അർജുനെ ലയത്തിൽ തെളിവെടുപ്പിനെത്തിച്ചപ്പോൾ കനത്ത പ്രതിഷേധമാണ് ഉയർന്നത്. ജൂൺ 30 ന് ബലാത്സംഗത്തിനിടെ ബോധരഹിതയായ പെൺകുട്ടിയെ പ്രതി കെട്ടിത്തൂക്കുകയായിരുന്നു.
പ്രതി അർജുൻ | Photo: Supplie
ഹൈലൈറ്റ്:
- കുഞ്ഞിന് മൂന്ന് വയസുള്ളപ്പോൾ മുതൽ പീഡനത്തിന് ഇരയാക്കിയിരുന്നു
- ബലാത്സംഗത്തിനിടെ കുട്ടി ബോധരഹിതയായി
- സംശയത്തിന് ഇട നൽകാത്ത വിധത്തിലായിരുന്നു പ്രതിയുടെ ഇടപെടൽ
പെൺകുട്ടിക്ക് മൂന്ന് വയസുള്ളപ്പോൾ മുതൽ അർജുൻ പീഡിപ്പിച്ചിരുന്നു. കുഞ്ഞിന്റെ മാതാപിതാക്കൾ പണിക്കു പോകുന്ന സമയങ്ങളിലായിരുന്നു പീഡനം. മറ്റുള്ളവരുമായി സാധാരണ നിലയിൽ ഇടപെടുന്ന പ്രതി ഒരിക്കൽ പോലും സംശയത്തിന് ഇട നൽകിയിരുന്നില്ല. ജൂൺ 30 ന് ബലാത്സംഗത്തിനിടെ ബോധരഹിതയായ പെൺകുട്ടിയെ പ്രതി കെട്ടിത്തൂക്കുകയായിരുന്നു.
ആറുവയസുകാരിയെ കെട്ടിത്തൂക്കിയത്; മരണവാ‍ര്‍ത്ത അറിഞ്ഞ് പൊട്ടിക്കരഞ്ഞ് ‘കൊലയാളി’; കൊല പീഡനത്തിനിടെ
അർജുനെ ലയത്തിൽ തെളിവെടുപ്പിനെത്തിച്ചപ്പോൾ കനത്ത പ്രതിഷേധമാണ് ഉയർന്നത്. പെൺകുട്ടിയുടേത് അപകട മരണമാണെന്നായിരുന്നു ആദ്യ ഘട്ടത്തിൽ പോലീസ് കരുതിയിരുന്നത്. പോസ്റ്റ്മോർട്ടം റിപ്പോർട്ട് ലഭിച്ചതോടെയാണ് പെൺകുട്ടി ലൈംഗിക പീഡനത്തിന് ഇരയായെന്ന് വ്യക്തമായത്. അയൽവാസികളെ കേന്ദ്രീകരിച്ചു നടത്തിയ അന്വേഷണത്തിലാണ് അർജുൻ പിടിയിലായത്. ഇയാൾ ഉൾപ്പെടെ നാലു പേരെ പോലീസ് നേരത്തെ ചോദ്യം ചെയ്തിരുന്നു.
പെൺകുട്ടിയുടെ മരണ വാർത്ത അറിഞ്ഞപ്പോൾ പ്രതി പൊട്ടിക്കരഞ്ഞിരുന്നുവെന്ന് അയൽക്കാർ പറഞ്ഞു. കുട്ടിയുടെ സംസ്കാര ചടങ്ങിൽ ഉൾപ്പെടെ പ്രതി പങ്കെടുത്തിരുന്നു. വാഴക്കുല കെട്ടാൻ ഉപയോഗിക്കുന്ന കയറിൽ പിടിച്ചു കളിക്കവെ കയർ കഴുത്തിൽ കുരുങ്ങി മരിക്കുകയായിരുന്നുവെന്നാണ് പോലീസ് കരുതിയിരുന്നത്. കുഞ്ഞിന്റെ മരണം നടന്ന അന്നുതന്നെ അസ്വാഭാവിക മരണത്തിന് പോലീസ് കേസെടുത്തിരുന്നു.
മുഹമ്മദിന് സഹായപ്രവാഹം; ഇതുവരെയെത്തിയത് 14കോടി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : idukki vandiperiyar child death
Malayalam News from malayalam.samayam.com, TIL Network
