വണ്ടിപ്പെരിയാറിലെ പീഡനം: കെട്ടിത്തൂക്കുന്നതിനിടെ കുട്ടി കണ്ണ് തുറന്നുവെന്ന് പ്രതി

ഇടുക്കി: വണ്ടിപ്പെരിയാർ ചുരക്കുളം എസ്റ്റേറ്റിൽ കൊല ചെയ്യപ്പെട്ട ക്രൂര പീഡനത്തിനിരയായെന്ന് പോലീസ്. കഴുത്തിൽ കയറുമുറുക്കി കെട്ടിത്തൂക്കുമ്പോൾ കുട്ടി കണ്ണ് തുറന്നുവെന്ന് ചോദ്യം ചെയ്യലിൽ പ്രതിയായ അർജുൻ (22) പോലീസിനോട് വെളിപ്പെടുത്തി. കുട്ടി മരിച്ചുവെന്ന് കരുതിയാണ് കെട്ടിത്തൂക്കിയത്. മരണം ഉറപ്പിക്കുന്നതുവരെ മുറിയിൽ നിന്നുവെന്നും പ്രതി പോലീസിനോട് പറഞ്ഞതായി വിവിധ മാധ്യമങ്ങൾ റിപ്പോർട്ട് ചെയ്തു.



ഇടുക്കിയിൽ ആറുവയസുകാരിയെ ബലാത്സംഗം ചെയ്ത് കൊലപ്പെടുത്തിയ പ്രതി അശ്ലീല വീഡിയോയ്ക്ക് അടിമ

കുട്ടിയുടെ മരണം കൊലപാതകമാണെന്നും കുട്ടിയെ പീഡനത്തിനു ശേഷം കെട്ടിത്തൂക്കിയതാണെന്നും പോലീസ് വ്യക്തമാക്കിയിരുന്നു. സംഭവത്തിൽ അർജുൻ്റെ അറസ്റ്റ് ചെയ്തിട്ടുമുണ്ട്.

സംഭവദിവസം സമീപത്തെ വീടുകളിലെ ആൺകുട്ടികളെല്ലാം മുടി വെട്ടാനായി സമീപത്തെ കടയിലേക്ക് പോയിരുന്നു. ലയത്തിൽ ആരുമില്ലെന്ന് വ്യക്തമായതോടെ കുട്ടിയുടെ വീട്ടിൽ എത്തി. വീട്ടിൽ കുട്ടി മാത്രമാണുള്ളത് ഉറപ്പാക്കുകയും ചെയ്തു. തുടർന്ന് കുട്ടിയെ ലൈംഗികമായി പീഡിപ്പിക്കുകയായിരുന്നു. കുട്ടിക്ക് ബോധം നഷ്ടമായതോടെ വാഴക്കുല കെട്ടിയിടുന്ന കയറിൽ ജീവനോടെ കെട്ടിത്തൂക്കുകയായിരുന്നു. മരണം സംഭവിക്കുന്നതുവരെ മുറിയിൽ തുടരുകയും ചെയ്തു. കുട്ടി മരിച്ചതോടെ കണ്ണുകൾ തിരുമ്മിയടച്ച ശേഷം വീടിൻ്റെ പിന്നിലെ ചെറിയ ജനലിലൂടെ പുറത്ത് കടക്കുകയും സുഹൃത്തുക്കൾക്കൊപ്പം പോകുകയുമായിരുന്നു.

ഉച്ചയ്ക്ക് ശേഷം മൂന്ന് മണിയോടെ സഹോദരൻ വീട്ടിൽ എത്തിയപ്പോഴാണ് കുട്ടി മരിച്ചവിവരം അറിയുന്നത്. വിവരമറിഞ്ഞ് എത്തിയ സമീപവാസികൾക്കൊപ്പം അർജുനും ഉണ്ടായിരുന്നു. സംസ്കാര ചടങ്ങുകളിൽ പങ്കെടുക്കുകയും ചെയ്തു. ആർക്കും സംശയം തോന്നാത്ത രീതിയിലായിരുന്നു പ്രതിയുടെ പെരുമാറ്റം.

ആറുവയസുകാരിയെ കെട്ടിത്തൂക്കിയത്; മരണവാ‍ര്‍ത്ത അറിഞ്ഞ് പൊട്ടിക്കരഞ്ഞ് ‘കൊലയാളി’; കൊല പീഡനത്തിനിടെ

കളിക്കുന്നതിനിടെ ഷാൾ കഴുത്തിൽ കുരുങ്ങി മരിച്ചതെന്നായിരുന്നു ആദ്യ നിഗമനം. എന്നാൽ കുട്ടി പീഡിപ്പിക്കപ്പെട്ടിരുന്നതായി ഇടുക്കി മെഡിക്കൽ കോളേജിൽ നടത്തിയ പോസ്റ്റ്മോർട്ടം റിപ്പോർട്ടിൽ കണ്ടെത്തുകയായിരുന്നു. കഴിഞ്ഞ മാസം 30നായിരുന്നു കുട്ടിയെ എസ്റ്റേറ്റ് ലയത്തിലെ മുറിയിൽ കെട്ടിത്തൂക്കിയ നിലയിൽ കണ്ടെത്തിയത്. കുട്ടിയുടെ മരണം കൊലപാതകമാണെന്ന വിലയിരുത്തലിൽ നടത്തിയ അന്വേഷണത്തിൽ പ്രതിയായ യുവാവ് പിടിയിലാകുകയായിരുന്നു.