മുഖക്കുരുവിന്റെ പാടുകൾ അകറ്റാൻ ചില സൂപ്പർ വിദ്യകൾ ഇതാ

കറുത്ത പാടുകൾ, വടുക്കൾ, മുഖക്കുരു മൂലം ഉണ്ടാകുന്ന കുഴികൾ എന്നിവയൊക്കെ മുഖത്തെ ഏറ്റവും സാധാരണമായ പാടുകളാണ്. മുഖക്കുരു ചർമ്മത്തിൽ ചെറിയ കുഴികളും ഇരുണ്ട പാടുകളും അവശേഷിപ്പിക്കുന്നു. ചർമ്മ കോശങ്ങളുടെ നാശം മൂലം കുഴികൾ ഉണ്ടാകുന്നതിനാൽ ഇവ നീക്കം ചെയ്യാൻ പ്രയാസമാണ്. ഇത്തരത്തിലുള്ള പാടുകളുടെ ഫലമായി മുഖത്തിന്റെ ഭംഗി നഷ്ടമാകുകയും ചെയ്യുന്നു. മുഖക്കുരുവും പാടുകളും അകറ്റുവാൻ ഫലപ്രദമായ ചില വീട്ടുവൈദ്യങ്ങളുണ്ട്. തീർച്ചയായും, മുഖക്കുരു കുറഞ്ഞുകഴിഞ്ഞാൽ അവയുടെ വടുക്കൾ നീക്കം ചെയ്യുന്നതിനായി ഈ പ്രകൃതിദത്ത പരിഹാരങ്ങൾ ഉപയോഗിക്കാം.



അരിപ്പൊടി സ്‌ക്രബ്, ആഴ്ചയിൽ രണ്ടുതവണ



മുഖക്കുരു, പാടുകൾ എന്നിവ നീക്കം ചെയ്യുവാൻ ആഴ്ചയിൽ രണ്ടുതവണ ഫേഷ്യൽ സ്‌ക്രബ് ഉപയോഗിക്കുക. അരി പൊടിയും തൈരും ഒരു നുള്ള് മഞ്ഞളും ചേർത്ത് ഇളക്കുക. ഇത് മുഖത്ത് പുരട്ടി ചെറിയ വൃത്താകൃതിയിലുള്ള ചലനങ്ങൾ ഉപയോഗിച്ച് ചർമ്മത്തിൽ സൗമ്യമായി തടവുക, പ്രത്യേകിച്ച് മുഖക്കുരു ഉള്ള സ്ഥലങ്ങളിൽ. എന്നിട്ട് അഞ്ച് മിനിറ്റ് നേരം വച്ചതിനു ശേഷം വെറും വെള്ളത്തിൽ മുഖം കഴുകുക.

ഓട്സ് ഫെയ്സ് മാസ്ക്



ആഴ്ചയിൽ രണ്ടുതവണ ഓട്‌സ് ഉപയോഗിച്ച് തയ്യാറാക്കുന്ന ഫെയ്‌സ് മാസ്ക് ഉപയോഗിക്കാം. 3 ടീസ്പൂൺ ഓട്‌സ്, മുട്ടയുടെ വെള്ളയും ഒരു ടീസ്പൂൺ വീതം തൈരും തേനുമായി കലർത്തുക. കണ്ണുകൾക്ക് ചുറ്റുമുള്ള പ്രദേശവും ചുണ്ടുകളും ഒഴിവാക്കിക്കൊണ്ട് മുഖത്ത് ബാക്കിയുള്ള ഭാഗങ്ങളിൽ ഇത് പുരട്ടുക. അരമണിക്കൂറിനുശേഷം കഴുകുക. ഉണക്കി പൊടിച്ച നാരങ്ങ, ഓറഞ്ച് തൊലികൾ അല്ലെങ്കിൽ ബദാം അരച്ചത് എന്നിവയും ഈ കൂട്ടിലേക്ക് ചേർക്കാം.

ബ്ലാക്‌ഹെഡ്സ് നീക്കാൻ പരിഹാരം ഓട്സ് കൊണ്ട്!

തൈര്

ഈ മേൽപ്പറഞ്ഞ ചികിത്സാരീതികൾ പിന്തുടർന്ന ശേഷം മുഖം വരണ്ടതായി തോന്നുകയാണെങ്കിൽ, രണ്ട് ടീസ്പൂൺ തൈര് എടുത്ത് ഒരു നുള്ള് മഞ്ഞൾ ചേർത്ത് മുഖത്ത് ദിവസവും പുരട്ടുക, 15 മിനിറ്റിനു ശേഷം ഇത് കഴുകുക. ഇത് ചർമ്മത്തെ മൃദുവാക്കുക മാത്രമല്ല, മുഖക്കുരുവും അടയാളങ്ങളും നീക്കം ചെയ്യാനും സഹായിക്കുന്നു.

