള്ളമോഹം, അതായത് വിശക്കുന്നുവെന്ന തോന്നല്‍ നില്‍ക്കും. അതേ സമയം ശരിയായ വിശപ്പു വരുമ്പോള്‍ കഴിയ്ക്കാന്‍ സാധിയ്ക്കും.

​ചര്‍മത്തിലും​

വയര്‍ ക്ലിയറാകുമ്പോള്‍ ഇത് ചര്‍മത്തിലും പ്രതിഫലിയ്ക്കും. ഇത് ചര്‍മത്തിന് തിളക്കം നല്‍കും. രക്തപ്രവാഹം വര്‍ദ്ധിയ്ക്കുന്നതാണ് കാരണം. മുഖത്തുണ്ടാകുന്ന ചുളിവുകളും വരകളുമെല്ലാം കുറയ്ക്കാന്‍ ഇത് സഹായിക്കുന്നു. അതായത് സൗന്ദര്യം വര്‍ദ്ധിപ്പിയ്ക്കാനുള്ള പ്രധാനപ്പെട്ട വഴിയാണ് പല്ലു തേയ്ക്കും മുന്‍പുള്ള വെള്ളം കുടിയെന്നത്. സലൈവയില്‍ അനലേസ് എന്നു പറയുന്ന ദഹനരസമുണ്ട്. ഇത് ദഹനത്തിന് സഹായിക്കുന്നു. രാത്രിയില്‍ ഇത് കൂടുതല്‍ കട്ടിയുളളതാകുന്നു. കാരണം നാം അധികം കഴിയ്ക്കുന്നില്ല, വെള്ളം കുടിയ്ക്കുന്നില്ല എന്നത്. ഇത് കുടലില്‍ എത്തുന്നത് നല്ലതാണ്.

​പ്രതിരോധ ശേഷി​

ഇത് ശരീരത്തിന്റെ പ്രതിരോധ ശേഷി വര്‍ദ്ധിപ്പിയ്ക്കുന്നു. ഇത് നമ്മുടെ ബിപി കുറയ്ക്കും, പ്രമേഹവും കുറയ്ക്കും. കുടല്‍ ആരോഗ്യത്തെ മെച്ചപ്പെടുത്തുന്നതിനാല്‍ നല്ല ശോധനയ്ക്ക് സഹായിക്കുന്ന ഒന്നാണിത്. ഡ്രൈ മൗത്ത് പ്രശ്‌നം തീര്‍ക്കാന്‍ വെറും വയറ്റിലെ വെള്ളം കുടി സഹായിക്കുന്നു. ഡ്രൈ മൗത്താണ്, അതായത് വരണ്ട വായയാണ് വായനാറ്റത്തിനുള്ള ഒരു പ്രധാന കാരണം. ഈ പ്രശ്‌നം പരിഹരിയ്ക്കാന്‍ ഇത് സഹായിക്കും. ഇത് മോണയുടേയും പല്ലിന്റെയും ആരോഗ്യത്തെ സഹായിക്കുന്നു.

ടോക്‌സിനുകളാണ്

ശരീരത്തിലെ ടോക്‌സിനുകളാണ് മിക്കവാറും അസുഖങ്ങള്‍ക്ക കാരണം. ഇതിനുള്ള നല്ലൊരു പ്രതിവിധി കൂടിയാണ് പല്ലു തേയ്ക്കും മുന്‍പ് വെള്ളം കുടിയ്ക്കുകയെന്നത്. ഇത് ലിംഫാറ്റിക് സിസ്റ്റ്‌ത്തെ സഹായിക്കുന്നു. ഇത് ഫ്‌ളൂയിഡ് ബാലന്‍സ് നില നിര്‍ത്തുന്നു. കോശങ്ങളും ഗ്രന്ഥികളുമെല്ലാം തന്നെ നല്ല രീതിയില്‍ പ്രവര്‍ത്തിയ്ക്കാന്‍ സഹായിക്കുന്നു. പലര്‍ക്കും ഉണര്‍ന്നെഴുന്നേറ്റാല്‍ തലവേദനയുണ്ടാകും. ഇത് മാറാനുള്ള നല്ലൊരു വഴി കൂടിയാണ് വെറും വയറ്റില്‍, അതായത് പല്ലു തേയ്ക്കും മുന്‍പ് വെള്ളം കുടിയ്ക്കുകയെന്നത്. രാത്രി കാലങ്ങളില്‍ നമ്മുടെ ശരീരത്തിന് കോസ്മിക് എനര്‍ജി ലഭിയ്ക്കുന്നു. ഈ സമയത്ത് വായിലുണ്ടാകുന്ന സലൈവ അഥവാ ഉമിനീരിനും ഈ ഗുണമുണ്ട്. ഇളം ചൂടുവെള്ളം കുടിയ്ക്കുന്നതാണ് കൂടുതല്‍ നല്ലത്.

​വെള്ളം​

എന്നാല്‍ പല്ലു തേയ്ക്കുന്നതിന് മുന്‍പ് വെള്ളം കുടിയ്ക്കുമ്പോള്‍ ശ്രദ്ധിയ്‌ക്കേണ്ട ഒന്നുണ്ട്. രാത്രിയില്‍ നല്ലതുപോലെ പല്ലു തേച്ച് ശുദ്ധമായി വേണം ഇത് ചെയ്യാന്‍. എന്നാലേ ശുദ്ധമായ ബാക്ടീരിയ ഉണ്ടാകൂ. അതേ സമയം പല്ലു തേയ്ക്കാതെ, വായ വൃത്തിയാക്കാതെ കിടന്നാല്‍ ഇത്തരം ഭക്ഷണാംശവും മറ്റും ദോഷകരമായ ബാക്ടീരിയയെ ആകര്‍ഷിയ്ക്കുന്നു. ഇവ വളര്‍ന്ന് പല്ലിലും മോണയിലും ദോഷമുണ്ടാകുന്നുവെന്ന് മാത്രമല്ല, ഈ ബാക്ടീരിയ പല്ലു തേയ്ക്കാതെ വെള്ളത്തൊടൊപ്പം വയറ്റില്‍ എത്തുമ്പോള്‍ നല്ല ഗുണമല്ല, മറിച്ച് ദുഷിച്ച ഗുണമാണ് ലഭിയ്ക്കുന്നത്. ഇതിനാല്‍ രാത്രി നല്ലതു പോലെ വായ വൃത്തിയാക്കി ഒന്നോ രണ്ടോ ഗ്ലാസ് ചൂടുവെള്ളം രാവിലെ പല്ലു തേയ്ക്കാതെ തന്നെ കുടിയ്ക്കാം.