Authored by Samayam Desk | Samayam Malayalam | Updated: Oct 6, 2022, 4:34 PM
പഠനയാത്രപോകാൻ ഉപയോഗിക്കുന്ന വാഹനം പരിശോധിക്കുന്നതു സംബന്ധിച്ച് ജൂലൈയിൽ ഗതാഗത കമ്മീഷൻ കൃത്യമായ മാനദണ്ഡം പുറത്തിറക്കിയിട്ടുണ്ട്. വടക്കഞ്ചേരിയിൽ അപകടത്തിൽപ്പെട്ട വാഹനം പരിശോധനയ്ക്ക് വിധേയമാക്കിയിരുന്നില്ല.
ഹൈലൈറ്റ്:
- സ്കൂൾ അധികൃതർക്കും വീഴ്ച
- ബസ് ആർടിഒയെക്കൊണ്ട് പരിശോധിപ്പിച്ചിരുന്നില്ല
- ലൂമിനസ് ടൂറിസ്റ്റ് ബസിലെ സ്പീഡ് ഗവർണർ വിച്ഛേദിക്കപ്പെട്ട നിലയിലായിരുന്നു
എമർജൻസി എക്സിറ്റുകൾ, പിന്നിലും മുന്നിലും വാതിലുകൾ; ഒരു അപകടത്തിന് പിന്നാലെയുണ്ടായ നവീകരണങ്ങൾ; ഐങ്കൊമ്പ് ബസ് അപകടത്തിന്റെ ‘അറിയകഥകൾ’ബസിന്റെ നിയമപരമായ പരിശോധനകൾക്കൊപ്പം സ്പീഡ് ഗവർണറും ജിപിഎസ് സംവിധാനവും പ്രവർത്തിക്കുന്നുണ്ടോയെന്നും ആർടിഒ പരിശോധനയിലാണ് വ്യക്തമാകേണ്ടത്. എന്നാൽ സ്കൂൾ അധികൃതരുടെ വീഴ്ച മൂലം ഈ പരിശോധന നടന്നിരുന്നില്ലെന്ന് ആർടിഒ പറയുന്നു. അപകടത്തിൽപ്പെട്ട ലൂമിനസ് ടൂറിസ്റ്റ് ബസിലെ സ്പീഡ് ഗവർണർ വിച്ഛേദിക്കപ്പെട്ട നിലയിലായിരുന്നുവെന്ന് അപകട ശേഷമുള്ള പരിശോധനയിൽ വ്യക്തമായിട്ടുണ്ട്.
പഠനയാത്രപോകാൻ ഉപയോഗിക്കുന്ന വാഹനം പരിശോധിക്കുന്നതു സംബന്ധിച്ച് ജൂലൈയിൽ ഗതാഗത കമ്മീഷൻ കൃത്യമായ മാനദണ്ഡം പുറത്തിറക്കിയിട്ടുണ്ട്. ഇത് സംബന്ധിച്ച് വിദ്യാഭ്യാസ ഡയറക്ടർമാർക്കും അറിയിപ്പ് നൽകിയിരുന്നതാണെന്ന് മാതൃഭൂമി റിപ്പോർട്ട് ചെയ്യുന്നു. സ്കൂൾ അധികൃതർക്ക് സംഭവിച്ച വീഴ്ച കൂടാതെ നിയമ ലംഘനം നടത്തിയ ബസ് റോഡിൽ ഇറങ്ങുന്നത് തടയാൻ ഗതാഗത വകുപ്പിന് കഴിഞ്ഞുമില്ല. വടക്കഞ്ചേരിയിൽ ഒമ്പത് പേർ മരിച്ച സാഹചര്യത്തിലാണ് ഹൈക്കോടതി നിർദ്ദേശ പ്രകാരം ഗതാഗത വകുപ്പ് സംസ്ഥാനത്ത് കർശന പരിശോധന ആരംഭിക്കുന്നത്.
വടക്കഞ്ചേരി അപകടം: മരിച്ചവരുടെ കുടുംബത്തിന് 2 ലക്ഷം രൂപ, പരിക്കേറ്റവർക്ക് 50,000 രൂപ; ധനസഹായം പ്രഖ്യാപിച്ച് പ്രധാനമന്ത്രി
നിരോധിത ലൈറ്റുകളും സൗണ്ട് സിസ്റ്റവുമുള്ള വാഹനങ്ങളെ നിരത്തിലിറങ്ങാൻ അനുവദിക്കരുതെന്ന് ഹൈക്കോടതി നി‍ർദ്ദേശിച്ചിട്ടുണ്ട്. ഇതിനായി മോട്ടോർ വാഹന വകുപ്പ് നിരത്തുകളിൽ കർശന പരിശോധന നടത്തണം. ടൂറിസ്റ്റ് ബസുകൾക്കെതിരായ നടപടിയിൽ ട്രാൻസ്പോ‍ർട്ട് കമ്മീഷൻ സത്യവാങ്മൂലം ഫയൽ ചെയ്യണമെന്നും കോടതി ഉത്തരവിൽ പറയുന്നു.
വടക്കഞ്ചേരി ബസ് അപകടത്തിൽ നാലുപേരുടെ നില തൃപ്തികരം എന്ന് മന്ത്രി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
