സ്വർണക്കടത്ത് കേസ്: യുഎപിഎ നിലനിൽക്കില്ലന്ന് സ്വപ്ന സുരേഷ്, ജാമ്യം തേടി ഹൈക്കോടതിയിൽ

കൊച്ചി: നയതന്ത്ര ചാനലിലൂടെ സ്വർണം കടത്തിയെന്ന കേസിൽ ദേശീയ അന്വേഷണ ഏജൻസി (എൻഐഎ) രജിസ്റ്റർ ചെയ്ത കേസിൽ ജാമ്യം നൽകണമെന്ന് ആവശ്യപ്പെട്ട് സ്വപ്ന സുരേഷ് ഹൈക്കോടതിയെ സമീപിച്ചു. തനിക്കെതിരെ യുഎപിഎ നിലനിൽക്കില്ല. സ്വർണക്കടത്ത് കേസിലെ വിചാരണ നീളുകയാണ്. വിചാരണ എന്ന് ആരംഭിക്കുമെന്ന് പോലും വ്യക്തമല്ലെന്നും ജാമ്യാപേക്ഷയിൽ ചൂണ്ടിക്കാട്ടുന്നു.



സ്വന്തം എംഎല്‍എയുടെ പേര് അറിയില്ലെന്ന് പറഞ്ഞാൽ ആ കുട്ടിയെ ഉമ്മവെക്കുകയാണോ വേണ്ടത്? മുകേഷിനെ പിന്തുണച്ച് ശ്രീധരൻപിള്ള

ജാമ്യം നിഷേധിച്ച എൻഐഎ പ്രത്യേക കോടതി ഉത്തരവ് ചോദ്യം ചെയ്താണ് സ്വപ്ന സുരേഷ് ഹൈക്കോടതിയെ സമീപിച്ചത്. സ്വർണക്കടത്ത് കേസിൽ തനിക്കെതിരെ തെളിവില്ല. മാസങ്ങളായി ജയിലിൽ കഴിയുന്നതിനാൽ തനിക്ക് ജാമ്യം അനുവദിക്കണമെന്നും ഹർജിയിൽ സ്വപ്ന സുരേഷ് പറയുന്നുണ്ട്.

2020 ജൂലൈ അഞ്ചിന് നയതന്ത്ര ചാനൽ മാർഗം യുഎഇ കോൺസുലേറ്റിലേക്ക് എത്തിയ 30 കിലോ സ്വർണം കസ്റ്റംസ് പിടികൂടിയത്. കേസ് അന്വേഷണം ആരംഭിച്ചതിന് പിന്നാലെ കോൺസുലേറ്റിലെ മുൻ പിആർഒ സരിത് ആദ്യം അറസ്റ്റിലായി. ജൂലൈ 12നാണ് സ്വപ്നയും സന്ദീപ് നായരും എൻഐഎയുടെ പിടിയിലായത് അറസ്റ്റിലായതും.

റദ്ദാക്കിയ വിവാദ ഐടി നിയമം ഉപയോഗിച്ച് ഇപ്പോഴും കേസുകള്‍; കേന്ദ്രത്തോട് വിശദീകരണം ചോദിച്ച് കോടതി

അതേസമയം, സ്വർണക്കടത്ത് കേസിൽ കേന്ദ്ര ഏജൻസികളുടെ അന്വേഷണം എങ്ങും എത്തിയിട്ടില്ല. 53 പേരെ പ്രതികളാക്കി കാരണം കാണിക്കൽ നോട്ടീസ് അയച്ച കസ്റ്റംസിന് വിദേശത്തുള്ള പ്രതികളിലേക്കോ യുഎഇ കോൺസുലേറ്റ് ഉദ്യോഗസ്ഥരിലേക്ക് അന്വേഷണം എത്തിക്കാൻ കഴിഞ്ഞിട്ടില്ല. തീവ്രവാദബന്ധം അന്വേഷിക്കാൻ എത്തിയ എൻഐഎ മുഖ്യപ്രതിയെവരെ മാപ്പുസാക്ഷിയാക്കി കുറ്റപത്രം സമർപ്പിച്ചു എന്ന പ്രത്യേകതയുമുണ്ട്. തെളിവുകൾ എവിടെ എന്ന ചോദ്യവും അന്വേഷണ സംഘം ഇ.ഡി കോടതിയിൽ നിന്ന് നേരിടുന്നുണ്ട്.