ഗര്‍ഭിണി
നോട്ടിംഗ്ഹാംഷെയറിലെ ട്രോവെലിലെ 25കാരിയായ മോളി ഗില്‍ബെര്‍ട്ട് എന്ന യുവതിയാണ് ഈ അനുഭവത്തിലൂടെ കടന്ന് പോയത്. സെപ്റ്റംബര്‍ 7നാണ് ഈ സ്ത്രീ ഗര്‍ഭിണിയാണെന്ന് അറിഞ്ഞത്. സെപ്റ്റംബര്‍ 9ന് പൂര്‍ണ വളര്‍ച്ചയെത്തിയ കുഞ്ഞിന് ഇവര്‍ ജന്മം നല്‍കുകയും ചെയ്തു. കഴിഞ്ഞ കുറച്ച് മാസങ്ങളായി കാരണറിയാതെ ഭാരം കൂടുകയും കുറയുമെല്ലാം ചെയ്തതിന് തുടര്‍ന്ന് ഇവര്‍ ഹോസ്പിറ്റലിലും പോയിരുന്നു. തൂക്കത്തിലെ ഇത്തരം വ്യത്യാസങ്ങള്‍ കാലങ്ങളായി ഇവര്‍ക്കുണ്ടായിരുന്നുവെങ്കിലും കഴിഞ്ഞ് കുറച്ച് മാസങ്ങളായി ഇത് നിരന്തരമുണ്ടാകുന്നതായിരുന്നു കാരണവും.
ടെസ്റ്റുകള്‍
ഇതിന്റെ കാരണം കണ്ടെത്തുവാന്‍ ലിംഫെഡിമ, ലിപോഎഡിമ തുടങ്ങിയവയ്ക്കുള്ള ടെസ്റ്റുകള്‍ നടത്തിയിരുന്നു. കാരണം ഇത് ശരീരത്തില്‍ വെള്ളം കെട്ടിക്കിടന്നുണ്ടാകുന്ന വാട്ടര്‍ റീടെന്‍ഷന്‍ (water retension) വെയ്റ്റാണെന്നായിരുന്നു ഡോക്ടര്‍മാര്‍ കരുതിയിരുന്നത്. ഇത്തരം തൂക്കത്തിനുള്ള കാരണം കണ്ടെത്താന്‍ തൈറോയ്ഡ്, പ്രമേഹ രോഗ ടെസ്‌ററുകളും നടത്തിയിരുന്നുവെങ്കിലും ഇവയൊന്നും കണ്ടെത്താന്‍ സാധിച്ചിരുന്നില്ല. ഇതിന് കാരണം കണ്ടെത്താന്‍ സാധിയ്ക്കാത്തത് കൊണ്ടു തന്നെ ഈ കേസ് ഇങ്ങനെ പോകട്ടെയെന്നായിരുന്നു ഡോക്ടര്‍മാരുടെ അഭിപ്രായം. കാരണം കാര്യമായി ഒന്നുമില്ലെന്നത്.
മോളി ഗില്‍ബെര്‍ട്ടിന്
എന്നാല്‍ തനിക്ക് എന്തോ പ്രശ്‌നമുണ്ടെന്ന കാര്യം മോളി ഗില്‍ബെര്‍ട്ടിന് അറിയാമായിരുന്നു. സെപ്റ്റംബര്‍ 5ന് ലിവറില്‍ അയേണ്‍ പ്രശ്‌നമുണ്ടെന്ന് കണ്ടെത്തിയിരുന്നു. ഈ ടെസ്റ്റിന് പുറകേ പല രക്തപരിശോധനകളും നടത്തിയിരുന്നു. ഇതില്‍ നിന്നും മോളി ഗര്‍ഭിണിയാണെന്ന കാര്യം ഇവര്‍ കണ്ടെത്തുകയായിരുന്നു. എന്നാല്‍ ഇക്കാര്യം താന്‍ അംഗീകരിയ്ക്കാന്‍ തയ്യാറാല്ലായിരുന്നുവെന്ന് മോളി പറഞ്ഞു. കാരണം ബോയ്ഫ്രണ്ടുമായി മാര്‍ച്ചില്‍ ഇവര്‍ വേര്‍പിരിഞ്ഞിരുന്നു. കാരണം ഗര്‍ഭധാരണം ഇത്രയ്ക്ക് മാസങ്ങള്‍ എത്തിയതായി അപ്പോഴും കണ്ടെത്തിയിരുന്നില്ല. പിന്നത്തെ ആഴ്ചയില്‍ സ്‌കാനിംഗിനും ചില പരിശോധനകള്‍ക്കും മോളി കണ്ടിരുന്ന മിഡ്‌വൈഫ് നിര്‍ദേശിയ്ക്കുകയും ചെയ്തിരുന്നു. എന്നാല്‍ അടുത്ത ദിവസം അമ്മയെ കാണാനെത്തിയ മോളിയ്ക്ക് അംമ്‌നിയോട്ടിക് ഫ്‌ളൂയിഡ് പോയിത്തുടങ്ങിയതോടെ പെട്ടെന്ന് തന്നെ അമ്മ അവരെ ആശുപത്രിയിലെത്തിച്ചു. സ്‌കാനിംഗില്‍ 39 ആഴ്ചകളും 6 ദിവസവും ഗര്‍ഭമുണ്ടെന്ന് അവര്‍ സ്ഥിരീകരിച്ചു. ഉടന്‍ തന്നൈ സിസേറിയന്‍ നടത്തണമെന്നും. അങ്ങനെ സിസേറിയനിലൂടെ പൂര്‍ണവളര്‍ച്ചയായ ഒരു ആണ്‍കുഞ്ഞിന് മോളി ജന്മം നല്‍കുകയും ചെയ്തു.
പ്ലാസന്റ
തനിക്ക് തൂക്കം വര്‍ദ്ധിച്ചിരുന്നുവെങ്കിലും വയര്‍ കൂടിയതായി അനുഭവപ്പെട്ടില്ലായിരുന്നുവെന്ന് മോളി ഒരു അഭിമുഖത്തില്‍ പറഞ്ഞു. പ്ലാസന്റ മുന്‍ഭാഗത്തായിരുന്നതിനാല്‍ അത് ഒരു കുഷ്യന്‍ പോലെ പ്രവര്‍ത്തിച്ചതിനാല്‍ കുഞ്ഞിന്റെ ചലനങ്ങളും അവര്‍ക്ക് അനുഭവപ്പെട്ടിരുന്നില്ല. വേര്‍പിരിഞ്ഞ കാമുകന്‍ അപ്പോഴും അവര്‍ക്ക് നല്ല സുഹൃത്തായിരുന്നതില്‍ ഇക്കാര്യം അറിയിച്ചപ്പോള്‍ പെട്ടെന്നൊന്നു ഞെട്ടിയെങ്കിലും അദ്ദേഹം ശാന്തനായിരുന്നുവെന്നും മോളി പറഞ്ഞു. മോളിയുടെ മാതാപിതാക്കളും പേരക്കിടാവിന്റെ അപ്രതീക്ഷിത വരവില്‍ സന്തോഷവാന്മാരാണ്.
