കാരണങ്ങള്‍
ഇതിന് പല കാരണങ്ങളുമുണ്ട്. പല കാരണങ്ങള്‍ ഒരുമിച്ച് വരുമ്പോഴാണ് ഇതുണ്ടാകുന്നത്. അതല്ലാതെ ഒരു കാരണം കൊണ്ടല്ല. പ്രായമാണ് ഇതിനും ഏററവും വലിയ റിസ്‌ക് ഫാക്ടര്‍. പ്രായമാകുന്തോറും ഈ സാധ്യത വര്‍ദ്ധിയ്ക്കും. 50ല്‍ കൂടുതല്‍ പ്രായമുള്ളവരില്‍ ഇത് വര്‍ദ്ധിയ്ക്കുന്നു. സ്താനാര്‍ബുദ സാധ്യത പുരുഷനുമുണ്ടെങ്കിലും ഇത് രണ്ടു ശതമാനം മാത്രമാണ്. ബാക്കി 98 ശതമാനവും സ്ത്രീകളില്‍ തന്നെയാണ്. അപ്പോള്‍ സ്ത്രീ എന്നത് സ്തനാര്‍ബുദസാധ്യതയ്ക്കുള്ള ഒരു ഫാക്ടറാണ്. ഇതുപോലെ ആര്‍ത്തവം 12ന് മുന്‍പ് വരുന്നത്, വൈകിയ ഗര്‍ഭധാരണം, മുലയൂട്ടാത്തത്, മെനോപോസ് ശേഷം, പാരമ്പര്യം എന്നിവയെല്ലാം തന്നെ സ്താര്‍ബുദ സാധ്യത വര്‍ദ്ധിപ്പിയ്ക്കുന്ന ഒന്നാണ്. ഈസ്ട്രജന്‍ ഹോര്‍മോണ്‍ പ്രവര്‍ത്തനങ്ങളാണ് ഇതിന് കാരണമാകുന്നത്. അതായത് ഹോര്‍മോണ്‍ പ്രവര്‍ത്തനങ്ങളിലെ അസന്തുലിതാവസ്ഥയാണ് ഇതിന് പ്രധാന കാരണമായി വരുന്നത്.
ജീനുകള്‍
ബിആര്‍സിഎ1, ബിആര്‍സിഎ2 എന്ന ജീനുകള്‍ നമ്മുടെ ശരീരത്തിലുണ്ടെങ്കില്‍ സാധ്യത ഏറെയാണ്. ഇത് പാരമ്പര്യമായോ അല്ലാതെയോ ഉണ്ടാകാം. ഇതു പോലെ ഒരു സ്തനത്തില്‍ ക്യാന്‍സര്‍ വന്നവരില്‍ അടുത്തതില്‍ ക്യാന്‍സര്‍ വരാനുള്ള സാധ്യത 25 ശതമാനത്തില്‍ കൂടുതലാണ്. ഇതു പോലെ വ്യായാമം കുറയുന്നതാണ് ഒരു കാരണം. വ്യായാമക്കുറവ്
ക്യാന്‍സര്‍ സാധ്യത വര്‍ദ്ധിപ്പിയ്ക്കുന്ന ഒന്നാണ്. എത്രത്തോളം ആക്ടീവായിരിയ്ക്കുന്നുവോ അത്രത്തോളം ഈ സാധ്യത കുറയുന്നു. ഹോര്‍മോണ്‍ റീപ്ലേസ്‌മെന്റ് തെറാപ്പി ഇതിനുള്ള ഒരു കാരണമാണ്. പ്രത്യേകിച്ചും പല സ്ത്രീകളും മെനോപോസിന് ശേഷം നടത്തുന്ന ഹോര്‍മോണ്‍ തെറാപ്പി. മെനോപോസ് ശേഷം ഈസ്ട്രജന്‍ ഹോര്‍മോണ്‍ കുറയുന്നത് സ്വാഭാവികമാണ്. ഇത് പല ആരോഗ്യ, ചര്‍മ പ്രശ്‌നങ്ങള്‍ സൃഷ്ടിയ്ക്കുന്നു. ഇതിന് പരിഹാരമായാണ് പലരും ഹോര്‍മോണ്‍ തെറാപ്പി ചെയ്യുന്നത്.
