തൊഴിലുടമയുടെയും തൊഴിലാളിയുടെയും അവകാശങ്ങള്‍ ഉറപ്പാക്കുന്നതില്‍ സന്തുലിതത്വം കൊണ്ടുവരിക എന്ന ലക്ഷ്യത്തോടെയാണ് പുതിയ ഭേദഗതി. രാജ്യത്തെ തൊഴില്‍ മേഖലയുടെ വളര്‍ച്ചയും കരുത്തും വര്‍ധിപ്പിക്കുക, യുഎഇയുടെ സാമ്പത്തിക മേഖലയിലെ മത്സരക്ഷമത കൂട്ടുക എന്നിവ ഇതിന്റെ ലക്ഷ്യങ്ങളില്‍ പെടും. രാജ്യത്തിന്റെ അടുത്ത 50 വര്‍ഷത്തെ വളര്‍ച്ച മുന്നില്‍ക്കണ്ടുള്ള ഭേദഗതികളാണ് തൊഴില്‍ കരാറുമായി ബന്ധപ്പെട്ട നിയമത്തില്‍ വരുത്തിയിരിക്കുന്നതെന്ന് മനുഷ്യവിഭവ, എമിററ്റൈസേഷന്‍ മന്ത്രി ഡോ. അബ്ദുല്‍ റഹ്മാന്‍ അല്‍ അവാര്‍ അറിയിച്ചു.
രാജ്യത്തെ തൊഴില്‍ മേഖയെ കൂടുതല്‍ ആകര്‍ഷകമാക്കാനും അതിന്റെ മത്സരക്ഷമത വര്‍ധിപ്പിക്കാനും ഇതു വഴി സാധിക്കും. നീതിയുടെയും മനുഷ്യാവകാശത്തിന്റെയും അടിസ്ഥാനത്തില്‍ വരുത്തിയ ഈ മാറ്റം മാറ്റത്തിനു മുമ്പേ നടക്കാനുള്ള യുഎഇയുടെ ശ്രമത്തിന്റെ ഭാഗമാണെന്നും മന്ത്രി പറഞ്ഞു. രാജ്യത്തെ ബിസിനസ് അന്തരീക്ഷം മെച്ചപ്പെടുത്താനും ഈസ് ഓഫ് ഡൂയിംഗ് ബിസിനസ് ശക്തിപ്പെടുത്താനും തൊഴിലാളി- തൊഴിലുടമ ബന്ധത്തില്‍ വരുത്തിയ മാറ്റം സഹായിക്കുമെന്നും അദ്ദേഹം അഭിപ്രായപ്പെട്ടു.
Also Read: കുടുംബസമേതം സിയാറത്തിനായി പുറപ്പെട്ടവർ അപകടത്തിൽപ്പെട്ടു; സൗദിയില്‍ മലയാളികള്‍ക്ക് ദാരുണാന്ത്യം, സ്ത്രീകൾക്കും കുട്ടികൾക്കും പരിക്ക്
നിലവില്‍ രണ്ടോ മൂന്നോ വര്‍ഷത്തേക്കാണ് സ്വകാര്യ മേഖലയില്‍ തൊഴില്‍ വിസ കരാര്‍ ഉണ്ടാക്കുന്നത്. എന്നാല്‍, പുതിയ ഭേദഗതിയോടെ ഇക്കാര്യത്തില്‍ മാറ്റം വരും. ഇതിനേക്കാള്‍ കുറവോ കൂടിയതോ ആയ കാലാവധിക്ക് തൊഴില്‍ കരാറില്‍ ഏര്‍പ്പെടാനാകും. പുതിയ ഭേദഗതി പ്രകാരം ഒരു നിശ്ചിത കാലയളവിലേക്ക് മാത്രമേ തൊഴില്‍ കരാര്‍ പാടുള്ളൂ. അത് എത്ര വേണമെന്ന കാര്യം തൊഴിലുടമയ്ക്കും തൊഴിലാളിക്കും പരസ്പര ധാരണയോടെ തീരുമാനിക്കാം. ഇതോടെ റെസിഡന്‍സ് വിസ കാലാവധിക്കു തുല്യമായ കാലയളവിലേക്ക് തൊഴില്‍ കരാര്‍ ഉണ്ടാക്കുന്ന അവസ്ഥയ്ക്ക് ഇതോടെ മാറ്റം വരും. റെസിഡന്‍സ് വിസ കാലാവധി പരിഗണിക്കാതെ അതിനേക്കാള്‍ കുറവോ, കൂടുതലോ കാലയളവിലേക്ക് തൊഴില്‍ കരാറില്‍ ഏര്‍പ്പെടാനാവും. തൊഴില്‍ ഉടമകള്‍ക്കും തൊഴിലാളികള്‍ക്കും ഒരു പോലെ ഉപകാരപ്രദമാണ് പുതിയ ഭേദഗതിയെന്നാണ് വിലയിരുത്തപ്പെടുന്നത്.
Read Latest Gulf News and Malayalam News
ഊബര്‍, ഒല സര്‍വീസുകള്‍ നിര്‍ത്തലാക്കണമെന്ന് കര്‍ണാടക
