പലപ്പോഴും നാം സ്‌കാനിംഗിലും മറ്റും ബള്‍ക്കി യൂട്രസ് എന്നു കാണാറുണ്ട്. ഇത് എന്താണെന്ന കാര്യത്തില്‍ പലര്‍ക്കും സംശയം കാണും. ഈ വാക്ക് പലപ്പോഴും പലരേയും ഭയപ്പെടുത്തും. പേരു സൂചിപ്പിയ്ക്കുന്നതു പോലെ സാധാരണയില്‍ നിന്നും അല്‍പം വലുതായ യൂട്രസിനേയാണ് ഈ അവസ്ഥ കൊണ്ട് ഉദ്ദേശിയ്ക്കുന്നത്. ഇത്തരം സ്‌കാന്‍ റിപ്പോര്‍ട്ട് കണ്ടാല്‍ ഇത് എന്തെങ്കിലും രോഗമാണോ എന്നു ഭയപ്പെടുന്നവരുണ്ട്. എന്നാല്‍ ഇത് പല കാരണങ്ങളാലും ഉണ്ടാകാം. ശ്രദ്ധ വേണ്ട സന്ദര്‍ഭങ്ങളും ഇത് കാര്യമായി എടുക്കേണ്ടാത്ത സന്ദര്‍ഭങ്ങളുമെല്ലാമുണ്ട്. ബള്‍ക്കി യൂട്രസിന്റെ കാരണം തന്നെയാണ് ഇത് ഗൗരവമാണോ അതോ അല്ലയോ എന്നതു തീരുമാനിയ്ക്കുന്നതും.

യൂട്രസ്

നമ്മുടെ യൂട്രസ് പെയര്‍ എന്ന ഫലത്തിന്റെ ആകൃതിയില്‍ ഉള്ളതാണ്. ഇതിന്റെ സൈസ്, അതായത് ഹൈറ്റ്, വിഡ്ത്ത്, ഡെപ്ത്ത് എന്നിവ 7.5*43.5*,3.5 സെന്റീമീറ്ററാണ്. ഇതില്‍ ലേശം അങ്ങോട്ടുമിങ്ങോട്ടും വ്യത്യാസം വരും. സാധാരണ പ്രസവിയ്ക്കാത്ത, അതു പോലെ മുഴകള്‍ പോലെയില്ലാത്തവ ഇല്ലാത്ത യൂട്രസ് സൈസ് ഇതാണ്. പ്രസവ ശേഷവും അതു പോലെ ഏതെങ്കിലും മുഴയോ മറ്റോ ഉണ്ടെങ്കില്‍ അതു മാറ്റിയ ശേഷവും യൂട്രസ് ആദ്യത്തെ ആദ്യഅവസ്ഥയിലേക്കു തിരിച്ചു വരുന്നില്ല. പ്രത്യേകിച്ചും പ്രസവ ശേഷം ചുരുങ്ങുമ്പോള്‍ അല്‍പം ബല്‍ക്കി ആകും. ഇത് കൂടുതല്‍ തവണ ഗര്‍ഭധാരണം നടക്കുന്നുവെങ്കില്‍.

മുഴകള്‍

ഇതു പോലെ മുഴകള്‍ പോലുളളവ ഉണ്ടെങ്കില്‍ ഇവ നീക്കം ചെയ്താലും അല്‍പം ബള്‍ക്കി ആയി തന്നെ ഇരിയ്ക്കും. പ്രസവമെല്ലാം കഴിഞ്ഞ ശേഷം ഇത്തരം യൂട്രസ് എങ്കില്‍ ഇതെക്കുറിച്ച് ആശങ്കപ്പെടേണ്ടതില്ല. ഫൈബ്രോയ്ഡ് പോലുള്ള അവസ്ഥകളില്‍ ഇത് ബ്ലീഡിംഗ്, വയറിന് ബുദ്ധിമുട്ട്, വേദന തുടങ്ങിയ അവസ്ഥകളെങ്കില്‍ ഈ പ്രശ്‌നം കാരണം വരുന്ന ബള്‍ക്കി യൂട്രസിന്റെ ഇത്തരം പ്രശ്‌നങ്ങളുണ്ടാക്കുന്ന ഭാഗം എടുക്കു മാറ്റേണ്ടി വരും. എന്‍ഡോമെട്രെിയോസിസിന്റെ ചില അവസ്ഥകളിലും ഇതുണ്ടാകാം. ഇതു പോലെ യൂട്രസിനുള്ളിലെ ക്യാന്‍സറും ചിലപ്പോള്‍ ഇത്തരം അവസ്ഥകള്‍ക്ക് കാരണമാകും.

അഡിനോമയോസിസ്

ഇതല്ലാതെ അഡിനോമയോസിസ് എന്ന ഒരു അവസ്ഥയും ഇത്തരം യൂട്രസ് ബള്‍ക്കിയാകുന്നതിന് കാരണമാകും. ഇത് സാധാരണ ഗതിയില്‍ കുട്ടികളുള്ള സ്ത്രീകളില്‍ 30നു ശേഷം കണ്ടു വരുന്ന അവസ്ഥയാണ്. സിസേറിയന്‍ നടന്നവരിലും യൂട്രസ് സര്‍ജറി നടന്നവരിലും ഇതുണ്ടാകാന്‍ സാധ്യത ഏറെയാണ്. ഇത്തരം അവസ്ഥയിലും ബള്‍ക്കി യൂട്രസ് ഉണ്ടാകാന്‍ സാധ്യത ഏറെയാണ്. നീണ്ടു നില്‍ക്കുന്ന ആര്‍ത്തവ രക്തസ്രാവം, കഠിനമായ ആര്‍ത്തവ വേദന, ബന്ധപ്പെടുന്ന സമയത്തുണ്ടാകുന്ന വേദന എന്നിവ ഇതിന്റെ ലക്ഷണമായി വരുന്നു.

ബള്‍ക്കി യൂട്രസിന്റെ കാരണം

ഇതിനാല്‍ തന്നെ ബള്‍ക്കി യൂട്രസിന്റെ കാരണം അറിഞ്ഞു വേണം, ചികിത്സ ചെയ്യാന്‍. പ്രസവ ശേഷം ഇതെങ്കില്‍ ഇത് കാര്യമായി എടുക്കേണ്ടതില്ല. ഫൈബ്രോയ്ഡുകളെങ്കില്‍ ഇത് ബുദ്ധിമുട്ടുകളുണ്ടാക്കുന്നുവെങ്കില്‍ ഇതനുസരിച്ച് ചികിത്സ വേണം. ഇത്തരം ബുദ്ധിമുട്ടുകളില്ലെങ്കില്‍ ഇതിന്റെ ആവശ്യം വരില്ല. ക്യാന്‍സര്‍ പോലുളള അവസ്ഥകളിലും ഇതിന് ചികിത്സ വേണ്ടി വരും. ബള്‍ക്കി യൂട്രസ് അവസ്ഥയ്ക്കു കാരണം എന്തെന്നറിഞ്ഞാല്‍ മാത്രമേ ഇതിനായി ചികിത്സ ആവശ്യമോയെന്നും അറിയാന്‍ സാധിയ്ക്കൂ. ദിവസവും 4 വാള്‍നട്ട് കഴിച്ചാല്‍….