നാരുള്ള ഭക്ഷണങ്ങൾ ഒഴിവാക്കരുത്
അന്നനാളത്തിന്റെ സുഗമമായ പ്രവര്‍ത്തനത്തിന് ഏറ്റവും ആവശ്യമുള്ള ഘടകമാണ് ഫൈബര്‍. കുടലിലുള്ള ആരോഗ്യകരമായ ബാക്ടീരിയകള്‍ നാരുകളെ ആഹാരമാക്കുന്നു. അതുകൊണ്ട് തന്നെ നാരുകള്‍ അടങ്ങിയ ഭക്ഷണം വളരെ പ്രധാനമാണ്. നാരുകള്‍ കൂടുതലുള്ള ഭക്ഷണ പദാര്‍ത്ഥങ്ങള്‍ ഡയറ്റില്‍ ഉള്‍പ്പെടുത്തുന്നത് അസിഡിറ്റിയെ തടയാനും സഹായിക്കും. അതിനാല്‍ നാരുകള്‍ അടങ്ങിയ പഴങ്ങള്‍, പച്ചക്കറികള്‍, ധാന്യങ്ങള്‍ എന്നിവ തെരഞ്ഞെടുത്ത് കഴിക്കാം.
വെള്ളം കുടിക്കാതെ ഇരിക്കരുത്
ജീവന്‍ നിലനിര്‍ത്താന്‍ വെള്ളം കുടിക്കേണ്ടത് വളരെ അത്യാവശ്യമാണ്. മുതിര്‍ന്ന ഒരാള്‍ ഒരു ദിവസം കുറഞ്ഞത് എട്ട് ഗ്ലാസ് വെള്ളമെങ്കിലും കുടിക്കണമെന്നാണ് പറയുന്നത്. ദഹന വ്യവസ്ഥയുടെ ആരോഗ്യ കാര്യത്തില്‍ ഏറ്റവും പ്രധാനമാണ് വെള്ളം കുടിക്കേണ്ടത്. ദഹനപ്രക്രിയ ഏറ്റവും മികച്ചതാക്കി തീര്‍ക്കാനായി ശരീരത്തില്‍ ഉടനീളം ജലാംശം നിലനിര്‍ത്തേണ്ടതും അത്യാവശ്യം തന്നെ. കുട്ടികളിലും മുതിര്‍ന്നവരിലും പ്രായമായവരിലും മലബന്ധം അടക്കമുള്ള ലക്ഷണങ്ങളെ പ്രതിരോധിക്കുന്നതിന് ഇത് സഹായിക്കുമെന്ന് കണ്ടെത്തിയിട്ടുണ്ട്. ഭക്ഷണത്തിന് ശേഷം വെള്ളം കുടിച്ചില്ലെങ്കില്‍ അത് ദഹനപ്രക്രിയയെ തടസപ്പെടുത്തുകയും നിങ്ങളുടെ ശരീരത്തെ നിര്‍ജ്ജലീകരണം ആക്കുകയും ചെയ്യും .
പഞ്ചസാര അധികം വേണ്ട
കുടലിന്റെ ഏറ്റവും നല്ല പ്രവര്‍ത്തനത്തിനും ആരോഗ്യം നിലനിര്‍ത്താനും പഞ്ചസാര ഉപേക്ഷിക്കുന്നതാണ് നല്ലത്. ശുദ്ധീകരിച്ച കാര്‍ബണുകളും ഉപയോഗിക്കാതെ ഇരിക്കാന്‍ ശ്രദ്ധിക്കണം. അമിതമായ പഞ്ചസാര ദഹനവ്യവസ്ഥയ്ക്ക് ഒഴിച്ചുകൂടാനാവാത്ത കുടല്‍ മൈക്രോബയോമിനെ നശിപ്പിക്കുകയും അസ്വസ്ഥമാക്കുകയും ചെയ്യുന്നു. അമിതമായ പഞ്ചസാരയെ കൈകാര്യം ചെയ്യാന്‍ പലപ്പോഴും ശരീരം പരാജയപ്പെട്ടേക്കാം.
