എന്നാല്‍ എപ്പോഴും മുടി സ്‌ട്രേയ്റ്റ് ചെയ്യാന്‍ സ്‌ട്രേയ്റ്റ്‌നര്‍ ഉപയോഗിക്കുന്നത് മുടിയുടെ ആരോഗ്യത്തിന് ദോഷം ചെയ്യാറുണ്ട്. വീട്ടില്‍ തന്നെ സ്‌ട്രെയ്റ്റ്‌നര്‍ ഉപയോഗിച്ച് മുടി സ്‌ട്രെയ്റ്റ് ചെയ്യുമ്പോള്‍ ചില കാര്യങ്ങള്‍ ശ്രദ്ധിക്കുന്നത് വളരെയധികം ഗുണം ചെയ്യും. ചൂട് മുടിയിലേക്ക് അടിക്കുന്നത് അത്ര നല്ലതല്ല എന്നാണ് വിദഗ്ധര്‍ അഭിപ്രായപ്പെടുന്നത്.
ചൂട് ഉപകരണങ്ങളുടെ തുടർച്ചയായ ഉപയോഗം മൂലം വരണ്ട മുടി, പരുപരുത്ത മുടി എന്നിവ പോലുള്ള പ്രശ്നങ്ങൾ മുതൽ മുടി പൊട്ടുന്നതും മുടി കൊഴിച്ചിലും അറ്റം പിളരുന്നതും പോലുള്ള ഗുരുതരമായ പ്രശ്നങ്ങൾ വരെ പല തരം പ്രശ്നങ്ങൾ ഉണ്ടാക്കുകയും, നിങ്ങളുടെ മുടിക്ക് പോഷണവും ആരോഗ്യവും ഇല്ലാതെയാവുകയും ചെയ്യും. മുടി സ്‌ട്രേയ്റ്റ് ചെയ്യുന്നത് മുന്‍പ് ശ്രദ്ധിക്കേണ്ട ചില കാര്യങ്ങളിതാ.
1. നനഞ്ഞ മുടി ഒരിക്കലും സ്‌ട്രെയ്റ്റ് ചെയ്യരുത്. ഇത് മുടിയുടെ ആരോഗ്യം ഇല്ലാതാക്കും.
2. എപ്പോഴും മുടി നന്നായി കഴുകി വ്യത്തിയാക്കി ഉണക്കിയതിന് ശേഷം സ്‌ട്രെയ്റ്റ് ചെയ്യാന്‍ ശ്രമിക്കുക. മുടിയില്‍ ഷാംപൂവും കണ്ടീഷണറും ഉപയോഗിക്കാന്‍ മറക്കരുത്. കഴുകി വ്യത്തിയാക്കാതെ സ്‌ട്രെയ്റ്റ് ചെയ്താല്‍ മുടിയിലെ അഴുക്ക് വീണ്ടും മുടിയില്‍ കട്ടി പിടിച്ചിരിക്കും.
3. മുടി നന്നായി ചീകി വ്യത്തിയാക്കിയ ശേഷം വേണം ഹെയര്‍ സ്‌ട്രെയ്റ്റണ്‍ ചെയ്യാന്‍. മുടിയിലെ ജടകള്‍ കളയേണ്ടത് വളരെ നിര്‍ബന്ധമാണ്.
4. മുടിയില്‍ ചൂട് അടുപ്പിക്കുന്നതിന് മുന്‍പ് ഹെയര്‍ പ്രോട്ടറ്റിങ് സ്‌പ്രെ അല്ലെങ്കില്‍ അത്തരത്തിലുള്ള ഉത്പ്പന്നങ്ങള്‍ ഉറപ്പായും ഉപയോഗിക്കണം. ഇത് മുടിയുടെ ആരോഗ്യം നശിപ്പിക്കുന്നത് ഒരു പരിധി വരെ തടയും.
5. സ്‌ട്രെയ്റ്റ്‌നര്‍ വാങ്ങുമ്പോള്‍ ചൂട് അഡ്ജസ്റ്റ് ചെയ്യാന്‍ സാധിക്കുന്ന ഉപകരണം വാങ്ങാന്‍ മറക്കരുത്. പരമാവധി ചൂട് മീഡിയം ലെവലില്‍ ഇട്ട് വേണം ഉപയോഗിക്കാന്‍. അധികം ചൂടോ അല്ലെങ്കില്‍ കുറവ് ചൂടോ ഇട്ട് ഉപയോഗിക്കാതിരിക്കാന്‍ ശ്രമിക്കണം.
6. സ്‌ട്രെയ്റ്റ് ചെയ്യാന്‍ ഉപയോഗിക്കുന്ന സ്‌ട്രെയ്റ്റ്‌നര്‍ എപ്പോഴും വ്യത്തിയായി സൂക്ഷിക്കാനും മറക്കരുത്.
7. സ്‌ട്രെയ്റ്റ്‌നര്‍ ചൂടായതിന് ശേഷം മാത്രം ഉപയോഗിക്കുക
8. എപ്പോഴും കുറച്ച് മുടി എടുത്ത് സ്‌ട്രെയ്റ്റ് ചെയ്യുന്നത് മുടികള്‍ക്ക് കൂടുതല്‍ പൂര്‍ണത നല്‍കും
