Authored by Samayam Desk | Samayam Malayalam | Updated: Sep 29, 2022, 2:21 PM
മതിയായ ചികിത്സ ലഭ്യമാക്കുന്നില്ലെന്ന് കുട്ടിയുടെ അമ്മ കരഞ്ഞുകൊണ്ട് പറയുകയായിരുന്നു. തുടര്‍ന്ന് ഡോ. റോഷന്‍ ജേക്കബ് ഡോക്ടര്‍ക്ക് നിര്‍ദ്ദേശം നല്‍കുന്നതും വീഡിയോയില്‍ കാണാം. സഹപ്രവര്‍ത്തകര്‍ക്ക് നിര്‍ദ്ദേശം നല്‍കുന്നതിനിടെ ഡോ. റോഷന്‍ ജേക്കബിന്റെ കണ്ണുനിറഞ്ഞൊഴുകുന്നതും സാരികൊണ്ട് കണ്ണ് തുടയ്ക്കുന്നതും വീഡിയോയിലുണ്ട്
ഹൈലൈറ്റ്:
- ലഖിംപൂർ ഖേരി വാഹനാപകടത്തിൽ പരുക്കേറ്റവരെ സന്ദർശിച്ച് ഉദ്യോഗസ്ഥ
- വൈറലായി മലയാളി ഐഎഎസ് ഉദ്യോഗസ്ഥയുടെ വീഡിയോ
- തിരുവനന്തപുരം സ്വദേശിയാണ് ഡോ. റോഷൻ ജേക്കബ്
ലഖ്‌നോ: ലഖിംപുര്‍ ഖേരിയില്‍ വാഹനാപകടത്തില്‍ ഉള്‍പ്പെട്ടവരെ സന്ദര്‍ശിക്കുന്നതിനിടെ കണ്ണീരണിയുന്ന മലയാളി ഐഎഎസ് ഉദ്യോഗസ്ഥയുടെ വീഡിയോ വൈറലാകുന്നു. ബസും ട്രക്കും കൂട്ടിയിടിച്ചുണ്ടായ അപകടത്തില്‍ പത്തോളം പേര്‍ക്ക് ജീവന്‍ നഷ്ടമാവുകയും 41 പേര്‍ക്ക് പരുക്കേല്‍ക്കുകയും ചെയ്തിരുന്നു. പരുക്കേറ്റവരെ സന്ദര്‍ശിക്കാന്‍ എത്തിയതായിരുന്നു ലഖ്‌നോ ഡിവിഷണല്‍ കമ്മീഷണര്‍ ഡോ. റോഷന്‍ ജേക്കബ്. അപകടത്തില്‍ ഗുരുതരമായി പരുക്കേറ്റ കുട്ടിയുടെ അമ്മ കരഞ്ഞുകൊണ്ട് കാര്യങ്ങള്‍ വിശദീകരിക്കുന്നതിനിടയിലാണ് ഉദ്യോഗസ്ഥയുടെയും കണ്ണുനിറയുന്നത്.
Read Latest National News and Malayalam News
മതിയായ ചികിത്സ ലഭ്യമാക്കുന്നില്ലെന്ന് കുട്ടിയുടെ അമ്മ കരഞ്ഞുകൊണ്ട് പറയുകയായിരുന്നു. തുടര്‍ന്ന് ഡോ. റോഷന്‍ ജേക്കബ് ഡോക്ടര്‍ക്ക് നിര്‍ദ്ദേശം നല്‍കുന്നതും വീഡിയോയില്‍ കാണാം. സഹപ്രവര്‍ത്തകര്‍ക്ക് നിര്‍ദ്ദേശം നല്‍കുന്നതിനിടെ ഡോ. റോഷന്‍ ജേക്കബിന്റെ കണ്ണുനിറഞ്ഞൊഴുകുന്നതും സാരികൊണ്ട് കണ്ണ് തുടയ്ക്കുന്നതും വീഡിയോയിലുണ്ട്. കുട്ടിയുടെ അമ്മ കൈകള്‍ കൂപ്പി നന്ദി പറയുന്നുണ്ട്. അവശനിലയില്‍ കാണപ്പെട്ട കുട്ടിയെ ആശ്വസിപ്പിച്ച ശേഷമാണ് റോഷന്‍ മടങ്ങുന്നത്.
നവജാത ശിശുവിനെ വിൽക്കാൻ ഓൺലൈൻ പരസ്യം; അമ്മ ഉൾപ്പെടെ 3 വനിതകൾ ജയിലിലായി, നാടു കടത്തും
തിരുവനന്തപുരം സ്വദേശിനിയായ റോഷന്‍ ജേക്കബ് 2004 ബാച്ച് ഐഎഎസ് ഉദ്യോഗസ്ഥയാണ്. നേരത്തെ കനത്ത മഴയില്‍ ലഖ്‌നോ വെള്ളക്കെട്ടിലായപ്പോള്‍ പ്രശ്‌നബാധിത പ്രദേശങ്ങള്‍ സന്ദര്‍ശിച്ച് വിവരങ്ങള്‍ ചോദിച്ചറിയുന്ന റോഷന്‍ ജേക്കബിന്റെ വീഡിയോയും വൈറലായിരുന്നു.
കണ്‍സഷനില്ല, ചോദ്യം ചെയ്തതിന് വിദ്യാര്‍ഥികളെ പാതിവഴിയില്‍ ഇറക്കി വിട്ട് സ്വകാര്യ ബസ്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
