Also Read : ‘കുട്ടൂ, നിനക്ക് വേദനിച്ചോടാ’; ക്രിസിനെ കെട്ടിപ്പിടിച്ച് കരഞ്ഞ് മേരി; ഇല്ലാതായത് 13 വർഷം കാത്തിരുന്ന് വിരിഞ്ഞ കുരുന്ന്എന്നാൽ, പണമില്ലാത്തതിനാലാണ് ഭാര്യയെ പ്രസവത്തിന് ആശുപത്രിയിലേക്ക് കൊണ്ടുപോകാൻ പറ്റാത്തത് എന്നാണ് അശ്വതിയുടെ ഭർത്താവിന്റെ വിശദീകരണം. വീട്ടിലെ സാമ്പത്തിക സ്ഥിതി മനസ്സിലായ ഭാര്യയും ആശുപത്രിയിൽ പോകാൻ വിസമ്മതിച്ചുവെന്നാണ് ഭർത്താവായ അനിയെ ഉദ്ധരിച്ച് ട്വന്റിഫോർ ന്യൂസ് റിപ്പോർട്ടു ചെയ്യുന്നത്.
ഇതോടെ, അനിലും 17 കാരനായ മകനും ചേർന്ന് വീട്ടിൽ വച്ചുതന്നെ പ്രസവം നോക്കാൻ തീരുമാനിക്കുകയായിരുന്നു. പുലർച്ചെ ഒരു മണിയോടെ അശ്വതിക്ക് പ്രസവവേദന തുടങ്ങുകയായിരുന്നു. ഇരുവരും ചേർന്ന് പ്രസവം നോക്കുകയും ചെയ്തു. കുഞ്ഞിനെ പുറത്തെടുക്കുകയും ചെയ്തു. കുഞ്ഞിനെ മകനെ ഏൽപ്പിച്ചതിന് ശേഷം കുടിക്കാൻ കഞ്ഞിവെള്ളവും ചൂടുവെള്ളവും അശ്വതിക്ക് നൽകി.
എന്നാൽ, ഇതാദ്യമായല്ല സംഭവമുണ്ടായത്. ഇവർക്ക് സമാനമായ രീതിയിൽ നേരത്തെ രണ്ട് കുഞ്ഞുങ്ങൾ മരിച്ചിരുന്നുവെന്നാണ് പ്രാഥമിക നിഗമനമുണ്ട്. എന്നാൽ, പോലീസ് ചോദ്യം ചെയ്തപ്പോൾ ഭർത്താവ് ഇക്കാര്യം നിഷേധിച്ചു.
അഞ്ചാം മാസം ആശുപത്രിയിൽ പോയിരുന്നു. എന്നാൽ, അതിന് ശേഷം ആശുപത്രിയിൽ പോയിട്ടില്ലെന്ന് ഭർത്താവ് പോലീസിനോട് പറയുന്നു. എന്തുകൊണ്ടാണ് പോകാത്തത് എന്ന് പോലീസിന്റെ ചോദ്യത്തിന് വയ്യായിരുന്നു എന്നായിരുന്നു ആദ്യ മറുപടി. വയ്യാത്തപ്പോഴല്ലെ ആശുപത്രിയിൽ പോകേണ്ടത് എന്ന പോലീസുകാരിയുടെ ചോദ്യത്തിന് മകൻ ചിരിക്കുന്നതും വീഡിയോയിൽ കാണാം.
ഭാര്യ താൻ വിളിച്ചിട്ട് വരുന്നില്ലെന്നായിരുന്നു ഭർത്താവിന്റെ മറുപടി. മറുപിള്ളയെ നൂൽ ഉപയോഗിച്ച് മുറിച്ചതായും ഭർത്താവ് പോലീസിനോട് വെളിപ്പെടുത്തുന്നുണ്ട്. ഭാര്യയാണ് ഇത്തരത്തിൽ നിർദ്ദേശം നൽകിയത് എന്നും അനിൽ പറയുന്നു. നൂൽ വച്ച് ചുറ്റിയതിന് ശേഷം കത്തി ഉപയോഗിച്ച് മുറിക്കുകയായിരുന്നുവെന്ന് സമീപത്ത് നിന്നിരുന്ന മകനും വ്യക്തമാക്കുന്നുണ്ട്.
അടുത്ത് ആശാ വർക്കറോ അങ്ങനെയുള്ള ആരും ഇല്ലായിരുന്നോ എന്ന ചോദ്യത്തിന് ആരും പോയില്ല എന്നായിരുന്നു ഭർത്താവിന്റെ മറുപടി. തങ്ങൾ ഒരുപാട് പറഞ്ഞുവെന്നും എന്നാൽ അവർ പോകാത്തതാണെന്നും മകൻ പറഞ്ഞു. നാട്ടുകാരുടെ അടുത്ത് പറയാമെന്ന് പറഞ്ഞപ്പോൾ ആരും അറിയണ്ട എന്ന് പറഞ്ഞ് വിലക്കിയതും അമ്മയാണെന്നാണ് മകൻ പോലീസിനോട് പറഞ്ഞത്.
ഇന്നലെ രാത്രി അസുഖം കൂടിയപ്പോൾ ആശൂപത്രിയിൽ പോകാമെന്ന് പറഞ്ഞു. ഫോൺ വിറ്റിട്ടാണെങ്കിലും ആശുപത്രിയിൽ കൊണ്ടുപോകാമെന്ന് പറഞ്ഞിരുന്നു. എന്നാൽ അവർ വന്നില്ലെന്നും മകൻ പോലീസിനോട് പറയുന്നു. മോനെന്താണ് ആരുടേയും അടുത്ത് കാര്യം പറയാത്തത് എന്ന് ചോദിച്ചപ്പോൾ എനിക്ക് ഇവിടുള്ള ആരേയും അറിയില്ലെന്നായിരുന്നു മകന്റെ മറുപടി.
അതേസമയം, അവശനിലയിലായ ശാലിനിയെ ആശുപത്രിയിലേക്ക് കൊണ്ടുപോകാൻ വീട്ടുകാർ തയ്യാറായില്ലെന്നാണ് നാട്ടുകാരുടെ ആരോപണം. സംഭവത്തിൽ അസ്വാഭാവിക മരണത്തിന് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
അശ്വതി ഗർഭിണിയാണെന്ന് വിവരം പഞ്ചായത്ത് ആരോഗ്യ പ്രവർത്തകരെ അറിയിച്ചിരുന്നില്ലെന്നും പറയുന്നുണ്ട്. അശ്വതി മരിച്ചുവെന്ന വിവരം അറഞ്ഞതോടെ നാട്ടുകാരാണ് പോലീസിനേയും ആരോഗ്യപ്രവർത്തകരേയും അറിയിച്ചത്.
Read Latest Local News and Malayalam News
വീട്ടിൽ വെച്ച് പ്രസവിച്ച യുവതിയും നവജാതശിശുവും മരിച്ചു