പുകവലി
പുകയിലയുടെ ഉപയോഗം മറ്റൊരു കാരണമാണ്. ഇത് പുകവലിയും പുകയില ചവയ്ക്കുന്നുതമാകാം. ഇത് നേരിട്ട് ആകണമെന്നില്ല, മറ്റുള്ളവര്‍ പുക വലിയ്ക്കുന്നത് ശ്വസിയ്ക്കുന്നത് ഇതിനുള്ള കാരണമാണ്. അതായത് പാസീവ് സ്‌മോക്കിംഗ് എന്നത്. പുകയിലയിലെ വിഷാംശം മറ്റു പല ക്യാന്‍സറുകള്‍ പോലെ സ്താനാര്‍ബുദ ക്യാന്‍സര്‍ സാധ്യത വര്‍ദ്ധിപ്പിയ്ക്കുന്ന ഒന്നു കൂടിയാണ്. ഇതു പോലെ തന്നെ മദ്യപാനവും സ്തനാര്‍ബുദ സാധ്യത വര്‍ദ്ധിപ്പിയ്ക്കുന്ന ഒന്നാണ്. ഇത്തരം ശീലങ്ങള്‍ ഉപേക്ഷിച്ചാല്‍ ഒരു പരിധി വരെ ക്യാന്‍സറില്‍ നിന്നും സ്വയമേ സംരക്ഷിയ്ക്കാന്‍ സാധിയ്ക്കും. കാരണം ഇവ പല ക്യാന്‍സറിനുമുള്ള സാധ്യതകള്‍ വര്‍ദ്ധിപ്പിയ്ക്കുന്ന ഒന്നു തന്നെയാണ്.
സാധ്യത കുറയ്ക്കാന്‍
എന്നാല്‍ പ്രധാനപ്പെട്ട ഒരു കാര്യമുണ്ട്. മുകളില്‍ പറഞ്ഞത് പോലെ ഒരു റിസ്‌ക് ഫാക്ടറല്ല, പല കാരണങ്ങളും ഉണ്ടെങ്കിലാണ് ഇതിന് സാധ്യതയേറുന്നത്. ഇതില്‍ പലതും നമുക്ക് നിയന്ത്രിയ്ക്കാന്‍ സാധിയ്ക്കുന്നതാണ്. പാരമ്പര്യം പോലുള്ള ചിലത് നിയന്ത്രിയ്ക്കാന്‍ സാധിയ്ക്കില്ലെങ്കിലും. പുകവലി, മദ്യപാന ശീലങ്ങള്‍ ഉപേക്ഷിയ്ക്കാം, നല്ലതു പോലെ വ്യായാമം ചെയ്യാം ഇതെല്ലാം തന്നെ സ്തനാര്‍ബുദ സാധ്യത കുറയ്ക്കാന്‍ സഹായിക്കും. പൊതുവേ സ്തനാര്‍ബുദത്തിന് മാത്രമല്ല, മറ്റേത് ക്യാന്‍സറിനും സാധ്യത വര്‍ദ്ധിപ്പിയ്ക്കുന്ന ഒന്നാണിത്. ഭക്ഷണ കാര്യത്തിനും ശ്രദ്ധിയ്ക്കുക. വറുത്തതും പൊരിച്ചതുമെല്ലാം കുറച്ച് ആരോഗ്യകരമായ പഴങ്ങളും പച്ചക്കറികളും കഴിയ്ക്കാം. സ്‌ട്രെസ് പോലുള്ള അവസ്ഥകളില്‍ നിന്നും രക്ഷപ്പെടാന്‍ വഴികള്‍ തേടാം.
