1. ബേക്കിംഗ് സോഡ ഉപയോഗിച്ച് വൃത്തിയാക്കി എടുക്കാം
പാത്രം വൃത്തിയാക്കി എടുക്കാന്‍ ഏറ്റവും നല്ല മാര്‍ഗ്ഗമാണ് ബേക്കിംഗ് സോഡ ഉപയോഗിക്കുക എന്നത്. വളരെ വേഗത്തില്‍ പാത്രങ്ങളിലെ കറ മാറ്റിയെടുക്കാന്‍ ഇത് സഹായിക്കുന്നതാണ്. ഇത് തയ്യാറാക്കുന്നതിനായി ഹൈഡ്രജന്‍ പെറോക്‌സൈഡ്, സോപ്പ് ലിക്വിഡ് എന്നിവ അനിവാര്യമാണ്. ഇത് എങ്ങിനെയാണ് തയ്യാറാക്കേണ്ടത് എന്ന് നോക്കാം.
ഇതിനായി ആദ്യം തന്നെ ഹൈഡ്രജന്‍ പെറോക്‌സൈഡും ബേക്കിംഗ് സോഡയും തമ്മില്‍ നന്നായി മിക്‌സ് ചെയ്ത് പേസ്റ്റ് പരുവത്തില്‍ ആക്കുക. ഇതിലേയ്ക്ക് കുറച്ച് സോപ്പ് ലിക്വിഡ് ചേര്‍ക്കാവുന്നതാണ്. ഇവ നന്നായ മിക്‌സ് ചെയ്തതിനുശേഷം നല്ല സ്‌ക്രബര്‍ ഉപയോഗിച്ച് പാത്രത്തിന്റെ അടിഭാഗത്ത് ഇത് തേച്ച് നന്നായി ഉരയ്ക്കാവുന്നതാണ്. ഇത് നല്ലപോലെ വട്ടത്തിലായിരിക്കണം ഈ മിശ്രിതം തേച്ച് പിടിപ്പിക്കാന്‍. തേച്ച് പിടിപ്പിച്ചതിന് ശേഷം ഒരു 30 മിനിറ്റ് ഇത് വയ്ക്കുക. അതിനുശേഷം സ്‌ക്രബ് ചെയ്ത് എടുക്കാവുന്നതാണ്. ഇത് ഉരച്ച് എടുക്കുന്നതിന് ടൂത്ത് ബ്രഷ് ഉപയോഗിക്കുന്നതും നല്ലതായിരിക്കും. നല്ല വൃത്തിയില്‍ പാത്രം ക്ലീന്‍ ആക്കി എടുക്കാന്‍ ഇത് സഹായിക്കുന്നതാണ്.
പാത്രത്തില്‍ ബേക്കിംഗ് സോഡ മിശ്രിതം തേച്ച് പിടിപ്പിക്കുന്നതിന് മുന്‍പേ പാത്രത്തിന്റെ അടിഭാഗം വിനാഗിരിയില്‍ മുക്കി വയ്ക്കുന്നത് നല്ലതായിരിക്കും. ഇത് വേഗത്തില്‍ കറ ഇളകി പോകുവാന്‍ സഹായിക്കും.
2. ഉപ്പും വിനാഗിരിയും ചേര്‍ത്ത് കറകള്‍ മാറ്റി എടുക്കാം
ഉപ്പ് ഉപയോഗിച്ച് പാത്രങ്ങള്‍ വൃത്തിയാക്കുമ്പോള്‍ ശ്രദ്ധിക്കേണ്ട പ്രധാനപ്പെട്ട കാര്യങ്ങളില്‍ ഒന്നാണ് സ്‌ക്രാച്ച് വീഴാതെ ശ്രദ്ധിക്കുക എന്നത്. ചില ഫ്രയിംഗ് പാനിന്റെ ചുവട്ടിലും കോട്ടിംഗ് കാണാം. അതിനാല്‍ ശ്രദ്ധിച്ച് വേണം ഉപയോഗിക്കാന്‍. ഈ മിശ്രിതം തയ്യാറാക്കും മുന്‍പ് നിങ്ങളുടെ പാന്‍ വിനാഗിരിയില്‍ മുക്കി വയ്ക്കുന്നത് നല്ലതാണ്. അതിനുശേഷം പാനിന്റെ അടിഭാഗത്ത് ഉപ്പ് പുരട്ടാം. ഒപ്പം കുറച്ച് സോപ്പ് ലിക്വിഡ് ഒഴിക്കുന്നതും നല്ലതാണ്. അതിനുശേഷം ഇത് നന്നായി ഉരച്ച് കഴുകാവുന്നതാണ്. ഉപ്പ് കൂടുതല്‍ ആവശ്യമെങ്കില്‍ വീണ്ടും ചേര്‍ക്കുക. ഉപ്പ് ചേര്‍ക്കുന്നതിന് അനുസരിച്ച് സോപ്പും ചേര്‍ക്കാന്‍ മറക്കരുത്.
