സമൂഹമാധ്യമങ്ങളിൽ പ്രചരിച്ച ദൃശ്യങ്ങൾ കണ്ട ശേഷമാണ് കോടതിയുടെ നടപടി. ജസ്റ്റിസ് അനിൽ കെ നരേന്ദ്രൻ, ജസ്റ്റിസ് പി ജി അജിത്ത് കുമാർ എന്നിവർ ഉൾപ്പെട്ട ഡിവിഷൻ ബെഞ്ചാണ് കേസെടുത്തത്. മോട്ടോർ വാഹന വകുപ്പ് അധികൃതരോടും പോലീസിനോടും ടൂറിസ്റ്റ് ബസിൻ്റെ ഫിറ്റ്നസ് സർട്ടിഫിക്കറ്റ് അടക്കമുള്ള വിവരങ്ങൾ ഹാജരാക്കണമെന്ന് കോടതി നിർദേശം നൽകി. വിനോദയാത്രയുടെ വിവരങ്ങളും ഹൈക്കോടതി തേടിയിട്ടുണ്ട്.
അധ്യാപകനെന്ന പേരിൽ ചികിത്സ തേടി, അതിരാവിലെ ആശുപത്രി വിട്ടു, വടക്കഞ്ചേരിയിൽ അപകടത്തിൽപ്പെട്ട ബസിന്റെ ഡ്രൈവർ ഒളിവിൽമോട്ടോർ വാഹന വകുപ്പ് അധികൃതർക്കെതിരെ ഹൈക്കോടതി കടുത്ത വിമർശനം ഉയർത്തി. ടൂറിസ്റ്റ് ബസിന് ആരാണ് ഫിറ്റ്നസ് സർട്ടിഫിക്കറ്റ് നൽകിയതെന്ന് ഹൈക്കോടതി ചോദിച്ചു. നിയമവിരുദ്ധമായ ലൈറ്റുകളും അമിതവേഗവും നിയന്ത്രിക്കുന്നതിനുള്ള നടപടികൾ ഉണ്ടായിരുന്നില്ലേ എന്നും ഹൈക്കോടതി ചോദ്യം ഉന്നയിച്ചു. വാഹനം പരിശോധിച്ച് റിപ്പോർട്ട് സമർപ്പിക്കാനും ഡിവിഷൻ ബെഞ്ച് നിർദേശം നൽകി. ഇന്നു മുതൽ ഇത്തരം സംവിധാനങ്ങൾ വാഹനങ്ങളിൽ പാടില്ലെന്നും നിയമം ലംഘിക്കുന്ന വാഹനങ്ങൾ കസ്റ്റഡിയിലെടുക്കാനും ഹൈക്കോടതി ഉത്തരവിട്ടു.
‘ആദ്യം കണ്ട കാഴ്ച ഒരാളുടെ കൈ അറ്റു പോയത്, ഒരാൾ മരിച്ചു കിടക്കുന്നു’: കെഎസ്ആർടിസി കണ്ടക്ടർ
പാലക്കാട് ജില്ലയിലെ വടക്കഞ്ചേരിയിൽ കൊല്ലത്തറ ബസ് സ്റ്റോപ്പിന് സമീപം രാത്രി 11.30 നാണ് അപകടം ഉണ്ടായത്. എറണാകുളം മുളന്തുരുത്തി വെട്ടിക്കൽ മാർ ബസേലിയസ് വിദ്യാനികേതൻ സ്കൂളിൽ നിന്ന് വിനോദയാത്രയ്ക്കായി ഊട്ടിയിലേക്കു പോയ ടൂറിസ്റ്റ് ബസ് കെഎസ്ആർടിസി ബസിൽ ഇടിക്കുകയായിരുന്നു. ഇടിയുടെ ആഘാതത്തിൽ ടൂറിസ്റ്റ് ബസ് ചതുപ്പിലേക്കു മറിഞ്ഞു. 42 വിദ്യാർഥികളും അഞ്ച് അധ്യാപകരുമാണ് ടൂറിസ്റ്റ് ബസിൽ ഉണ്ടായിരുന്നത്. കെഎസ്ആർടിസി ബസിൽ 49 പേരും. ടൂറിസ്റ്റ് ബസിലെ അഞ്ച് കുട്ടികളും അധ്യാപകനായ ഒരാളും കെഎസ്ആർടിസി ബസിലെ മൂന്നു യാത്രക്കാരുമാണ് മരിച്ചത്.
Read Latest Kerala News and Malayalam News
വടക്കഞ്ചേരിയിൽ ബസുകൾ കൂട്ടിയിടിച്ച് വൻ അപകടം ; 9 പേർ മരിച്ചു
