ഉറങ്ങുന്നതിനിടെ വളർത്തുനായ മുഖത്ത് ‘കാര്യം സാധിച്ചു’ കഴിഞ്ഞാൽ എങ്ങനെയിരിക്കും. അത്തരത്തിൽ ഒരു ദുരനുഭവമാണ് ഇംഗ്ലണ്ടിലെ ബ്രിസ്റ്റോളിയിലുള്ള അമ്പത്തിയൊന്നുകാരിയായ അമാൻഡ ഗൊമ്മോയ്ക്ക് ഉണ്ടായത്.
പതിവ് ഉച്ചമയക്കത്തിനിടെയാണ് അമാൻഡ ഗൊമ്മോയ്ക്ക് ഇങ്ങനെയൊരു സംഭവം നേരിടേണ്ടി വന്നത്. സാധാരണയായി ഉറങ്ങുമ്പോഴും വളർത്തുനായ കിടപ്പുമുറിയിൽ വരാറുണ്ട്. സംഭവദിവസവും ഇങ്ങനെ തന്നെയായിരുന്നു നടന്നത്.
ഗാഡനിദ്രയ്ക്കിടെ വായ്ക്കുള്ളിൽ എന്തോ ഉള്ളതുപോലെ അനുഭവപ്പെട്ടു. ഉടൻ തന്നെ ശുചിമുറിയിൽ പോയി തുപ്പുകയും വായകഴുകുകയും ചെയ്തു. എന്നാൽ, അപ്പോഴും എന്താണ് സംഭവിച്ചത് എന്ന് അവർക്ക് മനസ്സിലായിരുന്നില്ല. പിന്നീട്, ഉറക്കച്ചടവ് മാറിയപ്പോഴാണ് എന്താണ് സംഭവിച്ചത് എന്ന് വ്യക്തമാക്കിയത്.
Also Read : പുലർച്ചെ പതുങ്ങിയെത്തും; മുൻ ഭാര്യയുടെ കല്ലറയിൽ മൂത്രമൊഴിക്കും; അടങ്ങാത്ത പക; ഒടുവിൽ പിടിയിൽ
തന്റെ വളർത്ത് നായക്ക് അസാധാരണമായ നിലയിൽ വയറിളക്കം ഉണ്ടായതാണ് പ്രശ്നങ്ങളുടെ പ്രധാന കാരണം. ഉറക്കത്തിനിടെ അറിയാതെ വായ തുറന്നതാണ് അമാൻഡയ്ക്ക് പറ്റിയ അബദ്ധം. ഈ സമയത്ത് ഇവരുടെ മുഖത്ത് മലവിസർജ്ജനം നടത്തുകയായിരുന്നു.
ഇതോടെ അറപ്പ് കൂടുകയും ആകെ ബുദ്ധിമുട്ട് അനുഭവപ്പെടുകയുമായിരുന്നു. സംഭവം അറിഞ്ഞതോടെ മകൻ അമ്മയെ ഷവറിന് കീഴിൽ നിർത്തുകയും ചെയ്തു.
എന്നാൽ, വൈകാതെ തന്നെ അമാൻഡയ്ക്ക് വയറിന് വേദന അനുഭവപ്പെടുവാൻ തുടങ്ങി. ഉടൻ തന്നെ ആശുപത്രിയിലേക്ക് പോകുകയും ചികിത്സ തേടുകയും ചെയ്തു. തൽക്കാലം ഇത് മാറുന്നതിനുള്ള മരുന്ന് കഴിക്കുന്നതിന് ഡോക്ടർ നിർദ്ദശം നൽകി.
എന്നാൽ, ഈ മരുന്നുകൾ കഴിച്ചിട്ടും ആശ്വാസം ലഭിക്കാതെ വന്നതോടെ ആശുപത്രിയിൽ പ്രവേശിപ്പിച്ചു. പിന്നീട്, മൂന്ന് ദിവസത്തോളം ആശുപത്രിയിൽ തീവ്രപരിചരണ വിഭാഗത്തിൽ നിരീക്ഷണത്തിൽ കഴിയുകയായിരുന്നു.
നായയിലൂടെ സ്ത്രീയുടെ വയറിനകത്ത് അണുബാധ ഉണ്ടാകുകയായിരുന്നു. ഇതാണ് വേദനയ്ക്ക് കാരണമായത്. ആശുപത്രിയിൽ കിടന്നുള്ള ചികിത്സയ്ക്ക് ശേഷം രോഗം ഭേദമാകുകയും വീട്ടിലേക്ക് മടങ്ങുകയുമായിരുന്നു.
കണ്‍സഷനില്ല, ചോദ്യം ചെയ്തതിന് വിദ്യാര്‍ഥികളെ പാതിവഴിയില്‍ ഇറക്കി വിട്ട് സ്വകാര്യ ബസ്
