കത്ത് നൽകിയതിന് മറുപടിയായി എംഎൽഎ വിശദീകരണം നൽകിയാൽ കേസിനെ ആസ്പദമാക്കി അടുത്ത നടപടി തീരുമാനിക്കുമെന്ന് സുധാകരൻ കൂട്ടിച്ചേർത്തു. എൽദോസ് കുന്നപ്പിള്ളി തെറ്റുകാരനാണെന്ന് ബോധ്യപ്പെട്ടാൽ പാർട്ടിയിൽ നിന്ന് പുറത്താക്കുമെന്നും കെപിസിസി അധ്യക്ഷൻ മാധ്യമങ്ങളോട് പറഞ്ഞു. അതെ സമയം, എൽദോസ് കുന്നപ്പിള്ളിയുടെ ഭാര്യ പരാതിക്കാരിക്കെതിരെ രംഗത്ത് വന്നു. പരാതിക്കാരി എംഎൽഎയുടെ ഫോൺ മോഷ്ടിച്ചെന്നും അത് ഉപയോഗിച്ച് സമൂഹമാധ്യമങ്ങളിലൂടെ എംഎൽഎയെ അപമാനിക്കുന്നുവെന്നും ചൂണ്ടിക്കാണിച്ചാണ് കുറുപ്പുംപടി പോലീസ് സ്റ്റേഷനിൽ പരാതി നൽകിയിരിക്കുന്നത്.
എംഎൽഎയുടെ പേഴ്‌സണൽ സ്റ്റാഫാണ് കഴിഞ്ഞ ദിവസം പോലീസ് സ്റ്റേഷനിൽ പരാതി നൽകിയത്. തുടർന്ന് പോലീസ് എംഎൽഎയുടെ ഭാര്യയെ വിളിച്ച് വരുത്തി കേസെടുത്തു. എംഎൽഎയുടെ രണ്ട് ഫോണുകളും സ്വിച്ച് ഓഫ് ആയ അവസ്ഥയിലാണ്. ജാമ്യമില്ലാ വകുപ്പ് പ്രകാരം അധ്യാപികയുടെ പരാതിയിൽ പോലീസ് കേസെടുത്തിരിക്കുന്നതിനാൽ എംഎൽഎ തിരുവനന്തപുരം സെഷൻസ് കോടതിയിൽ ജാമ്യാപേക്ഷ നൽകിയിട്ടുണ്ട്. കേസ് ശനിയാഴ്ച പരിഗണിക്കും. അതെ സമയം, എംഎൽഎ ഓഫീസിലോ വീട്ടിലോ എത്തിയിട്ടില്ല എന്നും വിവരമുണ്ട്.
തട്ടിക്കൊണ്ടുപോകല്‍, ദേഹോപദ്രവമേല്‍പ്പിക്കല്‍, മാനഹാനിയുണ്ടാക്കല്‍ എന്നീ വകുപ്പുകള്‍ ചേര്‍ത്താണ് കോവളം പോലീസ് എംഎൽഎക്കെതിരെ കേസെടുത്തിരിക്കുന്നത്. രണ്ട് സ്ത്രീകൾക്കെതിരെ പരാതിക്കാരിയെ ഭീഷണിപ്പെടുത്തിയതിനും കേസെടുത്തിട്ടുണ്ട്. കേസിൽ നിന്ന് പിന്മാറാൻ തനിക്ക് 30 ലക്ഷം രൂപ വാഗ്ദാനം ചെയ്‌തെന്ന് പരാതിക്കാരി വെളിപ്പെടുത്തിയിരുന്നു. കൂടാതെ, കേസിൽ നിന്ന് പിന്മാറിയില്ലെങ്കിൽ ഹണിട്രാപ്പിൽ കുടുക്കുമെന്നും കൈയ്യിൽ വീഡിയോ ഉണ്ടെന്നും എംഎൽഎ ഭീഷണിപ്പെടുത്തിയിരുന്നതായി യുവതി വെളിപ്പെടുത്തി.
Read Latest Kerala News and Malayalam News
പരാതി ഒതുക്കി തീർക്കാൻ 30ലക്ഷം നൽകാമെന്ന് എല്‍ദോസ് കുന്നപ്പിള്ളി എംഎല്‍എ പറഞ്ഞുവെന്ന് പരാതിക്കാരി
