1. ഹൃദയത്തിന്റെ ആരോഗ്യം നിലനിര്‍ത്താന്‍ സഹായിക്കും
മുന്തിരിയുടെ കുരുവില്‍ ആന്റിഓക്‌സിഡന്റ്‌സ് ധാരാളം അടങ്ങിയിട്ടുണ്ട്. അതിനാല്‍ തന്നെ ഇവ നമ്മളുടെ രക്ത സമ്മര്‍ദ്ദം ആരോഗ്യകരമായ രീതിയില്‍ നിലനിര്‍ത്താന്‍ സഹായിക്കുന്നു. രക്തസമ്മര്‍ദ്ദം നോമല്‍ ആകുന്നതോടെ നല്ലരീതിയില്‍ രക്തം പമ്പ് ചെയ്യപ്പെടുന്നു. ഹൃദയധമനികളിലേയ്ക്ക് രക്തത്തിന്റെ ഒഴുക്ക് കൃത്യമായി നടന്നാല്‍ ഇത്, ഹൃദയത്തിന്റെ ആരോഗ്യം നിലനിര്‍ത്താന്‍ സഹായിക്കും. അതിനാല്‍, മുന്തിരി കഴിക്കുമ്പോള്‍, പ്രത്യേകിച്ച് വൈന്‍ മുന്തിരി കഴിക്കുമ്പോള്‍ ഇതിന്റെ കുരുക്കള്‍ തുപ്പി കളയുന്നതിന് പകരം കഴിക്കുന്നത് നല്ലതാണ്.
2. തലച്ചോറിന്റെ ആരോഗ്യത്തിന് നല്ലതാണ്
മുന്തിരിയുടെ കുരുക്കളില്‍ അടങ്ങിയിരിക്കുന്ന ഫെനോലിക് ഘടകങ്ങളും അതുപോലെ, പ്രോന്തോസൈനിഡിന്‍സ്, ഗാലിക് ആസിഡ്, ഗല്ലോഗാറ്റേച്ചിന്‍, എപികാറ്റേച്ചിന്‍, കാറ്റേച്ചിന്‍ എന്നിവ തലച്ചോറിന്റെ ആരോഗ്യം നിലനിര്‍ത്താന്‍ സഹായിക്കുന്നവയാണ്. കൂടാതെ, തലച്ചോറില്‍ പ്രോട്ടീന്‍ അടിഞ്ഞ് കൂടി ഉണ്ടാകുന്ന അള്‍ഷിമേഴ്‌സ് പോലെയുള്ള രോഗാവസ്ഥകളില്‍ നിന്നും സംരക്ഷണം നല്‍കുന്നതിനും ഇതിന് ശേഷിയുണ്ട്. അതിനാല്‍ കുട്ടികള്‍ക്കെല്ലാം മുന്തിരി നല്‍കുമ്പോള്‍ കുരുക്കള്‍ കളയാതിരിക്കാന്‍ ശ്രദ്ധിക്കുന്നത് നല്ലതാണ്.
3. ഇതില്‍ ധാരാളം മിനറല്‍സും പോഷകങ്ങളും അടങ്ങിയിരിക്കുന്നു
മുന്തിരിയുടെ കുരുക്കളില്‍ ആന്റിഓക്‌സിഡന്റ്‌സ് കൂടാതെ, വിറ്റാമിന്‍ ഇ, ലിനോലെനിക് ആസിഡ്, ഫിനോലിക് ഘടകങ്ങള്‍, പൊട്ടാസ്യം, കോപ്പര്‍, ഫോസ്ഫറസ്, കാല്‍സ്യം, സിങ്ക്, മഗ്നീഷ്യം, അയേണ്‍ എന്നിവ അടങ്ങിയിരിക്കുന്നു. കൂടാതെ, പ്രോട്ടീന്‍, ഫൈബര്‍, വെള്ളം, ഓയില്‍ എന്നിവയും ഇതില്‍ അടങ്ങിയിട്ടുണ്ട്. ഇത്തരം ധാതുക്കളും പോഷകങ്ങളും അടങ്ങിയിരിക്കുന്നതിനാല്‍ തന്നെ, ഒരാളുടെ ആരോഗ്യത്തിനെ സഹായിക്കുന്ന ഘടകങ്ങളാല്‍ സമ്പന്നമാണ് മുന്തിരിയുടെ കുരുക്കള്‍ എന്ന് തന്നെ പറയാം.