പാടുകൾ കുറയ്ക്കാൻ നാരങ്ങ നീര്



വടുക്കൾ കുറയ്ക്കാൻ നാരങ്ങ നീര് സഹായിക്കുന്നു. കുറച്ച് തുള്ളി തേൻ നാരങ്ങ നീരുമായി ചേർത്ത് പാടുകളിൽ പുരട്ടുക. ഇത് ഒരു കോട്ടൺ പഞ്ഞി അല്ലെങ്കിൽ പെയിന്റ് ബ്രഷ് ഉപയോഗിച്ച് പ്രയോഗിക്കാം. പുരട്ടിയ ശേഷം 10 മിനിറ്റ് വിടുക, അതുകഴിഞ്ഞ് വെള്ളത്തിൽ കഴുകുക. നാരങ്ങ നീര് പുരട്ടിയതിനു ശേഷം സൂര്യപ്രകാശം ഏൽക്കുന്നത് ഒഴിവാക്കുക.

ഇത് കൂടാതെ നാരങ്ങ നീര് ഒരു ടീസ്പൂൺ കറ്റാർ വാഴ ജെല്ലുമായി കലർത്താം. കറ്റാർ വാഴ മുഖത്തെ പാടുകൾ കുറയ്ക്കുന്നതിനും ചർമ്മത്തിന്റെ ഘടന മെച്ചപ്പെടുത്തുന്നതിനും സഹായിക്കുന്നു. വാസ്തവത്തിൽ, കറ്റാർ വാഴ ജെൽ അല്ലെങ്കിൽ അതിന്റെ ജ്യൂസ് മുഖക്കുരുവിന്റെ പാടുകളിൽ നേരിട്ട് പുരട്ടാം, കാരണം ഇത് വടുക്കളുടെ ടിഷ്യുകളെ സുഖപ്പെടുത്തും. നിങ്ങൾക്ക് കറ്റാർ വാഴ ചെടിയിൽ നിന്ന് നേരിട്ട് പൾപ്പ് എടുത്ത് ഉപയോഗിക്കാം, അല്ലെങ്കിൽ കടകളിൽ നിന്ന് വാങ്ങാൻ ലഭിക്കുന്ന കറ്റാർ വാഴ ജെൽ പ്രയോഗിക്കാം. ചെടിയിൽ നിന്ന് നേരിട്ട് വേർതിരിച്ചെടുക്കുന്ന ജെൽ ചർമ്മത്തിൽ നേരിട്ട് ഉപയോഗിക്കുമ്പോൾ, നന്നായി കഴുകിയതിന് ശേഷം മാത്രം ഉപയോഗിക്കുക.

ഈ പ്രശ്നങ്ങൾ അകറ്റാൻ വേപ്പില മുഖത്ത് ഇങ്ങനെ അരച്ചിടാം

പഴങ്ങൾ

പഴങ്ങൾ ചേർത്ത് തയ്യാറാക്കുന്ന ഫ്രൂട്ട് മാസ്കുകളും ചർമ്മത്തിലെ ഇരുണ്ട അടയാളങ്ങളെ അകറ്റാൻ സഹായിക്കുന്നു. പഴുത്ത പപ്പായ പൾപ്പ് വെള്ളരിക്ക അരച്ചത്, തക്കാളി പൾപ്പ്, ഓറഞ്ച് എന്നിവയുമായി ചേർത്ത് ഇളക്കുക. ഈ കൂട്ട് ദിവസവും മുഖത്ത് പുരട്ടി അരമണിക്കൂറിനു ശേഷം കഴുകുക. ഇത് ചർമ്മത്തിന്റെ നിറം വർദ്ധിപ്പിക്കുക മാത്രമല്ല, ചർമ്മത്തെ പുനരുജ്ജീവിപ്പിക്കുകയും നിർജ്ജീവമായ എപ്പിത്തീലിയൽ കോശങ്ങളെ നീക്കം ചെയ്യുകയും ചെയ്യുന്നു.

സോഡ പൊടി



ബൈകാർബണേറ്റ് ഓഫ് സോഡയും (ബേക്കിംഗ് സോഡ) അല്പം വെള്ളവും ചേർത്ത് പേസ്റ്റ് ഉണ്ടാക്കി പാടുകളുള്ള സ്ഥലങ്ങളിൽ ദിവസവും പുരട്ടുക. 5 മിനിറ്റ് വിടുക, ശേഷം വെള്ളം ഒഴിച്ച് മുഖം കഴുകുക.