3. വീട്ടില്‍ ഓവന്‍ ക്ലീനര്‍ ഉണ്ടെങ്കില്‍ ഈ വിദ്യ പ്രയോഗിക്കാം
ഇത് അത്രയ്ക്കും നാച്വറല്‍ മെത്തേഡ് അല്ലെങ്കിലും നിങ്ങളുടെ വീട്ടില്‍ ഓവന്‍ ക്ലീനര്‍ ഉണ്ടെങ്കില്‍ വീ വിദ്യ പയറ്റി നോക്കാവുന്നതാണ്. ഇതിനായി എന്ത് ചെയ്യണം എന്ന് നോക്കാം. നിങ്ങളുടെ ഓവന്‍ ക്ലീന്‍ ചെയ്യാന്‍ ഉപയോഗിക്കുന്ന ക്ലീനര്‍ പാത്രത്തിന്റെ പുറകിലായി പുരട്ടുക. ഇത് കുറച്ച് നേരം അങിങിനെ തന്നെ വയ്ക്കണം. പറ്റാണെങ്കില്‍ രാത്രിയില്‍ മൊത്തം ആ ലോഷന്‍ പുരട്ടി വയ്ക്കാം. പിറ്റേന്ന് ഇത് എടുത്ത് നന്നായി സ്‌ക്രബ് ചെയ്ത് എടുക്കുക. നല്ല ചൂടുവെള്ളത്തില്‍ ഇത് കഴുകി കളഞ്ഞ് തുടച്ച് എടുക്കാവുന്നതാണ്.
4. കെച്ചപ്പ് കഴിക്കാന്‍ മാത്രമല്ല ക്ലീന്‍ ആക്കാനും ഉപയോഗിക്കാം
കെച്ചപ്പ് ഉപയോഗിച്ചാല്‍ പാത്രം ക്ലീന്‍ ആക്കി എടുക്കാന്‍ സാധിക്കുമോ എന്ന സംശയം മിക്കവരിലും ഉണ്ടായിരിക്കും. എന്നാല്‍, കുറച്ച് സമയം ഇത് തേച്ച് പാത്രങ്ങള്‍ വെച്ചാല്‍ല പാത്രങ്ങള്‍ നല്ല വൃത്തിയില്‍ ക്ലീന്‍ ആക്കി എടുക്കാന്‍ സാധിക്കും എന്നതാണ് സത്യാവസ്ഥ. ഇതിനായി പാനിന്റെ അടിഭാഗത്ത് നന്നായി കെച്ചപ്പ് പുരട്ടണം. ഇത് കുറച്ച് സമയം ഇതുപോലെ ഇരിക്കാന്‍ അനുവദിക്കണം.അ ത്യാവശ്യം കുറച്ച് മണിക്കൂര്‍ തന്നെ വയ്ക്കണം. പിന്നീട്, ഇതിലേയ്ക്ക് കുറച്ച് സോപ്പ് ലിക്വിഡും ചേര്‍ത്ത് നിങ്ങള്‍ക്ക് ഉരച്ച് കഴുകി എടുക്കാവുന്നതാണ്.
5. പാത്രങ്ങളുടെ അടിയില്‍ കറ പിടിക്കാതിരിക്കാന്‍ ചെയ്യേണ്ട കാര്യങ്ങള്‍
പാത്രങ്ങളുടെ അടിയില്‍ കറപിടിച്ചാല്‍ ഇവ പെട്ടെന്ന് കഴുകി കളയാതിരിക്കും തോറുമാണ് ഇവ കട്ടിപ്പിടിച്ച് ഒട്ടും പോകാത്ത വിധത്തില്‍ ഇരിക്കുന്നത്. ഇത്തരം പ്രശ്‌നം കുറയ്ക്കാന്‍ ഏറ്റവും നല്ലമാര്‍ഗ്ഗം പാത്രത്തിന്റെ അടിയില്‍ കറപിടിച്ചു എന്ന് കണ്ടാല്‍ ഇവ അപ്പോള്‍ തന്നെ കഴുകി വൃത്തിയാക്കുന്നതാണ്. വേഗത്തില്‍ വൃത്തിയാക്കിയാല്‍ പാത്രങ്ങള്‍ അത്രയ്ക്കും മനോഹരമാക്കിനിങ്ങള്‍ക്ക് സൂക്ഷിക്കാന്‍ സാധിക്കുന്നതാണ്.
അതുപോലെ, പാത്രങ്ങളില്‍ കറ പടിച്ചു എന്ന് കണ്ടാല്‍ കുറച്ച് ചൂടുള്ള വെള്ളത്തില്‍ സോപ്പ് ലിക്വിഡ് ചേര്‍ത്ത് ഇളക്കി ഇതിലേയ്ക്ക് പാത്രങ്ങള്‍ മുക്കി വയ്ക്കാവുന്നതാണ്. ഇത് പാത്രങ്ങളിലെ കറ മാറ്റിയെടുക്കാന്‍ സഹായിക്കുന്നുണ്ട്. അതുപോലെ, അത്യാവശ്യം നല്ല രീതിയില്‍ ഉരച്ച് കഴുകുന്നതും പാത്രങ്ങളില്‍ കറ പിടിക്കാതിരിക്കാന്‍ സഹായിക്കുന്നതാണ്.
