രാത്രിയില്‍ തലയില്‍ എണ്ണ തേച്ച് ഉറങ്ങാന്‍ കിടന്നാല്‍ അത് തലയോട്ടിയിലെ മൃതകോശങ്ങള്‍ അടഞ്ഞ് പോകാന്‍ കാരണമാകും. കൂടാതെ എണ്ണ രോമകൂപങ്ങളില്‍ കുടുങ്ങി താരന്‍ ഉണ്ടാകാന്‍ കാരണമാകുന്നു. തലയില്‍ രാത്രി എണ്ണ തേച്ച് കിടക്കുന്നത് യീസ്റ്റ് ഇന്‍ഫക്ഷന്‍ ഉണ്ടാകാന്‍ കാരണമായേക്കാം. എണ്ണ കൂടുതല്‍ ബാക്ടീരിയകളെ തലയോട്ടിയിലേക്ക് ആകര്‍ഷിക്കുകയും വരണ്ടതും അടരുകളുള്ളതുമായ ഭാഗങ്ങളായി മാറുകയും ചെയ്യുന്നു.
എണ്ണമയമുള്ള തലയോട്ടി ബാക്ടീരിയകളുടെ പ്രജനന കേന്ദ്രമാണ്. ഒലീവ് ഓയിലും വെളിച്ചെണ്ണയും പോലുള്ള കാരിയര്‍ ഓയിലുകളില്‍ ഫാറ്റി ആസിഡുകള്‍ അടങ്ങിയിട്ടുണ്ട്. ഇത് ബാക്ടീരിയകളെ തലയോട്ടിയില്‍ കൂടുതല്‍ വളരാന്‍ സഹായിക്കുന്നു. എണ്ണമയമുള്ള തലയോട്ടി താരന്‍ കുറയ്ക്കുകയല്ല മറിച്ച് വര്‍ധിപ്പിക്കുകയാണ് ചെയ്യുന്നത്.
എന്താണ് പരിഹാരം?
വരണ്ട ശിരോചര്‍മ്മം താരന്‍ ഉണ്ടാക്കുമെന്നും എണ്ണ ഉപയോഗിച്ചാല്‍ ഇത് മാറ്റാന്‍ കഴിയുമെന്നതും തെറ്റായ ധാരണയാണ്. താരന്‍ അകറ്റാന്‍ എണ്ണ തേച്ച് കുളിക്കുകയല്ല ചെയ്യേണ്ടത് മറിച്ച് മറ്റ് ചില മാര്‍ഗങ്ങളാണ് പരീക്ഷിക്കേണ്ടത്. സാധാരണ ഉപയോഗിക്കുന്ന എണ്ണയല്ലാതെ ടീ ട്രീ ഓയില്‍ ഉപയോഗിക്കുന്നത്് താരന്‍ കുറയ്ക്കാനുള്ള ഏറ്റവും നല്ല മാര്‍ഗമാണ്. ഇതു കൂടാതെ വീട്ടില്‍ തന്നെ ചെയ്യാവുന്ന ചില എളുപ്പ മാര്‍ഗങ്ങളുമുണ്ട്.
മാര്‍ഗം 1
അല്‍പ്പം നാരങ്ങ നീരും സാധാരണ എണ്ണയും അതില്‍ അല്‍പ്പം കറ്റാര്‍വാഴയും ചേര്‍ത്ത് യോജിപ്പിക്കുക. അതിന് ശേഷം മുടികള്‍ ചെറിയ ഭാഗങ്ങളായി തിരിച്ചെടുത്ത് പഞ്ഞിയില്‍ മുക്കി ഈ മിശ്രിതം തലയോട്ടിയില്‍ തേച്ച് പിടിപ്പിക്കാവുന്നതാണ്. ഇതിന് ശേഷം ഇത് വീര്യം കുറഞ്ഞ ഷാംപൂ ഉപയോഗിച്ച് കഴുകി കളയണം.
മാര്‍ഗം 2
ആപ്പിള്‍ സൈഡര്‍ വിനഗറും താരനെ തുരത്താന്‍ പറ്റിയതാണ്. അല്‍പ്പം ആപ്പിള്‍ സൈഡര്‍ വിനിഗര്‍ വെള്ളത്തിലോ അല്ലെങ്കില്‍ ബേക്കിംഗ് സോഡയിലോ യോജിപ്പിച്ച് ഉപയോഗിക്കുന്നത് താരന്‍ അകറ്റാന്‍ സഹായിക്കും.
മാര്‍ഗം 3
കാല്‍ കപ്പ് ഉലുവ രാത്രിയില്‍ വെള്ളത്തില്‍ കുതിര്‍ത്ത് വച്ച ശേഷം പിറ്റേ ദിവസം രാവിലെ അരച്ച് എടുക്കണം. ഇതിലേക്ക് അല്‍പ്പം തൈരും കറ്റാര്‍ വാഴയുടെ ജെല്ലും ചേര്‍ത്ത് യോജിപ്പിക്കണം. വീട്ടില്‍ തന്നെ ഉണ്ടാക്കുന്ന തൈര് ആണ് ഏറ്റവും മികച്ചത്. തൈര് ഉപയോഗിക്കുന്നത് തലയോട്ടിയിലെ പിഎച്ച് ബാലന്‍സ് നിലനിര്‍ത്താന്‍ സഹായിക്കും. അല്‍പ്പം വെളിച്ചെണ്ണ കൂടെ ചേര്‍ത്ത് ഈ മിശ്രിതം കുഴമ്പ് പരുവത്തില്‍ തയാറാക്കി എടുക്കാം. ഇത് തലയോട്ടിയില്‍ തേച്ച് പിടിപ്പിച്ച ശേഷം ഒരു മണിക്കൂറിന് ശേഷം ഷാംപൂ ഉപയോഗിച്ച് കഴുകി കളയാം.
