Authored by Samayam Desk | Samayam Malayalam | Updated: Oct 6, 2022, 6:28 PM
Bus Accident Kerala Government: വടക്കഞ്ചേരി അപകടത്തിൽ സംസ്ഥാന സർക്കാർ ധനസഹായം പ്രഖ്യാപിക്കണമെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. കേന്ദ്ര സർക്കാരിനെ മാതൃകയാക്കണമെന്ന് സുരേന്ദ്രൻ.
ഹൈലൈറ്റ്:
- സംസ്ഥാന സർക്കാർ ധനസഹായം പ്രഖ്യാപിക്കണമെന്ന് കെ സുരേന്ദ്രൻ.
- ‘വടക്കഞ്ചേരി അപകടത്തിൽ ഉടൻ നഷ്ടപരിഹാരം അനുവദിക്കണം’.
- കേന്ദ്ര സർക്കാരിനെ മാതൃകയാക്കണമെന്ന് സുരേന്ദ്രൻ.
വടക്കഞ്ചേരി അപകടം: മരിച്ചവരുടെ കുടുംബത്തിന് 2 ലക്ഷം രൂപ, പരിക്കേറ്റവർക്ക് 50,000 രൂപ; ധനസഹായം പ്രഖ്യാപിച്ച് പ്രധാനമന്ത്രിസംസ്ഥാനത്ത് റോഡ് അപകടങ്ങൾ തടയാൻ സർക്കാർ കർശനമായി ഇടപെടണം. അപകടത്തിൽപ്പെട്ട ബസിനെതിരെ മുമ്പ് അഞ്ച് കേസുകൾ എടുത്തിരുന്നുവെന്നത് ഞെട്ടിക്കുന്നതാണ്. കുപ്രസിദ്ധമായ ബസിനെതിരെ മോട്ടോർ വാഹന വകുപ്പ് ജാഗ്രത പാലിച്ചിരുന്നെങ്കിൽ വൻ അപകടം ഒഴിവാക്കാമായിരുന്നു. ടൂറിസ്റ്റ് ബസുകളുടെയും ദീർഘദൂര ബസുകളുടെയും അമിതവേഗം നിയന്ത്രിക്കാൻ മോട്ടോർ വാഹന വകുപ്പും പോലീസും തയ്യാറാവണമെന്നും കെ സുരേന്ദ്രൻ ആവശ്യപ്പെട്ടു.
തമിഴ്നാട്ടിലേക്ക് കടക്കാൻ ഡ്രൈവർ ജോമോൻ്റെ ശ്രമം; കാറിനു കുറുകെ ജീപ്പിട്ട് പിടിച്ച് പോലീസ്
വടക്കഞ്ചേരിയിൽ ഉണ്ടായ വാഹനപകടം ആരെയും ഞെട്ടിക്കുന്നതാണെന്നു മുഖ്യമന്ത്രി പിണറായി വിജയൻ പ്രതികരിച്ചു. അപകടത്തിന്റെ കാരണം അന്വേഷിക്കും. റോഡിലെ നിയമ ലംഘനങ്ങൾക്ക് എതിരെ കർശന നടപടി സ്വീകരിക്കും. പരിക്കേറ്റവർക്ക് ആവശ്യമായ ചികിത്സാ സഹായം ചെയ്യാൻ സർക്കാർ സംവിധാനങ്ങൾ ആകെ ഉണർന്ന് പ്രവർത്തിക്കുന്നുണ്ട്. മന്ത്രിമാർ ഉൾപ്പെടെ ആശ്വാസ പ്രവർത്തനങ്ങൾക്ക് നേരിട്ട് നേതൃത്വം നൽകുന്നു. മരണമടഞ്ഞവരുടെ കുടുംബങ്ങളുടെയും ഉറ്റവരുടെയും വേദനയിൽ പങ്കു ചേരുന്നുവെന്നും മുഖ്യമന്ത്രി അറിയിച്ചിരുന്നു. വാളയാർ വടക്കഞ്ചേരി മേഖലയിലെ കൊല്ലത്തറ ബസ് സ്റ്റോപ്പിന് സമീപമാണ് അപകടം ഉണ്ടായത്. ഒൻപതു പേരാണ് മരണപ്പെട്ടത്.
Read Latest Kerala News and Malayalam News
വടക്കഞ്ചേരിയിൽ ബസുകൾ കൂട്ടിയിടിച്ച് വൻ അപകടം ; 9 പേർ മരിച്ചു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
