ഓഫിസുകള്‍ പൂട്ടി മുദ്ര വയ്ക്കും, ബാങ്ക് അക്കൗണ്ടുകള്‍ മരവിപ്പിക്കും; പിഎഫ്‌ഐ നിരോധനത്തില്‍ ഉത്തരവ്
ഐഎസ് ബന്ധമടക്കം ആരോപിച്ചു കേന്ദ്ര ആഭ്യന്തര മന്ത്രാലയമാണ് പിഎഫ്ഐയെ നിരോധിച്ചത്. യുഎപിഎ മൂന്നാം വകുപ്പു പ്രകാരം അഞ്ചു വർഷത്തേക്കാണ് നിരോധന നടപടി. പോപ്പുലർ ഫ്രണ്ടിൻ്റെ എട്ട് അനുബന്ധ സംഘടനകളെയും നിരോധിച്ചു. റിഹാബ് ഇന്ത്യാ ഫൗണ്ടേഷൻ, കാമ്പസ് ഫ്രണ്ട് ഓഫ് ഇന്ത്യ, ഓൾ ഇന്ത്യ ഇമാംസ് കൗൺസിൽ, എൻസിഎച്ച്ആർഒ, നാഷണൽ വുമൺസ് ഫ്രണ്ട്, ജൂനിയർ ഫ്രണ്ട്, എംപവർ ഇന്ത്യാ ഫൗണ്ടേഷൻ എന്നീ സംഘടനകൾക്കുമാണ് നിരോധനം ഏർപ്പെടുത്തി കേന്ദ്രം ഉത്തരവിറക്കിയത്. പോപ്പുലർ ഫ്രണ്ടിനെ നിരോധിച്ചില്ലെങ്കിൽ രാജ്യസുരക്ഷയ്ക്ക് ഭീഷണിയാണെന്നും കേന്ദ്രം പുറപ്പെടുവിച്ച വിജ്ഞാപനത്തിൽ ചൂണ്ടിക്കാട്ടിയിരുന്നു.
പിഎഫ്ഐയുടെ ട്വിറ്റർ അക്കൗണ്ട്.
പോപ്പുലർ ഫ്രണ്ട് ഓഫ് ഇന്ത്യ പിരിച്ചുവിട്ടു, പ്രവർത്തനങ്ങൾ നിർത്താൻ നേതൃത്വത്തിൻ്റെ നിർദേശം
അതേസമയം കേന്ദ്ര സർക്കാർ നടപടിക്കെതിരെ പോപ്പുലർ ഫ്രണ്ടിൻ്റെ വിദ്യാർഥി സംഘടനയായ ക്യാമ്പസ് ഫ്രണ്ട് ഓഫ് ഇന്ത്യ രംഗത്തെത്തി. വിദ്യാർഥികൾക്കിടയിൽ ഒരു ദശാബ്ദമായി പ്രവർത്തിക്കുന്ന സംഘടനയാണ് ക്യാമ്പ് ഫ്രണ്ട് എന്നും ഭരണഘടനയ്ക്കും ജനാധിപത്യത്തിനും അനുസൃതമായാണ് പ്രവർത്തിച്ചുവന്നതെന്നും ക്യാമ്പസ് ഫ്രണ്ട് നേതൃത്വം പ്രസ്താവനയിൽ പറഞ്ഞു. സംഘടനയെ നിരോധിച്ചുകൊണ്ടുള്ള കേന്ദ്ര ആഭ്യന്തര മന്ത്രാലയത്തിൻ്റെ നടപടിയ്ക്കെതിരെ കോടതിയെ സമീപിക്കുമെന്നും നേതൃത്വം അറിയിച്ചു.
ക്യാമ്പസ് ഫ്രണ്ട് ഓഫ് ഇന്ത്യയുടെ പ്രസ്താവന.
സംഘടനയുടെ പ്രവർത്തനങ്ങൾ നിർത്തിവെക്കാനും അംഗങ്ങൾക്ക് നിർദേശമുണ്ട്. സമാനമായി പോപ്പുലർ ഫ്രണ്ട് ഓഫ് പിരിച്ചുവിട്ടതായി സംസ്ഥാന ജനറൽ സെക്രട്ടറി എ അബ്ദുൽ സത്താർ അറിയിച്ചിരിന്നു. അതിനിടെ, നിരോധനത്തിനു ശേഷമുള്ള തുടർനടപടികൾക്കു നിർദേശ നൽകി കേരളവും തമിഴ്നാടും ഉത്തരവിറക്കി.
Read Latest National News and Malayalam News
പോപ്പുലർ ഫ്രണ്ട് നേതാവിനെ എൻ ഐ എക്ക് കൈമാറി
