റിയാദ് > പുനരുപയോഗ ഊർജം ഉപയോഗിച്ച് വൈദ്യുതി ഉൽപ്പാദിപ്പിക്കുന്നതിനുള്ള അഞ്ച് പുതിയ പദ്ധതികൾ സൗദി എനർജി പ്രൊക്യുർമെന്റ് കമ്പനി പ്രഖ്യാപിച്ചു; ഊർജ മന്ത്രാലയത്തിന്റെ മേൽനോട്ടത്തിലുള്ള നാഷണൽ റിന്യൂവബിൾ എനർജി പ്രോഗ്രാമിന്റെ നാലാം ഘട്ടത്തിലാണ് ഈ പദ്ധതികൾ ഉൾപ്പെടുന്നത്. മൊത്തം 3,300 മെഗാവാട്ട് ശേഷിയുള്ള ഈ പദ്ധതികളിൽ മൂന്ന് കാറ്റാടി ഊർജ്ജ പദ്ധതികളും കൂടാതെ രണ്ട് സൗരോർജ്ജ പദ്ധതികളും ഉണ്ട്.
കാറ്റാടി ഊർജ ഉൽപ്പാദന പദ്ധതികളുടെ ആകെ ശേഷി 1800 മെഗാവാട്ട് ആണ്. അതിൽ 700 മെഗാവാട്ട് ശേഷിയുള്ള യാൻബുവിലെ ഒരു പദ്ധതിയും അൽ ഗാത്തിലെ 600 മെഗാവാട്ട് ശേഷിയുള്ള പദ്ധതിയും 500 മെഗാവാട്ട് ശേഷിയുള്ള വഅദ് അൽ ഷമാലിലെ ഒരു പദ്ധതിയും ഇതിൽപ്പെടുന്നു. സൗരോർജ്ജ ഉൽപ്പാദന പദ്ധതികളുടെ ശേഷി 1500 മെഗാവാട്ട് ആണ്, 1100 മെഗാവാട്ട് ശേഷിയുള്ള ഹനാകിയയിലെ ഒരു പ്രോജക്റ്റും, 400 മെഗാവാട്ട് ശേഷിയുള്ള തബർജാലിലെ ഒരു പദ്ധതിയിയും ഇതിന്റെ ഭാഗമാണ്.
പുനരുൽപ്പാദിപ്പിക്കാവുന്ന ഊർജ്ജ സ്രോതസ്സുകളിൽ നിന്ന് രാജ്യത്ത് വൈദ്യുതി ഉൽപ്പാദിപ്പിക്കുന്നതിനും ഓരോന്നിന്റെയും 50% വാതകത്തിന്റെ ഉപയോഗത്തിനും അനുയോജ്യമായ ഊർജ്ജ മിശ്രിതത്തിലെത്താൻ ഇതിലൂടെ സാധിക്കും. 2030 ഓടെ വൈദ്യുതി ഉൽപ്പാദിപ്പിക്കാൻ ഉപയോഗിക്കുന്ന ദ്രാവക ഇന്ധനങ്ങൾ മാറ്റിസ്ഥാപിച്ചു കൊണ്ട് “രാജ്യം 2030” എന്ന വിഷന്റെ ലക്ഷ്യങ്ങൾ കൈവരിക്കുമെന്നും കമ്പനി അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
