Authored by Samayam Desk | Samayam Malayalam | Updated: Sep 28, 2022, 8:25 PM
വൈവിധ്യമാര്‍ന്ന ഭക്ഷണവും ജീവിതശൈലിയും തിരഞ്ഞെടുക്കുന്നത് നിങ്ങളുടെ പ്രായത്തിനനുസരിച്ച് ശക്തമായ അസ്ഥികളുടെ വികാസത്തിനും അവയുടെ പരിപാലനത്തിനും സഹായിക്കും.
ഹൈലൈറ്റ്:
- എല്ലുകളുടെ ആരോഗ്യത്തിന് ഒഴിവാക്കേണ്ട ചില കാര്യങ്ങള്‍ നോക്കാം
- മുപ്പതുകളില്‍ എത്തുമ്പോള്‍ എല്ലുകളുടെ ബലം കുറയുന്നു
കുട്ടിക്കാലത്തും കൗമാരത്തിലും യൗവനത്തിലും എല്ലുകള്‍ക്ക് ആവശ്യമായ ധാതുക്കള്‍ നല്‍കേണ്ടത് വളരെ അത്യാവശ്യമാണ്. എന്നാല്‍ ശൈശവത്തില്‍ എത്തുമ്പോള്‍ ശക്തവും ആരോഗ്യകരവുമായ എല്ലുകള്‍ വികസിപ്പിച്ച് എടുക്കുന്നത് വളരെ ബുദ്ധിമുട്ടുള്ള കാര്യമാണ്. പ്രായമാകും തോറും എല്ലുകളുടെ ആരോഗ്യ നിലനിര്‍ത്താന്‍ നിങ്ങള്‍ക്ക് ചെയ്യാന്‍ കഴിയുന്ന ചില കാര്യങ്ങളുണ്ട്. വൈവിധ്യമാര്‍ന്ന ഭക്ഷണവും ജീവിതശൈലിയും തിരഞ്ഞെടുക്കുന്നത് നിങ്ങളുടെ പ്രായത്തിനനുസരിച്ച് ശക്തമായ അസ്ഥികളുടെ വികാസത്തിനും അവയുടെ പരിപാലനത്തിനും സഹായിക്കും.
ആകെ കഴിക്കുന്ന കാല്‍സ്യത്തിന്റെ 20-30% മാത്രമേ ആഗിരണം ചെയ്യപ്പെടുന്നുള്ളൂ, ചില ഭക്ഷണങ്ങള്‍ യഥാര്‍ത്ഥത്തില്‍ ആഗിരണം തടയുകയും ഒടുവില്‍ അസ്ഥികള്‍ക്ക് ദോഷം ചെയ്യുകയും ചെയ്യുന്നുവെന്ന് വിദഗ്ധര്‍ പറയുന്നു.
ദൈനംദിന ജീവിതത്തില്‍ നിങ്ങള്‍ ചെയ്യുന്ന ചില കാര്യങ്ങള്‍ നിങ്ങളുടെ എല്ലുകള്‍ക്ക് ദോഷം ചെയ്യുന്നു. അത് എന്തൊക്കെയാണെന്ന് നോക്കാം
- പഞ്ചസാരയും കഫീനും അടങ്ങിയ ശീതള പാനീയങ്ങള്‍ ഒഴിവാക്കാം. അവയില്‍ ഫോസ്ഫോറിക് ആസിഡും പ്രിസര്‍വേറ്റീവ്സും അടങ്ങിയിട്ടുണ്ട്. ഇത് അസ്ഥികളുടെ ആരോഗ്യം നഷ്ടപ്പെടുത്താന്‍ സാധ്യതയുണ്ട്
- മാംസാഹാരം അധികം കഴിക്കുന്നത് മൂത്രത്തിലൂടെ കാല്‍സ്യം നഷ്ടപ്പെടാന്‍ കാരണമായേക്കും
- ചായ, കൊക്കോ, ചോക്ലേറ്റുകള്‍, കാപ്പി എന്നിവയിലെ കഫീന്‍ കാല്‍സ്യം വിസര്‍ജ്ജനം വര്‍ദ്ധിപ്പിക്കുന്നു
- നിക്കോട്ടിന്‍ കാല്‍സ്യത്തിന്റെ ആഗിരണത്തെ ബാധിക്കുന്നതിനാല്‍ പുകവലിയും പുകയില ഉത്പന്നങ്ങളും ഉപയോഗിക്കുന്നത് ശരീരത്തിലെ കാല്‍സ്യം സംഭരണത്തെ കവര്‍ന്നെടുക്കും.
- ഉപ്പും പഞ്ചസാരയും അധികമായി കഴിക്കുന്നതും കാല്‍സ്യം വിസര്‍ജ്ജനം വര്‍ദ്ധിപ്പിക്കുന്നു.
Also Read: Pregnancy tips: ഗര്‍ഭകാലത്ത് സാംക്രമിക രോഗങ്ങള്‍ വരാതെ സൂക്ഷിക്കാന്‍ ഈ 6 കാര്യങ്ങള്‍ ചെയ്യാം
- ഉദാസീനമായ ജീവിതശൈലി നിങ്ങളുടെ ശരീരത്തിലെ കാല്‍സ്യത്തെ കവര്‍ന്നെടുക്കും. നടത്തം, ഓട്ടം, ജോഗിംഗ് തുടങ്ങിയ ഏതെങ്കിലും ശാരീരിക പ്രവര്‍ത്തനങ്ങള്‍ നിങ്ങള്‍ ആരംഭിക്കുമ്പോള്‍, അത് അസ്ഥികള്‍ക്ക് ബലം നല്‍കാന്‍ സഹായിക്കും.
- ശരീരഭാരം കുറഞ്ഞ ആളുകളോ അല്ലെങ്കില്‍ പേശികള്‍ അധികമില്ലാത്തവരും കാല്‍സ്യത്തിന്റെ അഭാവം അനുഭവിച്ചേക്കാം.
കാല്‍സ്യം, വൈറ്റമിന്‍ ഡി എന്നിവ അടങ്ങിയ ഭക്ഷണങ്ങള്‍ കഴിക്കുക, പതിവായി വ്യായാമം ചെയ്യുക, ആരോഗ്യകരമായ ജീവിതശൈലി ശീലമാക്കുക എന്നതിലൂടെ ബലവുമുള്ളതും ആരോഗ്യകരവുമായ അസ്ഥികള്‍ നിലനിര്‍ത്താന്‍ നിങ്ങള്‍ക്ക് സാധിക്കും. പ്രായമാകും തോറും ഇത്തരം ബുദ്ധിമുട്ടുകള്‍ ഉണ്ടാകുന്നതില്‍ നിന്ന് ശരീരത്തെ കാത്ത് സൂക്ഷിക്കാം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