4. കണ്ണുകളുടെ ആരോഗ്യത്തിന് നല്ലതാണ്മുന്തിരി കഴിക്കുന്നവരില്‍
നേത്രസംരക്ഷണത്തിനായി പ്രത്യേകം പരിചരണങ്ങള്‍ ആവശ്യമില്ല എന്നാണ് പൊതുവില്‍ പറയുന്നത്. പല പഠനങ്ങളും പ്രകാരം മുന്തിരിയുടെ കുരു ശരീരത്തിലേയ്ക്ക് എത്തുന്നത് നല്ലതാണ് എന്ന് പറയുന്നത്. പ്രത്യേകിച്ച് നേത്ര സംരക്ഷണത്തിന്. ഇത് റെറ്റിനയുടെ ആരോഗ്യം നിലനിര്‍ത്തുന്നതിനും കണ്ണുകളുടെ കാഴ്ച്ചശക്തി നിലനിര്‍ത്തുന്നതിനും സഹായിക്കുന്നുണ്ട്. കണ്ണുകളെ അള്‍ട്രാവയ്‌ലറ്റ് രശ്മികളില്‍ നിന്നും സംരക്ഷിക്കുകയും ചെയ്യുന്നു. അതിനാല്‍, മുന്തിരി കഴിക്കുമ്പോള്‍ പരമാവധി ഇതിന്റെ കുരുക്കള്‍ കളയാതെ തന്നെ കഴിക്കാന്‍ ശ്രമിക്കുന്നത് നല്ലതാണ്.
5. എല്ലുകളുടെ ആരോഗ്യത്തിന് നല്ലതാണ്
മുന്തിരിയുടെ കുരുക്കളില്‍ ധാരാളം മിനറല്‍സും അതുപോലെ, പോഷകങ്ങളും അടങ്ങിയിരിക്കുന്നതിനാല്‍ ഇത് എല്ലുകളുടെ ആരോഗ്യം നിലനിര്‍ത്താന്‍ സഹായിക്കുന്നുണ്ട്. ഇതില്‍ അടങ്ങിയിരിക്കുന്ന പൊട്ടാസ്യം, മഗ്നീഷ്യം, വിറ്റാമിന്‍ ബി, വിറ്റാമിന്‍ സി, വിറ്റാമിന്‍ കെ എന്നിവ എല്ല് തേയ്മാനം പോലെയുള്ള ആരോഗ്യ പ്രശ്‌നങ്ങള്‍ കുറയ്ക്കാന്‍ സഹായിക്കുന്നുണ്ട്. അതിനാല്‍, മുന്തിരിയുടെ കുരു കളയാതെ കഴിക്കുന്നത് എല്ലുകളുടെ ആരോഗ്യത്തിന് നല്ലതാണ്.
6. ബാക്ടീരിയകളില്‍ നിന്നും ഫംഗസില്‍ നിന്നും സംരക്ഷിക്കുന്നു
മുന്തിരിയുടെ കുരുക്കളില്‍ അടങ്ങിയിരിക്കുന്ന മൈക്രോഓര്‍ഗാനിസം ഫംഗല്‍ ആന്റ് ബാക്ടീരിയല്‍ ഇന്‍ഫക്ഷന്‍സ് തടയുന്നതിനും ആരോഗ്യം നിലനിര്‍ത്തുന്നതിനും സഹായിക്കുന്നുണ്ട്. അതുപോലെ, ഭക്ഷണം കഴിക്കുന്നത് വഴി ഉണ്ടാകുന്ന പ്രശ്‌നങ്ങള്‍ പ്രത്യേകിച്ച് ദഹന പ്രശ്‌നങ്ങള്‍ കുറയ്ക്കാനും ഭക്ഷ്യവിഷബാധ ഇല്ലാതിരിക്കാനും ഇത് സഹായിക്കുന്നു. അതിനാല്‍, മുന്തിരിയുടെ കുരു കളയാതെ കഴിക്കുന്നത് വളരെ നല്ലതാണ്.
