Also Read: Dandruff treatment: എണ്ണയിട്ടാല്‍ താരന്‍ കൂടുമോ? താരന്‍ അകറ്റാന്‍ ഇതാ ചില മാര്‍ഗങ്ങള്‍
വെളിച്ചെണ്ണ
മലയാളികളുടെ വീടുകളില്‍ വളരെ സുലഭമായി ലഭിക്കുന്നതാണ് വെളിച്ചെണ്ണ. മുടി വളര്‍ച്ചയ്ക്ക് മാത്രമല്ല, മുഖത്തെ ഇത്തരത്തിലുള്ള പാടുകള്‍ മാറ്റാനും വെളിച്ചെണ്ണ വളരെയധികം സഹായിക്കും. ഒമേഗ ഫാറ്റി ആസിഡുകളാണ് സമ്പുഷ്ടമാണ് വെളിച്ചെണ്ണ. മുഖത്തെ പാടുകള്‍ അകറ്റാന്‍ വെളിച്ചെണ്ണ വളരെയധികം സഹായിക്കും. വെളിച്ചെണ്ണ ചര്‍മ്മത്തില്‍ ആഴത്തില്‍ പ്രവര്‍ത്തിച്ച് മോയ്‌സചറൈസ് ആകാന്‍ സഹായിക്കുന്നു.
വൈറ്റമിന്‍ ഇ
മുഖസൗന്ദര്യത്തിനും അതുപോലെ മുടിക്കും വളരെ മികച്ചതാണ് വൈറ്റമിന്‍ ഇ. വൈറ്റമിന്‍ ഇ നമ്മുടെ കോശങ്ങള്‍ക്ക് കേടു വരുത്തുന്ന ഫ്രീ റാഡിക്കലുകളെ തടയുന്നു. ഇതിനാല്‍ ആരോഗ്യം മാത്രമല്ല, കോശങ്ങളിലൂടെ സൗന്ദര്യത്തിനും ഇതു സഹായിക്കുന്നു. മെഡിക്കല്‍ ഷോപ്പില്‍ നിന്ന് ലഭിക്കുന്ന ക്യാപ്‌സുള്‍ വാങ്ങി അതിനുള്ളിലെ ഓയില്‍ മുഖത്തെ പാടുള്ള ഭാഗത്ത് തേയ്ക്കുന്നത് വളരെ നല്ലതാണ്. മുഖത്തെ പാടുകള്‍ മാറ്റാനുള്ള എളുപ്പ മാര്‍ഗമാണിത്.
കറ്റാര്‍വാഴ
മുഖസൗന്ദര്യത്തില്‍ ഏറ്റവും മുന്നിലാണ് കറ്റാര്‍വാഴയുടെ സ്ഥാനം. ആന്റി ബാക്ടീരിയല്‍, ആന്റി ഫംഗല്‍ ഗുണങ്ങള്‍ വളരെയധികം കറ്റാര്‍ വാഴയില്‍ അടങ്ങിയിട്ടുണ്ട്. മുഖത്തെ പാടുകളും മുഖക്കുരുവും പൂര്‍ണമായും ഇല്ലാതാക്കാന്‍ കറ്റാര്‍വാഴ വളരെയധികം സഹായിക്കുന്നു. മുഖകാന്തിക്കൊപ്പം ചര്‍മ്മത്തെ പുനരുജ്ജീവിപ്പിക്കാനും ഇത് സഹായിക്കുന്നു.
ഉരുളക്കിഴങ്
ഉരുളക്കിഴങ്ങിന്റെ നീര് ദിവസവും മുഖത്തു പുരട്ടുന്നത് പല തരത്തിലെ സൗന്ദര്യ പ്രശ്നങ്ങള്‍ക്കുമുള്ള നല്ലൊരു പരിഹാരമാണ്. ചര്‍മ്മത്തിലെ കറുത്ത പാടുകളെയും മറ്റ് പല ചര്‍മ്മ പ്രശ്‌നങ്ങളെയും പ്രതിരോധിക്കാന്‍ ഉരുളക്കിഴങ്ങ് ജ്യൂസ് നിങ്ങളെ സഹായിക്കും. ഫ്രീ റാഡിക്കലുകളെ ചെറുക്കാനും അണുക്കളെയും ബാക്ടീരിയകളെയും ചര്‍മ്മത്തില്‍ നിന്ന് അകറ്റി നിര്‍ത്താനും സഹായിക്കുന്ന ആന്റി ഓക്സിഡന്റുകളെല്ലാം ഉരുളക്കിഴങ്ങിലും അടങ്ങിയിട്ടുണ്ട്.
തേന്‍
പുരാതന കാലമുതലെ മനുഷ്യന്‍ ഉപയോഗിച്ച് വരുന്ന ഔഷധ ഗുണമുള്ള വസ്തുവാണ് തേന്‍. മുറിവുകളും പൊള്ളലുകളും മാറാന്‍ ആളുകള്‍ തേന്‍ വാങ്ങിക്കാറുണ്ട്. അസംസ്‌കൃത തേന്‍ പാടുകളില്‍ പുരട്ടുന്നത് ഈ പാടുകള്‍ ഇല്ലാതാക്കന്‍ വളരെയധികം സഹായിക്കുന്നു. തേനിന്റെ ആന്റിഫംഗല്‍, ആന്റി ബാക്ടീരിയല്‍ ഗുണങ്ങള്‍ ചര്‍മ്മത്തിലെ ബാക്ടീരിയകളുടെ വളര്‍ച്ചയെ തടസ്സപ്പെടുത്തുകയും ചുവന്ന മുഖക്കുരുവിനെ പോലും കുറയ്ക്കാന്‍ സഹായിക്കുകയും ചെയ്യുന്നു.