ധാന്യങ്ങള്‍ ഒഴിവാക്കരുത്
ധാന്യങ്ങള്‍ ഉള്ളത് കുടല്‍ മൈക്രോബയോമിനെ വൈവിധ്യവും സന്തുലിതവുമാക്കുന്നു. ധാന്യങ്ങളുടെ ഗുണങ്ങള്‍ പറഞ്ഞ് അറിയിക്കേണ്ടതിലല്ലോ. ആരോഗ്യകരമായി തുടരുന്നതിന്, നമ്മുടെ ദൈനംദിന ഭക്ഷണക്രമത്തില്‍ / പോഷകാഹാരത്തില്‍, ശുദ്ധീകരിച്ച ധാന്യങ്ങള്‍ (ശുദ്ധീകരിച്ച ഗോതമ്പ് പോലുള്ളവ) എന്നിവ ഉപയോഗിക്കാന്‍ ശ്രമിക്കണം. ഇവ കൂടുതല്‍ പോഷകഗുണമുള്ളതും ഭക്ഷണത്തിലെ ഫൈബര്‍, ബി വിറ്റാമിനുകള്‍, ധാതുക്കള്‍, പ്രോട്ടീന്‍ എന്നിവ അടങ്ങിയിരിക്കുന്നു.
ജങ്ക് ഫുഡ് വേണ്ടേ വേണ്ട
കടകളില്‍ നിന്ന് വാങ്ങുന്ന ജങ്ക് ഫുഡുകള്‍ അന്നനാളത്തിന് വലിയ ഭീഷണിയാണ് ഉയര്‍ത്തുന്നത്. ദഹന സംബന്ധമായ അസുഖങ്ങള്‍ക്ക് ജങ്ക് ഫുഡ് കാരണമാകുന്നു. ഫൈബറുകള്‍ വളരെ കുറഞ്ഞ ഭക്ഷണമായതുകൊണ്ട് ദഹനപ്രക്രിയ വളരെ പെട്ടെന്നു തന്നെ ഇവ തകരാറിലാക്കുന്നു. രക്തത്തിലെ ഷുഗര്‍ ലവല്‍ കൂടുകയും അതുപോലെത്തന്നെ കുറയുകയും ചെയ്യുന്നതു കൊണ്ട് ക്ഷീണം അനുഭവപ്പെടുന്നു. അതു വിശപ്പുണ്ടാക്കുകയും കൂടുതല്‍ ഭക്ഷണം കഴിക്കാന്‍ പ്രേരിപ്പിക്കുകയും ചെയ്യും. ഇതു കൂടുതല്‍ അപകടകരമായ സ്ഥിതിവിശേഷം സൃഷ്ടിക്കുന്നു. അതുപോലെ ആസ്തമ ഉള്ളവര്‍ ജങ്ക് ഫുഡ് കഴിക്കുന്നത് ദോഷകരമാണെന്നു പഠനങ്ങള്‍ ചൂണ്ടിക്കാണിക്കുന്നു. കുടല്‍ ക്യാന്‍സര്‍ ഉണ്ടാകാനുള്ള സാധ്യതയും ജങ്ക് ഫുഡുകള്‍
വര്‍ധിപ്പിക്കുന്നു എന്ന് പഠനങ്ങള്‍ പറയുന്നുണ്ട്.
കൃത്യ സമയത്ത് ആഹാരം
ദൈനംദിനം ആഹാരക്രമം മാത്രം ശ്രദ്ധിച്ചാല്‍ പോര അത് കഴിക്കുന്ന സമയവും ശ്രദ്ധിക്കണം. എല്ലാ ദിവസവും കൃത്യസമയത്ത് ഭക്ഷണം കഴിക്കാന്‍ ശ്രമിക്കണം. ക്രമരഹിതമായ ഭക്ഷണ സമയം ദഹനത്തെ വളരെയധികം ബാധിക്കും. അത്താഴ സമയങ്ങളില്‍ തിരക്കുകൂട്ടുകയോ ബുദ്ധിശൂന്യമായി ഭക്ഷണം കഴിക്കുകയോ ചെയ്യുന്നത് ഭക്ഷണത്തിന്റെ ഗുണനിലവാരത്തെയും അതുപോലെ തന്നെ അളവിനെയും ബാധിക്കുന്നു.
